2012年4月12日 星期四

粥底打邊爐@街坊天台

我們一班住得比較近的村姑之間,常有即興活動 
因為大家都有家室,有時要特登指定日子時間約齊咁多個,真係好難
所以多數好 causal 咁,某時某刻興起,約到兩家三家就一齊食個飯
有時是試試附近的新餐廳,有時是上某一家的屋企黐餐 
真是非常街坊 feel,也是我很喜歡的一種生活模式啊

今次我們去了街坊小魚兒的家
她的家像個「黑洞」(甚麼都容得下)、又像個「遊樂場」
因為她很喜歡嘗試各類廚房新玩具 (最難得是小魚公 support 啊!)
我都很喜歡玩「玩具」,只是因為笨 B 爸爸呢樣話唔准買o個樣話阻椗
所以我常上小魚兒的家玩,哈哈哈

小魚兒的新玩具啊,空氣炸鍋
我常常想研究下佢同光波爐有咩分別,今次終於見到真身了
老實講,size 並不細過光波爐好多喎 ...



哈哈,我家的技術總監又去研究人地咩原理了



結論是,都是靠發熱線發熱、渦輪製造熱旋,從而做出高溫加熱、快速和乾燥的煮食效果




我地最鍾意食薯條,炸鍋似乎不能容納太多,這裡只是一個薯仔的份量 



「炸」好後的樣子



第一鍋炸的,大概是時間不夠,不夠脆



第二鍋炸的,加長了時間,有脆的效果了
當然,沒有 deep frying 那種邪惡的香味
但對我這種暴食薯條的人,這種薯條就健康許多了



看到 Vanlily 說用空氣炸鍋來炸瀨尿蝦,代替走油工序,效果很好,我地又試玩一下



炸的時候很香,不過這些瀨尿蝦比較細隻,炸完之後黏殼情況又比較嚴重
所以冇咩肉食了
不知用大隻的效果會不會好一點呢



玩完炸鍋,天已黑齊,係時候做番正經事
今次我地玩「粥底打邊爐」
小魚兒先煲好一個粥底,不是普通煲白粥咁煲
是用攪拌機把米和水攪成米漿再煲
因為打邊爐時有米的話容易黐底啊
但也另外蒸了一些白飯,打邊爐到尾聲時
才把白飯加入,撈埋鍋內打完邊爐的米漿成粥



為了最後那碗粥的美味,食材全部都用新鮮的,不用加工食品
這是豬肝,好新鮮好粉嫰



泥鯭仔,要細隻先夠甜



其實那些瀨尿蝦本就是用來打邊爐的,again 特登買細隻的因為較鮮甜



蟶子,又係細隻的,但沒我們想像中的鮮甜
下次還是買蜆或象拔蚌仔



滑滑腐竹



其他人就偏好手切肥牛,據稱牛肉味勁掂 (我不吃牛的所以沒法評論)



小魚公卻獨來獨往,指定想吃這款急凍肥牛





蔬菜籃
嘩今次買到的超甜粟是極品啊!好飽滿好甜!不要滾太耐,否則甜味會走晒落粥
剛剛好時吃,人間極品啊!(不禁要重覆一次 )


今次打邊爐的材料,由小魚兒一人獨力準備,真係辛苦晒!
連配料都一大堆,真係切到手軟啊!

下次都係搵埋笨 B 爸爸幫下手洗下切下啦!



打完邊爐,再倒埋o的蒸飯落鍋變成粥
鮮味之極,大家都連乾兩三碗!
太滿足了 ~~~

飯後,來一壼陳年普洱
再加小魚兒極力推介的「蘿提橙」(香水菠蘿 + 提子 + 橙打成的 smoothie)
真係幸福到不能言語
感動感動感動 



我們大人在飲飲食食,笨 C 呢就努力研究人家的遙控器s
逐個攞o黎按,把屋主的電視音響遊戲機全開了
真係百厭星啊



我的 facebook 專頁,緊貼每天心情 + 芝麻綠豆大小事 ~







17 則留言:

  1. 哇﹗鍋粥一定鮮甜味美......

    回覆刪除
  2. 就咁睇d料已經知道個粥一定好好味

    回覆刪除
  3. 你就好啦,我果度d村屋街坊相見如陌路人架...唉

    回覆刪除
  4. 笨 C 好有研究精神呢!

    回覆刪除
  5. momo: 要是我日後不用上班,我也想加入你們村姑的活動,返工,很磨人。。。我寄望今年年尾。。。

    回覆刪除
  6. 個炸鍋係咪即係air fryer. 我一直想買個炸鍋. 早兩年都研究過個air fryer. 嗰時香港未有得賣. 睇啲外國人講話炸薯條的效果麻麻地, 但係有啲人又話好. 你覺得可唔可以代替用穫炸嘢?

    回覆刪除
  7. 個炸鍋真係幾得意,真係炸到! 我係街見過,成日好wonder 係唔係真係得,原來係OK0既!

    粥底打邊爐好有創意,有機會試下!

    回覆刪除
  8. 炸鍋號像好好玩 !

    回覆刪除
  9. 睇到都見肚餓呀! Thank you for sharing!

    回覆刪除
  10. 有朝一日.買東西不用看標價.2012年4月18日 上午6:03

    你好~想與你分享
    中文市場正在爆炸的網路創業自動跟進系統,
    如果你對網路居家創業有興趣,歡迎免費註冊試用系統的威力
    完完全全在家工作、不推銷、不囤貨
    別猶豫了!歡迎複製右邊網址登記註冊>>>http://qtup6.ugo.com.tw
    合法經營,非誠勿試。
    *謝謝您的閱讀,如果您不感興趣,很抱歉打擾您!!
    祝版主事事順心。

    回覆刪除
  11. XDD空氣炸鍋~好神奇~@v@
    實驗左好多樣~XDDD?

    回覆刪除
  12. 粥底真係會好易痴抵, 但打完邊爐果個粥就真係正囉....

    回覆刪除
  13. 呵呵!講真,當日因為怕剩了食物,之後我地又去咗旅行,唔敢買太多,幾驚你地唔夠食呀!
    好彩最後都夠啫!

    回覆刪除
  14. 我都係第一次看見「空氣炸鍋」這東東。
    謝謝分享!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: