2012年7月19日 星期四

中產媽媽的心聲

剛在親子論壇看到了一篇討論,樓主以【香港的家長負擔太重了】為題
分享了她周邊家有小孩的朋友的教育和住屋支出
笨 C 即將入學、笨 B 快要出世,看了後我開始滴汗 ...


(引用自 http://www.baby-kingdom.com/forum.php?mod=viewthread&tid=5301509&extra=page%3D1)
梁特首參選時提到可考慮十五年免費教育. 先不講十五年, 現時香港已經有十二年免費教育, 仍然有很多香港家長選擇直資, 每個月都付出好大千元的學費也不要入讀政府學校. 中間究竟出了什麼問題呢?

首先算一算, 如果由N1班已經開始付學費, 究竟由幼兒班到入大學, 學費平均多少? 不如就以我身邊朋友所選的學校為參考吧.


幼兒班學前班: 每月$5000


K1: 每月$4800

K2: 每月$4900
K3: 每月$5000

直資小一至小六: 每月$3800

直資中一至中六: 每月$4600

我以每年10個月來計算一下, N1全年要付: $50000, K1: $48000, K2: $49000, K3: $50000, P1 – P6: $228000, S1 – S6: $276000

共: $701000

各位記住這個數是不包括每年通賬, 同時也不包括什麼書簿費, 雜費. 茶點費, 校車, 校服費, 補習費, 學鋼琴, 學跳舞, 學游泳, 學英文, 學數學, 學普通話等等… 還不包括每年或許會酌量加一點學費呢. 即是說, 如果我們以入讀大學為目標的時候, 今時今日, 在香港這小地方, 供書教學是需要一百什至幾百萬不等.

這不得不令我反思, 因為身邊不少朋友都以這個模式去培養小朋友. 我看到的是, 除了學費, 他們還需要供一幢好幾百萬的樓. 他們的會所管理費都是每尺$2起來計.


難道我身邊的朋友個個都已經一朝發達?  二不就是兩公婆每月很高薪水, 中產人士, 月入各10萬?  如果不是,
又怎可以維持到這種教育模式?  大家不要忘記, 如高堂仍健在的話, 難道不用給一千幾百的 “飲茶錢”
他們嗎?  還要家中的賓賓姐姐都要$3600 人工, 嘩嘩嘩, 愈想愈多, 香港的家長每月的支出實在太多太多了. 看來, 香港現在應該是,
“無謂追, 一個都已經夠數了”.



以前未有小孩,雖然間中也有聽到其他家長說養個小孩要很多錢
但始終未有切身感受
前幾個月在替笨 C 找 N 班,才猛然發覺,原來現在的學費真的貴得驚人 
我還攪不清那些是公立那些是津貼那些是私立
只知道我看到的 N 班都是三千多至五千多一個月
本來心想,N 班嘛其實跟託兒差不多 ... 都係返去玩下,叫做有個地方可以讓笨 C 待上一天,減輕奶奶的負擔 
這個駛費跟請工人差不多 budget ... 頂一年啫

但看了這篇,我就開始頭痛了
除非往後的教育都選官津
否則教育開支不可謂不驚人
住屋方面,慶幸是較早期買樓的一群
雖然還在供樓但這部分負擔不算太重
但當然還要供養父母、為自己退休打算

跟大家一樣,我們都是自食其力的中產
沒資格、不打算也不希望老了要等政府養
我覺得自己的人生還是要靠自己打拼出來的
做得父母,就不敢怨這怨那
要有選擇權嗎就預左要多付一點辛苦一點
只是希望政府能做得合理一點
讓我們這類中產心理平衡些,覺得自己的努力和付出是有價值的
不要亂花公帑,把香港變成如外國一樣的過度福利社會
別要讓我們覺得自己的努力、慳儉和未雨籌謀反成了懲罰自己的惡咒 

補白:
最後這段,並非對需要取福利的人有歧視
我覺得絕對需要有福利制度,幫助困難的人
但要分清甚麼誰是真正困難、誰只是怕困難
還有甚麼是 necessity、甚麼是 nice to have
基本保障生活溫飽,讓完全沒有工作能力的人 (老弱傷殘) 有尊嚴地生活是重要的
但對於這個類別以外的福利申請者
要有足夠誘因 (或限制、或不足之處) "逼使" 他們有尋求更好生活的動力 

另外,其實我覺得免費教育由 12年變成 15 年是 nice to have
現時的幼兒教育費用高昂,若變成免費,對家長是減輕了不少負擔
(當然也有缺點,例如缺之了學券的彈性)
但我最重視還是整體教育政策和質素

我脫離學生時代太久了
只記得當年我也是一隻「被填的鴨」
身邊的同學當然也是
但綜觀今天的大家,各有成就
證明了學校的學習其實只是人生的一部分
在學校,我們學懂課本知識、學懂與人相處、學懂競爭
但最終每個學生會變成一個怎樣的人
其實很大部分取決於社會風氣和家庭教育
所以,我並不贊成不斷的改革
與時並進是需要的,但破舊立新並非必需
我對過去的教改過程沒有詳細瞭解
只看到身邊做教師的、家長的、學生的
似乎都是怨聲載道的多
我想,政府還是要好好反思一下
是不是要這樣為了「好像有做過野」而不斷的改革下去
(其實我覺得最有效的,是規定政府官員子女,都要入讀本地學校
他們才會有切身感受,不會胡亂地制定政策,嘿嘿)





笨 B 媽媽生活記事

宣傳你的專頁

24 則留言:

  1. 十二年、十五年又點呀,quality唔夠好,多多年都咁話~ :P 我地果時得九年之嘛,都唔少人材出現啦~~~

    回覆刪除
  2. support... 我地中產就死慳死低. 想生多個都怕. 而要供樓, 又要養父母. 真係好多野煩. 但好多新移民(大陸/其他國家如印度, 巴基斯坦) 一黎就拿福利. 仲要生幾件. 佢地唔係老, 有氣有力都唔去工. 我媽話有d 拿住綜援日日去飲茶架, 有d 30多歲既印度, 巴基斯坦人日日係公園. 唔去打工....綜援唔係應該幫助老人家既咩(佢地60幾70歲反而仲靠自己能力去收紙皮) 香港政府唔應該係幫呢班老人家咩???? 點解幫左一班有力有氣而唔去做野既人呢????香港玥係咁..真係無眼睇啦.

    回覆刪除
  3. 我每個月用係小朋友身上:中學直資每用約$3000+保險和生活費$1500+補習和學外語$2500=$7000,這只是保守最少每月洗費;當然有好多係睇父母選擇,保險我只係這兩年才幫小朋友買因家中有人病了,中學才開始讀直資。所以小五前的洗費少一半,早10年前並未太流行學前教育,直至上幼兒班才學溜冰(佢想學);上小學才學兩樣(小朋友學業只是中第),我只係想同佢開心唔好學壞長大後努力工作

    回覆刪除
  4. 大頭妹8月就入學...我地最後都揀咗冇學卷的﹗因為阿旺想大頭妹早啲學好啲英文喎。

    回覆刪除
  5. Bravo! Lots of pressure for HKese parents...
    When I'm in high school, I remembered my piano lesson was $800/lesson, that means $3200/month, though I'm in public school, my education is free, but preparing for F.5-F.7, I do have to take couple tutorial classes. That being said, my mom is a stay at home mom while my dad's salary was a bit short of 8000. Now when I look back, I really don't know how my parents make the end.

    回覆刪除
  6. 其實教育制度真係唔改好過改...填鴨有咩錯呢? 小學生人仔細細, 咩知識都係靠背誦得返黎架啦, 宜家話愉快學習..學分析, 學批判性思考...wei..咁咪搞到好多人仔盲字都唔識多隻lor..
    好多野應該係小學階段浸出黎ge.

    回覆刪除
  7. 同意B媽的見解
    我也是唔上唔落一族(中產)
    其實諗深一層,想當年我哋咪又係咁過,父母無咁多助力,我仲更加勤奮,反觀而家兩個囡囡,因為生活太舒適安穩,佢哋嘅鬥志唔夠強,放軟曬手腳,成日要同佢哋講,要勤奮讀書,將來日子才好過~ 哈~! 大囡給我嘅答案,真係啤一聲呢~ 『 我的日子過得好好,假若將來我冇錢買樓,住番你呢樹咪得囉~ >.<~"』無言............

    回覆刪除
  8. 好有同感...
    最近留意到有關國民教育的報導... 都對現時的香港教育有啲擔憂...

    回覆刪除
  9. 作為中產一族, 我地真係唔上唔落!
    我地有少少能力可以賺到錢, 自己搞掂買樓, 買保險醫療!
    差不多冇咩野靠政府, 每年又定時交稅!
    不過講到要生兒育女, 又真係好大壓力下!!
    所以個個都諗過度過先生!
    有時覺得底下階層, 反而生完一個又一個, 冇我地諗咁多野呢?
    唔知係唔係我地太過理性, 反而想太多!!
    作為hk中產真係好迷茫!!

    回覆刪除
  10. 宜定個社會就係咁, 有能力既就做死你, 吾怪得越來越多人做懶蟲

    回覆刪除
  11. 我都睇緊N班資料,好貴,$3000-$5000一個月,同我以前讀大學一樣。不如返下PG好過。

    回覆刪除
  12. same here in the uk...
    many workable people are getting lots of benefits...
    while us... working hard and paying super high tax... (ie paying for their living/ holiday/ raising their children....etc)
    life is so tough... ><

    回覆刪除
  13. 。。。。。。。好贵。好贵。

    回覆刪除
  14. 香港就係咁奇, 越貴的先越有market, 搞幼稚園的就要豪華, 學習內容要夠深, 滿足其中一部份家長的自我感覺良好 (洗左錢, 將來子女無得怨, 好有贖罪 feel). 就算免費教育15年, 制度都會有私立/直資幼稚園, 都係大把人爭, 直資中小學有辦你睇.

    回覆刪除
  15. 笨b媽媽:你好!好耐好耐之前,見過你介紹太子道一間做鞋店, 果時你讚過佢幾好,吾知你仲有冇呢個紀錄呢, 可以比個地址我嗎?因為我太肥,想做兩對舒服鞋,趁將回港探親,順道做呢件事,謝謝你!彧者如果仲有好既做鞋店,都想你講我知, 我信你口碑架^^

    回覆刪除
  16. 其實很多非直資學校也很不錯,如皇仁,英皇,英華,庇理羅士等。直資只是一部分的選擇啦。

    回覆刪除
  17. same here in Sydney. i am studied in Financial Planning. i have studied about our social security system. i was overwhelm about the family tax benefits for low income family ( household income below $46355 up to $94316). Starts from second kids, teenage kids can get up to $6307.20p.a. allowance from government. i said to my hubby, this is only small part of benefits for family. at the end of days, we heard that there are up to 20,000 teenage staying overnight in CBD Sydney for drinking, drug and abuse every Friday and Saturday. I was question where the money came from. Here we are.. I agreed what you said, the community needs safety net. If the safety net more than enough, it can create a lot of social problem.

    回覆刪除
  18. 多年來我在海外的觀感,是教改太急進,又忘了六十後少了很多學生,一時買位,一時殺校,母語教學,然後出爾反爾,再來校本條例,令到教育界人仕忙於應付朝令夕改的制度。既然直資學校有較大自主權,有能力的,有那間學校不想轉直資,減輕教育處的金剛箍?只是,教處此做法,卻大大減低了社會流動性。昔日你有好成績,可以讀最好的學校,給你向上游的希望。現在?家裏沒錢,休想跟這些轉了直資的好學校有何關係。久而久之,其實將社會階級化,實非香港社會之福。有時真的懷疑,當權改革者,是否沒有活過草根的生活,是否腦袋力只有何不食肉粥的概念?

    回覆刪除
  19. 我剛剛開始幫我個bb睇n 班學校。真係好大壓力!

    回覆刪除
  20. 照咁睇澳門呢方面好好多喇.. 我地托兒所全日 $2000 有找, 讀書係 K1 開始 15年免費教育, 仲會書簿費津貼 (人人都有, 唔駛特別申請)
    慳唔少呢 !!! [(smile)]

    回覆刪除
  21. 其實我覺得某些爸媽太神經質了,也太多比較. 只要按自己的能力, 給能力範圍人最好的給你小朋友便可以, 何必同人比較太多? 小朋友係一粒種子, 如果佢真係參天大樹的種, 佢日後點都會長成參天大樹; 資源多點或少點, 我覺得影響不會太大的. 反而小朋友會給他一個開心健康的童年, 才最緊要. miss 左你compensate 唔到比佢. 即使多兩個A 又如何?

    回覆刪除
  22. 呢位家長的心聲令我好有共嗚啊!!!!!! 我覺得現今o既教育制度係製造我呢d怪獸家長o既源頭之一..............講真, 我由衷想享受一上納稅人的小小福利, 讓小朋友享受政府的免費教育, 可惜教育政策的左改右改, 好多學校都離開呢個畸形機制, 成為直資/私立學校..............家長如果想子女讀咩, 就要乖乖多俾$$$$同埋報學校喜歡小朋友上o既興趣班才得到學位.............講真, 雖然我們果代是一隻「被填的鴨」, 但我覺得我們果代的教育制度好過家陣囉~~~~~~~

    回覆刪除
  23. 父母都想把最好的給自己的孩子,但有沒有想過什麼才是"最好"?是不是"合適" 比最好重要?

    新一代都周身刀,但我招回公司的新人類,連common sense都沒有,更遑論工作態度。什麼地方出了差錯?那不單是教育制度出了問題。

    我們都本末倒置,我們給孩子很多很多的輔助和補給,能上天落地入海,但結果這些能力都未能成為他們生命的一部份。成長需要生活體驗,需要空間,需要認清楚孩子能力的差異,而不是沒完沒了的比較。

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: