2012年7月17日 星期二

澳門銀河周末親子遊

幾個月前幫笨 C 拿了 passport 和身份證
一直想帶她出外走走
但因為工作上走不開太久,頂多只能在周末外遊
本也打算是只能在澳門與大陸之間選一個地方玩玩

在我的龜速行動之前,竟收到「澳門銀河」邀請
讓我們可以到 Galaxy Macau 體驗周末親子之旅
實在太太太幸運了!
老實講,如果只是邀請我一人的,我應該不會答應的
因為個人而言有冇得玩根本不重要,我本來就不是那麼喜歡玩的人
這會令我覺得很有「工作 feel」
(咳咳 ... 我寫 blog 是娛樂, 不是工作啦, 我對公關或記者工作沒興趣)

但今次是親子主題,可以一家人一起去 ... 嘩嘩嘩簡直是要九秒九立刻答應
酒店的親子設施對我這類父母而言也是外遊很重要的考慮點
所以我真是滿懷喜悅和期望地出發啊

我們下塌在澳門銀河酒店
(「澳門銀河」綜合度假城包括三家酒店:Galaxy Macau 澳門銀河酒店、Hotel Okura 大倉酒店和 Banyan Tree 悅榕庄)

入住前說明了要 double bed
不算很寬闊,但中等身型 couples 雙人同睡也 OK



窗外是樓景,算是開揚
倒是覺得遠處樓房很有將軍澳 feel,很高很密
澳門這幾年間變得太多了,是繁華了不少,但好像失卻了以往獨有小區的親切感了



浴室很寬闊,同時有企缸和浴缸,衛浴用品齊全
看到我落左簾嘛?再 scroll back 睇番前兩張相丫,浴室本來是透明玻璃的啊



小孩的住宿設施一應俱全 (當然,要記得在訂房時先說明)
有嬰兒網床、嬰兒浴盆、便盆、暖食物器 和 奶瓶消毒器
好齊全好細心,對帶著小 B 出遊的父母們提供許多方便啊



今次銀河之旅,剛巧遇著《荒失失奇兵》夏日嘉年華檔期
由7月13日到 8月3日,每天下午 1 時 - 晚上 8 時
在東翼廣場都有表演和遊戲
逢周末有非洲舞蹈、樂鼓表演、仲有小丑扭氣球和雜耍



逢星期五到星期日,《荒失失奇兵3》裡面o既獅子阿力仲會現身巡遊
會同觀眾影相添啊!
本來我地都見到佢架,不過因為 mascot 正好要入去休息,所以沒拉著牠拍照了



只要o係推廣期間入住 Galaxy Macau、大倉酒店或 Banyan Tree
或者o係 Galaxy Macau 任何商店或餐廳一次過消費滿 200 元
或即日o係 UA 銀河影院購買 2 張戲票
都可以參加今次《荒失失奇兵》遊藝活動 & 攤位遊戲呢



去片:非洲舞蹈及樂鼓表演


笨 C 睇到 O 晒咀、目不轉睛啊
睇完仲識拍手添,哈哈



Galaxy Macau 其實好新,開幕至今都係一年多少少
面積相當廣闊,淨係食肆都有 50 幾家
貴價餐廳當然有,但平民選擇都不少,甚至香港人熟悉的翠華、Pepper Lunch、元朗學記也有
購物商場行到你腳軟,講得出o既知名品牌都有咁滯 (但我竟然見到有萬寧 ... 帶漏日常用品即刻去補貨都仲得 )
最有名氣o既手信店都齊全,所以「足不出戶」都可以玩足成個 weekend
當然,仲有賭場 ... 但緊記小賭怡情

今次銀河之旅係親子主題,當然要帶我地去玩下o的兒童遊樂設施喇
二樓處有一所《童樂島》,專為 2-12 歲小朋友而設
旁邊仲有個《電玩中心》,適合 8 歲以上大人小朋友
兩邊收費都係 $68/ 二小時,包一名成人 + 一名小童
大家如果計劃去玩,記得要帶短袜啊,否則不能入場呢

笨 C 咁細,當然係去《童樂島》玩喇
呢度空間都好寬闊,人客量不太多,地板也鋪晒軟墊,可以放心玩
遊戲設施都係比較簡單而活動性的,例如滑梯、 旋轉遊戲、氣球等等
細個少少如笨 C 的會玩得不亦樂乎 (也可以乘機放放電 )
亦都有一o的教育性o既活動,例如圖書角、煮飯仔、白板等等
年長少少o既小朋友,應該會喜歡星夢劇場,因為可以借衫 cosplay 扮公主王子





笨 C 超喜歡這個滑梯
不過佢唔敢自己滑下來,要人扶住
玩多幾次,佢嘗試自己來,不過是背向天,可能咁樣較有安全感吧


另外一個非常適合一家大細o既活動設施,就係呢個《天浪淘園》
其實佢係三家酒店共用的 (以上介紹的其他設施和活動也是)
最大賣點,首先是「夠大」
因為面積達到 52,000 平方米
淨係下圖呢個衝浪池,已經佔 4,000 米
我第一次o黎到都嘩一聲,好似一個小海灣!仲真係幾大浪!好刺激架



