2012年2月27日 星期一

淘寶寶新手入門之一:【開戶】+【增值支付寶】

哈哈 ~ 好耐好耐冇寫過教學 blog
(因為要花好多時間喔)
但因為儲埋儲埋唔少淘寶寶想同大家分享
每次都引來不少朋友提問如何開戶
可能大家覺得淘寶網係大陸 system
有時啲詞彙又怪怪地睇唔慣  
所以心理上會有少少不安感

因為一年前初接觸淘寶的我都係咁迷惘
但用慣左之後
覺得大陸人設計得出呢個如此完善o既網上購物平台
可以容納如此龐大o既交易量
簡直係驚天地泣鬼神之作
(其實大陸而家o的 IT 技術真係唔講得笑)
以顧客角度,我覺得淘寶仲好用過 Ebay、amazon  呢類網購巨擎
最重要係淘寶實在太太太多賣家太太太多貨品
想像得到的、想像不到的都有
有時淨係上去逛逛,八卦下都覺得開心

當然,有人會垢病大陸好多假貨
甚至有o的人利用淘寶o黎走私非法物品
咁冇人叫你買呢類貨品架嘛
淘寶仲有好多好多有趣o既野

+++++

在淘寶開戶其實不難
但因為牽涉送貨、付款
需要輸入較多資料
亦因此對保安要求較嚴謹
(唔嚴謹的話你都驚啦)
所以註冊時步驟較多
但只要按步就班
其實也沒啥難度的

有關註冊新戶口,淘寶上已有詳細教學
大家請參考:http://www.taobao.com/help/buy_step1_01.html

這裡想講的,是付款方法
因為淘寶上的付款方式有兩個
可以 (1) 使用信用咭即時付款
也可以 (2) 透過【支付寶】付款
但首選【支付寶】,一來對買家更有保障
二來方便不用每次輸入信用咭資料
也減低網上購物的風險

然而,香港人使用【支付寶】的話會比較間接一點
所以這裡花少許篇幅介紹一下



用信用咭直接付款的話,你不用煩惱充值支付寶的問題
但費用可能高一點點,因為牽涉信用咭計算匯率 + 3% 手續費

使用支付寶的話,會較方便較有保障
因為支付寶類似 Paypal
你登記了一次便成了,也不用輸入信用咭資料,只要充值便可
另外,它會先收取買家的貨款,但不會即時過數給賣家
待買家收到貨確認後才過數 (有 blog 友補充:用信用咭付款也有此購物保障)

支付寶是要充值的,好像八達通一樣
但只接受國內銀行戶口的直接充值
香港人的話,要搵中間人【淘點】幫手
在【淘點】開戶後,會連結了你的支付寶戶口的
到時可以這些方法充值
(1) 在 OK 或 7-11 購買充值券,然後上【淘點】網頁輸入資料充值
(2) 用匯豐、恆生或中銀戶口,過數給【淘點】,然後輸入過數資料
以上方法,淘點都會在收到資料核對後,替你充值支付寶戶口
很安全而且很快捷,如果是 weekday 的話,一般在一小時內已攪掂了

因為人民幣匯價時常不同
所以淘點的兌換率也時有不同
它也有些手續費的,在兌換率已加入這因素
但應該比使用信用咭便宜一點點
現在的兌換率好像是 1:1.27
即是要充值 100 元人仔的話,要入 127 港元

好,這篇到此為此
下一篇介紹集運吧 ~
如果大家有甚麼想知的或是想補充的
歡迎在留言板寫下喔
如果我識答都會答的
同埋我用慣手勢,可能有o的新野都冇咁 update 呢

另外,歡迎大家引用此文及上面的流程圖
但請註明出處,因為我整左好耐架喔 ...



我的 facebook 專頁,緊貼每天心情 + 芝麻綠豆大小事 ~






 

19 則留言:

  1. 其實我用信用咭都係會受到支付寶保障, 都係要我地確認先過數比賣家架.

    回覆刪除
  2. 你教得都好祥細啊

    回覆刪除
  3. 係唔係一定要安裝它的軟件 (名稱忘了)以記錄和賣家的對話以防日後爭拗?唔裝得唔得?

    還有,有無option可以在OK取貨, 因為屋企無人收貨?

    回覆刪除
  4. 好清楚同詳細呀, 多謝笨B媽媽分享

    回覆刪除
  5. 嘩, 張圖你自己整架? 好勁呀, 好靚, 又清楚!
    其實我成日都想試下去淘寶買野...
    不過又係見好似好多steps咁!
    你知唔知佢地會唔會送貨去英國架?

    回覆刪除
  6. 有用有用........試試先 等你下一篇

    回覆刪除
  7. 哈哈,你辛苦一次,唔駛次次為咗我哋打字講解得咁辛苦了

    回覆刪除
  8. 笨c媽媽, 唔知您仲記唔記得我呢? 曾經講過話, 如果笨c係我生日o個日出生的話, 會送份禮物比佢o個個... (可能上次我唔係用呢個a/c留言都未定)
    好, 廢話少講先, 呢個淘寶教學真係好實用喔~ 係呢度, 或者講多少少 info 補充下先
    1. (純粹建議) 提醒大家, 淘寶網, 支付寶同淘點係3個獨立的 a/c, 開通後要做a/c綁定, 即將呢3個a/c做連結, 至可以增值左淘點後, 係淘寶比$$買野
    2. (個人經歷) 淘寶個防火牆呢, 或者應該話d駭客太勁, 好耐之前我開戶時, 剛剛確認左開通淘寶, 都仲未趕得切第一次 login, 就比人駭左... orz 仲要一次都 login 唔到o個隻, 之後, 淘寶的客戶服務又超唔 helpful, 搞左好耐, 要 request 到佢地 block 左之前個a/c, 我再開個新的... 所以, 建議淘寶網, 支付寶同淘點3個a/c 的密碼要唔同, 仲要大小寫英文同數字配合會好d
    3. 淘寶網有 add fd 功能, 如果 add 左 fd, 除左可以交換淘寶資訊外, (我同朋友間成日都用) 就係有時淨一個幾毫唔夠$$比 (您知啦, 淘點最少增值HKD200), 就可以請朋友支付, 或由朋友的a/c 轉少少$$比自己 a/c 再比$$. 不過, 呢個方法, 每年得RMB500限額 (因為淘寶怕比人用黎做左洗黑錢), 如果想冇限制, 就要做身份確認, 在香港, 要直接拎回鄉卡上旺角的客戶服務中心搞, 所需時間要幾個工作天.
    暫時想到得以上幾點
    希望有用啦~ ^^

    回覆刪除
  9. (先此聲明,小妹不是想quarrel)     可能EBay同Amazon係美加base,所以你覺得無咁好用啩?     我响呢邊就覺得好好用,相比TaoBao無得用其他方法(例如Email)同賣家聯絡,吓吓都要用佢個software,好多時都同唔到個賣家對話;而且TaoBao話就話可以用credit card俾錢,但仍好多限制,Ebay同Amazon就無咁既問題,只要係valid既信用咭(Debit card,即係銀行咭,都得)就用得(唔使一定用paypal架!),方便好多~     仲有,開個TaoBao account一定要用電話verify(我試過"Email"方法,最後都要SMS個confirmation...所以攪到朋友),唔响中港澳台日韓就唔使諗住開account,相比之下Ebay同Amazon就唔會咁,仲有唔同地點既version俾用家選擇,適合唔同地區、唔同賣(買)家、唔同產品.....      當然,物品既價格一定唔會平過TaoBao,因為大陸既野好多時都好平.....但真定假?有無問題?怕怕~    (only my 2 cents)

    回覆刪除
  10. 淘寶真係乜都有得賣,好似combi出左新的飲水學習杯, 我想買回舊款的配件, 專門店一句唔再出就接線, 後來畀我係淘寶搵到正品, 價錢重要畀香港的平一半, 收貨後檢查完, 真係正品黎架。

    回覆刪除
  11. I wonder if I can buy from U.S....
    Time really flies, from "knowing" you being single, then married, and now having cute little daughter! :-)

    回覆刪除
  12. 謝謝你, 辛苦晒!!!

    回覆刪除
  13. 我己有支付寶及淘寶戶口, 還要在淘點開戶口嗎? 我試過去淘點到登入不到, 要在支付寶到登入, 但又冇得去淘點睇..

    回覆刪除
  14. 我就係對集運好迷惘呢?

    回覆刪除
  15. Thanks for sharing. I still haven't tried visiting that site yet as I'm too far away for them to deliver.

    回覆刪除
  16. 唔該晒呀! 我想學埋集運呀! 唔該晒b 媽!

    回覆刪除
  17. 請問你用边間集運呀?我上網睇到眼都花埋....

    回覆刪除
  18. 我想問而家無左淘點O甘可以點充值支付寶呀....??唔該晒

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: