2012年4月30日 星期一

捐窿捐罅


笨 C 呢期好鍾意玩伏匿匿
成日搵o的唔同o既位置匿埋
其中一個佢最愛o既藏身之所
就係 high chair 下面 ~



哈哈哈 ~ 媽媽發現左你啦!



笨 C 話:我身手咁敏捷,你咁都捉到我?



捐左落椅底,悠然自得咁玩玩具



我不斷在逗她笑 ~



呵呵,終於捕捉到一張正面的了!呢張係咪好女仔呢 ~



話口未完,笨 C 又變番大笑姑婆了
唉吔冇厘儀態滴 ~







笨 B 媽媽生活記事

宣傳你的專頁

2012年4月27日 星期五

Enary 神仙水

我好少出席美容 event
因為實在太多太多
去晒都好花時間,我又唔係美容編輯,非工作需要
所以,就算有餐飲招待、免費試用都未必隻隻試
呢方面,我比較依賴身邊o既朋友推介
有幾位美容達人,係我呢方面o既明燈
佢地會過濾o的適合我o既,我就會去試啦  
慳番唔少自己亂打亂撞的時間和金錢呢

今次出席 Enary 這個日本美容品牌進軍大中華區的傳媒發佈會
第一個原因,因為見到係 9°Beauty 代理的 (9 度集團是Tempur 太空枕的代理)
Tempur 個太空枕真係好用到無比 (按此重溫)
我由第一日到而家,日日都訓緊
真係自此冇左頸梗膊痛的問題
我已經"毒"左唔少街坊朋友買左
最開心係佢地個個話番俾我知感覺同我一樣咁暢快
自此,我認定呢個集團o既其他產品應該都一樣咁正

另外一個原因,係聽到我的美容界朋友話
Enary 的神仙水 (左邊第二支) 可以媲美 SKII, La Mer 的質數
但價錢平一大截,適合我呢o的又想靚又想慳的精明小村姑喔  
(P.S. 據說呢支 Enary Mild Lotion 售價為 $460/ 150ml,又果然平易近人好多喎)



剛才提到,Enary 係一個日本品牌,由 9 度集團引入香港及大中華地區
Enary 這個名稱 stands for "Energy" + "Recovery"
顧名思義,為肌膚注入能量、修復肌膚、回復天然美麗 
成份主要係甲殼素
由植物 (主要係菇菌類) 提煉而成

尋日o既 launch event,由時尚界名人張學潤先生主持 



仲有星級化妝師 Gary Chung
佢塊臉白滑過我喔



未開始介紹產品之前,先祭五臟廟
第一次來 Harvey Nicolas 的四樓餐廳 (openrice 介紹)
師姐話呢度o既龍蝦湯係全香港最好味的
呢個係忌廉蘑菇湯 Cream of morel mushroom soup with croutons
好濃好香,一絕!連o的麵包粒都好正



主菜我揀左雞肉卷 Roasted Chicken aroll eith Foie Gras and Veggies
呢個就冇我想像中咁美味
同行友人揀大蝦菜式,佢話好味o的



為左配合大會主題,餐廳特別設計左呢款火焰雪山甜品 Mount Fuji flambe with 9 degrees chocolate logo
其實係好好食的,只是比較甜膩,如兩個人分享會較好
我只食得落半個



一邊用餐,Gary 已一邊示範為模特兒敷甲殼素面膜



台上在做示範
台下的我們,都有機會玩下
原來呢o的一粒粒o既壓縮面膜紙
裡面已經含有甲殼素
就咁加普通o既 toner 已有效果



但如果加入 Enary 的 Mild Lotion,可以大大加強保濕效果



嘻嘻,我仲加左幾滴 Enary Moisture Essence 添
想美白的,可以再加埋美白精華素喇

一邊加入美容液,壓縮面膜就一邊變大發漲
當然,我地唔係在現場一齊敷
我帶左番屋企夜晚敷呢!敷完塊面好滑好軟!



15 分鐘後,模特兒敷完面膜了
嘩 ~ 素顏之下,都一臉透白光澤呢



Enary 在中環置地廣場的 Harvey Nicolas 內有專櫃
大家有時間可以去逛逛呢 ~











笨 B 媽媽生活記事

宣傳你的專頁

2012年4月24日 星期二

紫淮山糖水

上次去美心皇宮試菜 (【五邑。想家】系列)
吃到一味【紫玉淮山甜湯丸】
又漂亮又好吃,念念不忘

記得大廚介紹過,紫色的淮山在香港沒得賣的
我沒證實過,因為實在沒有時間逛遍大小街市
於是,我上去淘寶寶 ...
嘿嘿嘿 ... 淘寶寶真是甚麼都有

老遠訂來了兩公斤試試,原來不多,就這裡而已
哈哈運費仲貴過o的淮山喔



切下去,好漂亮的紫色啊
看來應該是天然的



冰格剛好有湯丸,就照辦煮碗吧!
奇怪,以前我超愛吃這款寧波湯丸的,達狂吃程度
陀住笨 B,竟好像興致缺缺了



處理鮮淮山,一定要戴膠手套的
因為鮮淮山有很多黏液,容易滑手
而且容易引起皮膚痕癢 (若有此情況,可以搽些白醋,但千萬不要去抓,會愈抓愈癢)
戴了膠手套便免除以上兩個煩惱了



我忘了要用冰糖,慣了用增城黑糖
所以湯汁啡啡的,沒有美心做的好看
(P.S. 用普通不銹鋼湯煲煲,時間較久,不知是否也有氧化的問題?)
但一樣好好味呢 ~



下面這碗是第二煲,配蓮子的
用左冰糖,兼且高速煲,18 分鐘攪掂
果然出色好多啊!




【後記】

周末陳師傅入來探笨 C,我興致勃勃地拿紫淮山給他看
話我發現左好野,又健脾又好味

點知,陳師傅話,呢o的其實叫做山藥,但經賣菜的以訛傳訛後大家都以為係鮮淮山
山藥口感粉糯,較好吃
但並沒有藥用價值 (!!!)
就算去藥材店買乾品的淮山,都有商人以乾品山藥代替
特點是較大片較漂亮,煮出來粉粉的好吃
但原來正式藥品淮山,煮極都係爽架呢
噢竟然如此?
下次去肥仔醫師度,等我又問下佢先 ~




笨 B 媽媽生活記事

宣傳你的專頁

2012年4月22日 星期日

周末沙田遊

連續落左幾日大雨
星期六終於放晴
笨 B 爸爸提議到 IKEA 逛逛
看看有沒有合心水的餐邊櫃

嘿 .... 我訴求多時的餐邊櫃,終於有著落了
我真係好需要多一個櫃o黎擺放食物和笨 C 的日常用品
一個家庭,實在太多太多太多雜物了



最鍾意逛沙田 IKEA
地方又大又光猛,傢俬又可以任試任坐

咦 ~ 竟然有小童 size 的休閑椅
好o岩笨 C 坐喎!


可惜餐邊櫃的選擇不多,當日只看到兩款
但長度都比我想要的較短,所以買不成
但笨 C 好似走左入大觀園,成隻馬騮咁猛咁攪o的陳列品



而家 IKEA o既兒童傢俱和用品區都幾大,沙田呢間分店仲有埋兒童遊戲室添
不過我地冇入去遊戲室玩,只在傢俱部攪攪震
呢隻搖搖馬好攪鬼,冇頭o既?



笨 C 都係鍾意煮飯仔多o的 ~
呢個玩具廚房像真度都幾高啊!電爐頭竟然會發光的,好似真o既咁



沙田的 IKEA 幾好行,較闊落
笨 C 行到倦,就俾佢坐購物車喇 



話時話,我想讚下 IKEA 個瑞典美食廊,有好多種類
價錢不貴,品質又好
而家多左好多急凍食品選擇
我試過o的三文魚相當唔錯



sasa 話有隻冷盤蝦仁,解凍即食的,好好味,唔知係邊款呢?




大大罐的青蘋果和啤梨汽水,才 $12
兩款我都飲過,唔錯呢
次次 shopping 完都會買罐來嘆



呀呢款醬汁好好味架!用o黎點煙三文魚或整熱狗都好o岩呢!才 $17,推介啊!



超市o的有機食品通常賣得好貴
IKEA 呢度就好相宜
呢o的大大樽o既有機果醬,都係 $39 咋
有好多味道選擇呢



逛完 IKEA,行番過去搭火車
當然要幫襯下呢檔涼果喇
檔主好熱情架,好多款都有得試食,又唔貴喎



我勁鍾意仁稔o既獨特香味
長期有買九龍醬園o既仁稔醬o黎蒸排骨
呢款九制仁稔就第一次食,幾好味啊



冬薑,檔主話長期缺貨,所以買左半磅 (好似 $35)
勁正呀!好夠薑
反而上次慕名去么鳳買的令我失望,貴到嘔
係好薑,但亦都好鹹 



哇哈哈,為食的我仲買左豬肉乾 & 魚乾仔呢



呢隻係烏梅,用o黎送茶唔錯



o係車站裡面見到呢個自動販賣機,有趣
好似o係旺角和大角咀站都見過
如果無啦啦落大雨,臨時臨急要買把遮都幾方便



夜晚出左旺角
嘩!旺角駛唔駛咁多人
已經係夜晚 8 點,間間食肆都仲係排晒長龍
唯有轉戰一家樓上舖泰國菜
位置較隱蔽,都差唔多坐滿了
但唔駛等位好好多



笨 C 冇咩野o岩食,唯有食佢自己o的星星餅啦



叫左一碗冬蔭功、一碟辣醬炒飯、一碟青咖喱肉排
個湯 ok、個飯合格、個肉排唔好食 ><



笨 C 見有飯,都要分一杯羮



哈哈哈 ... 似乎唔太欣賞呢










笨 B 媽媽生活記事

宣傳你的專頁

Linkwithin

你可能對以下文章有興趣: