2012年3月8日 星期四

bb 的冒險精神

17 個月大的笨 C,活動量愈來愈大了
佢而家已唔甘於蹣跚步行,仲要越級挑戰去跑
當然,偶爾也會變成一個大冬瓜滾地葫蘆

非常喜歡落街玩的笨 C
在家時經常走去望街
果然是女生外向 ~ 



點解眼角會有淚痕 ...
大概是剛扭完計吧
笨 C 而家識扭計了,得逞後眼淚即收,簡直有影后風範



你睇,一放手俾佢去玩
本來喊緊都即刻笑晒,快過變臉



我想所有小朋友都喜歡玩樓梯吧
當年姪女 Blue 都係咁

有時我地只係上去一陣拿東西,好快會落番o黎時
會虛掩門欄
呢個時候,笨 C 就算在遠處,都會即刻標過o黎



雖然笨 C 夠力爬上一層
不過佢通常在頭幾級玩玩算

以前轉角位的窗可以望到後面屋花園的魚缸
笨 C 最鍾意企o係度望
可惜現在後面屋在花園建了鋁頂
再看不見魚魚了



以前我地好驚笨 C 去玩樓梯
所以才買這門欄
現在發現其實佢都知分寸
爬幾級便會停下,頂多爬到轉角處
以前又驚佢會唔識落樓梯碌落o黎
而家發現其實佢識坐o係樓梯度一級一級咁落
bb 仔原來唔係我地諗咁咩都唔識啊
佢地都識得諗方法
當然,有時候佢地唔知危險,會用錯左o的危險方法
就要即時去 STOP
如果見到佢地識o既,就不妨放手俾佢地去探下險呢
可以培育佢地自信心和冒險精神啊



除了樓梯,笨 C 而家超喜歡上天台玩
其實我的天台沒啥好玩 ... 可能是新鮮感吧



一打開天台門,笨 C 便好似暴走 bb 咁



不過呢隻曳豬,而家有時會抗逆大人命令
叫左佢唔好坐地下,佢硬係要坐
唯有返落樓下時換褲換鞋喇



好啦玩夠啦 ~ 要返入屋啦 ~



上星期日晚公公入來食飯,笨 C 又拉住公公玩爬樓梯了
唔上唔落,依依哦哦一大輪
唔知佢講乜呢?

(其實之前佢只識講嫲嫲/ 咪咪/ 爸爸/ mum mum
踏入 17 個月大呢幾日突飛猛進
識得講晒 1、2、3 --- 之前會食左個 1 字的
B、C --- 而家依然食左個 A 字
車車、臭臭、花花、bear bear
然後我地講咩佢又會學 --- 當然係發音不準喇
好鬼攪笑架啊 ~~~) 






我的 facebook 專頁,緊貼每天心情 + 芝麻綠豆大小事 ~



5 則留言:

  1. 天台無野玩啫!但地方大嘛~可以暴走喎!緊係鍾意啦!

    回覆刪除
  2. 笨C把聲好靚,片中苯C好努力咁表達BB世界情感比大人知(我都好想知呀),好得意,可愛

    回覆刪除
  3. 笨c好似念緊中詩朗誦 好好笑啊

    回覆刪除
  4. 笨c好得意呀!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: