零難度鮮檸蜜

呢篇係呃 post 之作
零難度

前陣子在 facebook fanpage 提過夏日炎炎
o係屋企打杯檸蜜，解渴過飲汽水
仲意外地令奶奶和 b 爸的敏感咳好轉
所以有好多人有興趣

其實最緊要有部強力攪拌機，我用的是貴夫人，自購品
雖則我覺得貴夫人最抵用 (在工展會、美食展時又最平)
但市面都有好多其他牌子，大家自己選擇下喇

鮮檸蜜，材料一眼睇晒
就係鮮檸、鮮青檸、冬蜜
已可打到三大杯

我鍾意用冬蜜，因為陳師傅推介
佢話冬天採返來的蜜糖水份最少、密度最高、補益效果最好云云
我這瓶是在工展會買的，特別大瓶，零售比較少見



雖然貴夫人聲稱可原個水果連皮連核打
但我試過切開才發現壞的檸檬
所以建議大家還是切開看看吧

現在陶瓷刀也很普及，用來切水果不會留下金屬氣味，讚
但千萬千萬不要讓小孩自己用，切到手的話，恐怕手指都甩埋
(因為太太太鋒利了！我有一次滑到手，都沒有直接切到，只是揩到，已經爆晒缸標好多血，驚驚)

每人份量，下一大湯匙的冬蜜
再加一杯凍開水
(即是共三大湯匙冬蜜 + 三杯水)

重點是，多冰多冰多冰...
一人份量，我會舀一勺子的冰...
打出來剛好
因為摩打太高速，打的過程其實會有點發熱
如果不下冰的話，可能會打出一杯暖果汁，哈哈

如果怕咳，就自行用少一點冰啦

超高速，打三十秒已 OK 吧，我沒計時間

大家都很好奇，連皮連核打出來的那杯東西，會否很混濁很澀口
其實檸檬 OK 的，但我試過橙，不行，橙一定要去皮

剛打出來的鮮檸蜜就是這樣子
如果放久了有可能沉澱
所以還是趁凍嘆左佢吧 ~ 哈哈

連笨 C 都好欣賞
咁就好啦

飲過自家製鮮檸蜜
我以前再愛飲的甚麼 C+ Lemon
以後都應該不會再出現在我家雪櫃了吧~

笨 B 媽媽生活記事

宣傳你的專頁