雖然個池咁大,但因為模擬真實沙灘而建
所以近岸處都係好淺水的,最盡頭才是深水區 (最深 1.8 米)
所以不諳水性的,可以留在淺水區玩水
笨 C 最初落水時都好緊張
但玩多兩玩,竟然愛上「衝浪」
o的浪打埋o黎時,佢仲特突向前行添!
真係一個大膽妹啊!
溫馨提示 1:人工浪力度頗大,我這個大冬瓜都企唔得太穩,所以要看緊小孩啊
溫馨提示 2:記住帶埋玩沙玩具,因為呢度有人造沙灘,不過要即場買也有,貴一點而已 
溫馨提示 3:記住帶 BB 太陽油 + 水泡


水中吧台,游到倦了可以 hea 下



除左主池之外,周邊還有一些泳池和遊樂設施的
不過我冇影晒
下圖呢幅係俾小朋友玩o既蘑菇噴水池



以上,大致就係小朋友遊樂o既設施了
玩一個 weekend,節目都會好豐富,相信小朋友都會盡興而歸


除了親子活動設施之外,當然我地都要參觀一下其他酒店特色啦 ~
下圖就係正門處o既《運財銀鑽》噴水池啦
呢度好金光燦爛,仲有一盞好大好大 (據稱有 20 萬粒水晶!)
陳師傅一o黎到,即刻話呢個係風水局喎
大家估唔估到點解呢?答案o係本篇最末



每小時搭正 0 分都會有一次《運財銀鑽》表演
以璀燦燈光效果配合強勁音樂
然後有一顆 3 米高 (!!!) o既銀鑽徐徐升起
效果好震憾!我拍低左成個過程俾大家欣賞啊


此外,我地亦參觀左另外兩家酒店,先去大倉酒店 Hotel Okura
呢家係日本元素o既酒店,侍者都穿著一身傳統和服招待賓客
正值他們舉行七夕活動,更有遠從日本而來的服務員
向賓客介紹七夕典故和傳統,並邀請賓客一起參與
在紙條上寫下願望,掛到許願樹上





我們的願望,一句寫晒



可惜因為 full house,沒能參觀大倉酒店的客房,緣慳一面

然後轉移陣地,到 Banyan Tree 悅榕庄參觀
Banyan Tree 是屢獲殊榮的亞洲度假酒店品牌,相信大家也聽過
充滿禪味的設計,令人一踏進去已覺得心靈平靜
個人非常喜歡這種氛圍







Banyan Tree 的房間全為套房設計
一進房間,最吸引眼球的就是這個 4呎 x 13 呎恆溫《悅心池》了
對著落地大玻璃,一邊浸泡放鬆,一邊觀賞窗外景色,真是賞心樂事 



房間很有空間感,用上很多木元素,感覺很回歸自然 





正式沐浴,當然不是對著大玻璃   是在這個大木桶浸浴啦



據知 Banyan Tree 的房價是每晚 2600 元
以房間質素和設施來講,是很相宜的價格
當然,如果是多住幾天來說,會覺得去泰國更划算
但如果只有短短一個 weekend,這裡是不錯的選擇呢 




今次在澳門銀河度過了老幼同行的三天兩夜
小朋友玩得安全又開心,設施充足又齊備 
老人家不需要奔波操勞、食物多元化、豐儉由人
同時又是子女又是父母的"夾心階層" (即是我們 )
能有一個地方安頓好家中老幼
自己乘機可以休閒一下充充電
今次的行程值得大家參考
one stop 可以滿足全家需要

我們外遊次數不多
對酒店設施、食物質素的評價純粹個人感受,絕不專業
我只著重過程中家人的感受
一家人一臉的輕鬆愉快就是最佳成績表

再次感謝澳門銀河集團的邀請
這次行程真是滿足又開心
還品嚐了許多美食呢!
拍了太多照片,這裡放不下
我在 facebook fan page 那邊為今次行程開了個相簿
大家可以去看看啊
按此觀看

最後,解謎時間,為甚麼陳師傅話運財銀鑽是一個風水局呢
大家有看到天花板那些好像孔毛形狀的霓虹燈嗎
像不像一群雀鳥一起飛往某個方向?
對啦那就是象徵「百鳥歸巢」
是吸客、吸財的作用喔 ~
說給大家知道,純粹 for fun 啦  
風水這一門,信則有、不信則無呢




 






笨 B 媽媽生活記事

宣傳你的專頁

7 則留言:

  1. Thanks for the sharing. We thought about going to Macau in June, but Cole suddenly got sick... may visit there next time when we come back to HK :-)
    P.S. I love her bikini look!

    回覆刪除
  2. 你們呢個周末遊真係好正啊

    回覆刪除
  3. 我老公成日要離家出走,這個選擇唔錯!Ben C mei mei 的bikini look 好得!喜歡!

    回覆刪除
  4. 我5個月前帶我囡去過, 都不知道原來有那麼多設施.
    你去當天笨B有午睡嗎, 我囡就超扭計要抱著睡, 夜晚也是.
    但我囡就超喜歡在房間走來走去

    回覆刪除
  5. 真係幾正啵~我都諗住遲D帶BB過澳門搵姨婆^^
    係呢~過關要帶咩證件? 係唔係回港證同出世紙就可以喇?!

    回覆刪除
  6. wah... first time see her v sexy bikini look ar!!!

    回覆刪除
  7. Hello, 我是同行中其中一位媽咪。我覺得張 double bed 好細,我同個仔一張床都係啱啱好。 可能我家人都屬大件 take care & see you soon :)

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: