
今日在朋友的 facebook 看見轉載了這一段
覺得蠻有意思的,拿出來跟大家分享一下
我是一個相對隨和的人
很多事情都沒所謂
特別是對家人和朋友
特別有關我認為是「身外物」的東西
一來,我鬧人唔叻
(我覺得鬧人要有效果,就要夠口齒伶俐、轉數快、唔抖氣一氣呵成,先有氣勢 ...)
好嬲o既時候想鬧人
人地未有反應,我已經谷到自己想喊咁款
麻麻地嬲想鬧人時
人地覺得我o係度唱歌 ...
既然如此不擅長
久而久之,我就更加少鬧人了
二來,我覺得不值得為了身外物而影響感情
隻碗打爛左咩?好野,可以買新碗
叫你買野唔記得左買?哦冇所謂啦,下次再去買囉,大不了特登搭車再去一程又如何
唔見左銀包?抵死啦邊個叫你唔小心看住銀包!快o的去報失 XXXYYYZZZ!唉我上網幫你預約再攞身份證啦!
我通常就係咁嬉笑怒罵o依o依哦哦 ...
在兩個人的相處上
我覺得兩公婆鬧交好平常
始終唔係一起長大o既兩個成年人
(阿爸阿媽生我出o黎都未必 100% 瞭解我啦係咪

觀點角度有唔同好正常
鬧交時,就係加深瞭解的最佳機會
或者是澄清一些誤解
或者是重申自己底線
平時或許不會無端端拿出來講的
這時候都是一個好機會
有朋友話我知佢兩公婆從來唔鬧交的
我當然恭喜佢地可以咁如魚得水相濡以沫
然而我並不認為會鬧交的夫婦感情一定不好呢
+++++
我覺得,兩公婆鬧交
最緊要
(1) 視乎事情本質,如已過去無可改變的事,無謂
(2) 對事不對人,切忌人身攻擊,因為沒有解決不了的事情,但傷左o既心冇咁容易好得番
(3) 一件事還一件事,唔好十幾件事一齊鬧,火上加油又混亂
(4) 鬧完一次下次唔可以再因同一件事鬧,因為理論上上次鬧完應該已解決
(5) 每次鬧完一定要有散場,一定要 reached compromise o既。兩個人嬲爆爆谷住道氣訓覺唔算結束
(6) 男士幾時都係打圓場o個個架啦,女人係感情化動物,EQ 冇你地咁高,鬧完交未必咁容易 tune 得番,你地蝕底少少都要呵番人啦
希望各位晚晚有覺好訓
床頭打完交,床尾記得攬番住 ~
笨 B 媽媽生活記事

宣傳你的專頁
寫得真是太好!
回覆刪除好文章
回覆刪除
回覆刪除笨b baba 好幸福!
明白晒!!!
回覆刪除寫得very good!
回覆刪除要俾我男朋友睇下學習下
好嬲o既時候想鬧人
回覆刪除人地未有反應,我已經谷到自己想喊咁款
麻麻地嬲想鬧人時
人地覺得我o係度唱歌 ...
我都係呀!我真係唔多識同人鬧交,口齒又唔夠人伶俐,所以,好多時都係算,有時忍唔住,都只係一句起兩句止,唔會鬧大交!
我鍾意你尼兩句
回覆刪除"希望各位晚晚有覺好訓
床頭打完交,床尾記得攬番住 ~"
同意! 最怕要努氣, 心口痛架. 笑下過左去咪算囉, 鬧咩鬼!
回覆刪除笨B媽
回覆刪除好同意你的講法,其實我結婚20幾年都無鬧交!我都好驚有一糕顆炸彈,
但我真係唔想傷害他,所以有好多事都放係心裡面,好多時都係算!
祝你和笨B爸"百頭到老"
SANDY
有時鬧交都算係溝通的一種... 咁當然唔好事無大小都鬧啦... 如果鬧完係解決到問題而又令大家了解多咗... 都係一件好事...
回覆刪除