2012年3月5日 星期一

訓覺大事

近來出 blog 量甚少,真是不好意思
原因是我沉迷訓覺 ... 
肥仔醫師話我為人太緊張,成日訓得唔好
所以成日叫我得閒無事就訓多o的覺
哈哈哈

事實上,我係一個好鍾意訓覺o既人
訓o既鐘數亦都比人多
只係我成日發夢,郁身郁勢
個枕頭應該又唔係咁o岩
成日訓完仲倦過未訓

點解我唔換左個枕頭 ...
因為我用緊o個個枕頭其實係 Sealy o既
當年同張床褥一齊買
心諗都已經慕名買左呢隻牌子
點解都係訓得唔好架呢

原來,揀枕頭真係一個好大o既學問!
唔o岩你頭型頸型o既枕頭
真係貴一貴都冇用架,o徙料
所以一定要親身去試
仲要慢慢試、逐個試、細心感受
千祈唔可以怕羞、怕俾人望、怕唔好意思

因為枕頭o既問題困擾左我一段時間
所以當 Tempur 的公關聯絡我時,我真是喜出望外
實在太o岩我了啊啊啊

今次我係去專門店揀
雖然係對住條街
但跑馬地人流不太多
唔似百貨公司裡面人來人往行過都望你幾眼咁
所以我都試得好愉快



Tempur 在百貨公司也有專櫃
但專門店的款式當然是最齊啦



除了枕頭外,還有腰墊背墊甚至辦公椅等,適合上班人士




Tempur 枕頭大曬冷!真係好多款,眼花瞭亂
如果大家想知道每一款有咩特點,可以睇呢度:
http://www.tempur.hk/PILLOWS.aspx



每款枕頭各有特點,因應使用者頭型、頸型和睡姿而設計
所以店員會好細心逐樣詢問,最重要當然係即場試訓啦!



以下呢款係健頸椎型枕頭 Original Neck Pillow
適合仰睡人士,因為波浪型o既設計可以完全承托頸椎和頭部
Tempur o既枕頭除左款式多,每款o既尺碼亦好多
呢款o既標準型有分小童、細碼、中碼、大碼、特大碼
仲有加長版o既中碼、大碼和特大碼
一個枕頭分 8 個碼,真係第一次聽
完完全全係 personalized 
有時o的枕頭,可能款式o岩但尺碼唔o岩
一樣會訓到你頸梗膊痛架 (我完全係過來人囉)

據聞呢款都幾熱門,不過唔o岩我
因為我訓覺四圍碌的,一陣仰睡、一陣向左、一陣向右
仰睡時高度剛好,但側睡時便覺得稍不夠高
(因為呢度咁多款枕頭我才可如此挑剔 ...
以前買枕頭時只可將就將就!)



以下呢個係 TempraKON 恆溫羽絨枕,採用太空衣所用的自動控溫物料製成
特別之處係佢唔會因為長時間訓住而過熱以至出汗,十分適合成吉思汗o既後人 (成身大汗)



呢款係全方位立體健椎枕頭 Symphony Pillow
特點係枕頭中央位置較高、四側有斜角
仰睡時可以將頭、頸、肩部承托得更加緊貼
而側睡時又可以緊貼面部至肩部線條
其實都幾o岩我



以下呢款係智適型健康枕頭 Comfort Pillow
同其他大部分 Tempur 枕頭唔同
雖然都係用 NASA 太空物料製造
但其他款式係壓模而成
呢款係「打散」再重新組合的
所以手感好唔同,鬆鬆軟軟的,任你擠壓 
可以做枕頭、cushion 或者攬枕咁用
但因為我要揀o既係訓覺枕頭,太鬆軟唔多o岩我



呢款超得意,叫蝴蝶型飄逸枕 Ombracio Pillow
適合任何睡姿,但對俯臥o既人有特別好處
因為俯臥時唔會頂住心口,可以減少呼吸問題



咦 ... 我發覺我冇影晒所有枕頭添
我自己揀o個款都冇影大頭相添   真失策
因為我俾呢張床迷惑了!!!
anyway,我就係揀左床上呢款立體健頸椎型枕頭 Millennium Neck Pillow
我實在是一個太麻煩的人 (訓覺時)
爭少少都會令我唔舒服
試左咁多款枕頭,雖然都有o的「近磅」o既,但總覺仲爭o的乜乜咁
見到呢款外型咁獨特 (即是有少少古怪) o既,都冇諗過會o岩
點知就真係呢款o岩,仲好似為我而設計咁!




嗱 ... 外型係咪好 ... 獨特呢!
較扁的一邊向上 (頭位)
較高的一邊向下 (頸位)
中間有凹位,仰睡時把枕頭向膊頭位稍稍拉落o黎
咁個枕頭就會完完全全咁套住你個頭位頸位
「後尾枕」訓落較上邊較扁位置
條頸又得到好好o既承托
成個頭頸位置就和床褥平行了
呢個狀態係最無壓力最舒服 ~

另外,見到兩側是較中間稍高嗎?
側睡時可以訓上去呢個較高位置
咁個膊頭同條頸終於唔駛「摺埋」了!
呢個設計真係好似特別我為而設咁
太感動了 ~~~
所以我最終係揀左呢款 Millennium Neck Pillow o既中碼 ~~~
 


剛才提到,我被這張電動床迷惑了 ...
好耐之前已見過類似的東東
那時候完全難以想像除了病人和老人家之外,誰人要訓電動床
(因為那些電動床實在好有醫院病床 feel )

但我上次入醫院開刀生笨 C,我就深深體會到電動床o既好處
o個幾日,如果冇左張電動床,我都唔知點過

話說回頭,Tempur 呢款電動床看似雙人
其實是兩張單人床併湊而成的
當然,加埋床架,佢o既 setting 都係為雙人而設 ... 亦都唔醫院 feel
好處係,兩邊床褥完全獨立
一邊o既人碌來碌去,唔會影響另一邊o既人
自己訓唔著,仲可以升高張床睇下書睇下電視
最重要係佢*超靜*,升高降低時幾乎無聲
唔會嘈住隔離o個個

可惜呢套雙人獨立升降床連床架,索價港幣 12 萬
我暫時唯有發下夢先啦 ...
但花得起o既朋友,我覺得佢真係好 good 啊
自己用或買俾家裡老人家用都係超正
所以要特別介紹介紹



同行 blogger 在試用中 ... 呢位男士從來未試過「起唔到身」之苦,也暫時未有枕邊人
所以佢想像不到這床的好處

我而家還算年青,呢張床雖然正但都係 nice-to-have 非必需
然而他日老左退休,如果可以買番一張呢o的電動床訓下
就真係無憾矣 ~ 
(以下這款單人電動床好像在港幣四萬左右)



呢度係電動床o既底部
因為摩打、電線都佔一些位置
所以床底就不能有儲物空間了



特別展示出來給客人看的床板 (一格格那些)
店員說,Tempur 的床褥都是用 NASA 太空物料製造
內裡不含彈弓
所以彈弓就設計在床架上



每張 Tempur 床褥,都有兩層,上層是太空物料,下層是高效能聚酯物料
提供最佳o既卸力效果和承托力



店員即場做了一個示範,看看鉛球跌落普通海綿 vs Tempur 物料的分別
令人驚訝啊





店員仲邀請我地試下訓落呢抽鎖匙度 ...
竟然完全感受唔到背脊有野頂住    好神奇 ~



最後,店員還介紹了這款可以摺得很細小的旅行枕頭
原來放番出來一點也不小啊,可以訓得很舒適
如果常要出差的朋友可以考慮啊



收納的方法很簡單呢,只要捲起便成







Tempur 的枕頭大概是千多二千元左右
比起我們以前買開的枕頭貴了不少
不過我覺得訓一個好覺真是很重要的事
好難得今次有呢個機會試用
否則我未必茂茂然去試呢
(我捨得花錢買個好枕頭,但主要係驚買錯,浪費了錢又唔捨得丟 )
但而家試過咁好,我諗我將來再換枕頭時,也會首選考慮 Tempur 呢!
日日都訓o既,貴買平用啊

話時話,我用了 Tempur 這個 Millennium 枕頭三星期了
覺得真係好貼頭、好 fit 我
訓完後唔再頸梗膊痛
因為訓得好,所以少左碌o黎碌去,睡眠質素提升了
雖然我仍然是經常發夢,但呢樣唔關枕頭事
淨係令我條頸唔再倦已經是一大感動
如果你地都有呢個問題,真係時候要換個枕頭了

Tempur 專門店現正進行 7 折特價,枕頭、床褥、配件全部都有
大家想換枕頭的話,要趁這個機會啦!
(但剛打去舖頭問,未有確實完結日期,所以大家去之前問清楚啦)

地址:跑馬地黄泥涌道31號鋪
電話:2573 8282
營業時間:11:30 AM ~ 20:30 PM
特約經銷商:九度舒緩 9°Comfort
總代理:Zenico (Asia) Co. Ltd.
Facebook專頁:https://www.facebook.com/9comfort



我的 facebook 專頁,緊貼每天心情 + 芝麻綠豆大小事 ~


11 則留言:

  1. 呢個品牌勁正~我而家都瞓緊呢種memory foam既薄pad,不過唔係呢個品牌(cheap呀嘛~~~)枕頭就係~嘻嘻~最緊要係個枕頭套,要洗得密過平時~因為佢唔係好散熱,所以"熱人"唔啱瞓,會熱死~(蝦子餅就頂唔順,所以我响我瞓果邊加pad咋~)佢張電動床我都玩過,真係好過癮~佢仲有種得腰以上會郁既version,你可以諗吓~(好evil添~嘻嘻~)

    回覆刪除
  2. 我而家都係用緊 「蝴蝶型飄逸枕」呀~

    由細到大都係扒0係度訓,見到呢個為我地呢d「另類人士」而設嘅pillow 真係好感動呢~ 同埋真係好舒服,無哂以前頸梗膊痛嘅問題呀...雖然真係好貴,但我都覺得值得呢...

    回覆刪除
  3. 我諗我買嗰個應該係同你一樣,本來用得都好好,但唔知惦解最近訓醒條頸都痛,唔知關唔關個pillow事

    另外,同意訓得好幾錢都捨得,事關我經常都訓得唔好,我對佢張床褥超有興趣,但就係驚買左覺得唔好,其實我而家嗰張已經係名牌子兼唔平,所以仲未敢博來買張新嘅

    回覆刪除
  4. 但係我無晒過兼用左唔夠一年呀

    回覆刪除
  5. Hi 笨C媽, 睇完你篇介紹, 我都想去跑馬地睇吓.

    Just FYI... 我的頸一直有點小毛病, 要間中去睇脊醫. 兩年前在醫生的診所買了一個枕頭, 是充氣的, 所以高低程度是自己調較的. 用後覺得還可以.

    你換了枕頭瞓得好, 很不錯... 但萬一還是覺得不適, 不要掉以輕心啊. 我以前都以為自己的頭痛和頸痛是因為同個枕頭唔夾, 完全唔知原來係條頸有問題啊.

    回覆刪除
  6. 係啦,要留意下先 :)

    回覆刪除
  7. 你好,我係QOOZA既Charlie。
    QOOZA係一個fashion & beauty既資訊平台,提供最新最快既fashion & beauty資訊,還有些是關於life style,等各位上班一族返工同時可以隨時緊貼潮流。

    有小小野想邀請你參加,我有咩方法可以聯絡到你?
    我e-mail係: charliecheung@qooza.hk

    麻煩你覆一覆返我呀~謝謝~

    回覆刪除
  8. 我都系訓覺碌嚟碌去果D人,睡眠質素好差,聽你咁介紹我都想換過個枕頭啊!

    回覆刪除
  9. 我今日終於都敗了個Symphony Pillow回家,揀個陣仲向comfort同蝴蝶型呢三款試咗好耐先揀到

    回覆刪除
  10. 成2千蚊個枕頭 真係貴左D喎
    係咪真係甘物超所值??
    E+仲有冇做DISCOUNT??

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: