2013年11月2日 星期六

雷公田郊遊記

哈....我真係冇估錯
上一篇 yahoo blog 告別文
真係最後一篇

幸好我有經常更新 facebook 專頁
否則大家應該以為我人間蒸發了

搬了新竇,不習慣
我終於明白點解老人家最怕係改變
又正值工作上忙得頭昏轉向
沒時間又沒心機去適應
希望慢慢會好起來吧

最近天氣很好
其實應該多跟小孩外出
這些是夏天的照片了

如果大家想郊遊
我推介雷公田牛奶場給大家
其實是大欖郊野公園段
車可到但路比較窄
周末的話駕車會很頭痛
因為單是倒車讓路
已費掉大半小時才入到去
還要很高超的技術呢

大家不妨泊車在錦上路西鐵站
然後坐 78 號往雷公田的小巴到總站、或搭的士前往
下車後徒步10-15分鐘左右
一直的路都是石屎路
不難走,但前段會較多車
龜速行駛的,但也要小心

這個笨小子,還是用推的比較好...哈哈


始終是郊外,溫馨提示大家
記著要帶郊遊四寶:帽子、毛巾、水、蚊怕水



笨C最喜歡吃這裡的芒果布甸了,好香甜呢
上次來時她還是 BB,今次自己吃了


笨B 冇份食,掛住睇人地啲車出出入入


大欖郊野段其實好舒服
可以遠眺整個錦田
豁然開朗


笨C 果然是村姑第二代....好喜歡大自然呢!


笨 C 行行下,忽然興之所至
話要幫我推細佬
我諗住呢段路都好輕鬆,就畀佢試試啦


 點知上斜時都唔肯放手
其實佢唔夠力的
所以爸爸要扶上一把



細佬真爽,可以坐車睇風景!


細佬,因乜事你咁爽
都坐到發吽豆啊?





最後,笨 C 竟然係推足來回全程
足足大半個鐘
頭髮都濕晒....
呢個家姐真係唔話得

不過,我睇佢都係貪得意啫
如果佢大個左都有咁幫手
我就真係還得神落了
哈哈哈 ~ 



笨 B 媽媽 facebook fan page: www.facebook.com/bbmamababa

1 則留言:

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: