2011年12月28日 星期三

假期短報告之二:天台打邊爐

大家好呀 ~ 又係我呀 ~
為了避免攤得太耐唔想寫,我而家努力報告返假期做左咩先
假期實在太多活動了 (emmm ... 其實四日三單,比起各大忙人真係唔多,
但由於村姑界活動多數要親力親為,真係好 demanding 架啊 )

平安夜晚涼浸浸,全人類都應該唔係 BBQ 就係打邊爐的了
今次主場在街坊小魚兒天台攪,慶祝佢個「天台再發展工程」竣工之喜

我的村姑朋友們,都係令我非常欽敬之輩
佢地叻在,咩都自己諗自己做
但做出來的效果,媲美專業人士o個下好野!

這個天台工程雖然還欠一些綠化
但基本建設已非常出色
看看那個工整的木條圍欄,是小魚公一手一腳砌出來的呀!
淨係將o的塑木條由地下抬上三樓已是一件壯舉啊!



我非常喜歡這套用塑木造的戶外餐桌椅
希望耐得起風雨摧殘,因為我都密謀整返套!
(不過超重的說 ... 小魚兒話當日同小魚公由地下抬上三樓時,沒了半條命 )



一向鄉村都比市區冷,當晚開始時,溫度計竟然說氣溫只有 8.3 度 ...
但我們卻不覺得有那麼寒冷,大概是沒啥風吧?



喜歡嗒兩杯的大家,帶備了酒水來享用
最左邊的那支是無酒精的 cocktail,IKEA 出品
不過大家都較喜歡有酒精的啦 ... 哈哈。
中間的那支是在馬莎百貨買的意大利白酒,右邊是在新天鵝堡訂的白酒。
一致好評的是最右那支,可惜新天鵝堡已經唔再營業了



有美酒,當然要有送酒小食
以下這個,一定要嚴重強烈地推介給大家
因為受到現場所.有.人.士.的激賞!
這是 Oisix 的北海道醬油漬三文魚子 ==> 按此觀看



看起來,以為是壽司店吃到的三文魚子
但用匙羮舀時,感到黏答答的,因為是用醬油醃漬過的緣故吧
但放了一點點入口裡,輕輕地咬破魚子時
那一刻的感覺是,有一股好濃厚o既三文魚油甘香味在口裡爆破
好似食左件超濃縮三文魚咁
呢啖三文魚子,真係非同小事
可以話係在場咁多人食過最最最好味o既三文魚子
係估唔到醃漬左o既三文魚子可以好味得咁緊要
大家o個刻都想起立敬禮咁滯
一盒裡有二小盤,每盤足夠 6-8 個人分
一人兩小匙滿滿的,足以回味無窮!


這包是我之前在一田買的風乾火腿拼盤
自己開來吃好像太多太滯了,留到當晚拿出來一起分享更好
味道也不錯



還把笨 C 契媽老遠從歐洲買給我的辣椒黑朱古力貢獻出來
這個很有趣的,吃的時候不覺得辣,是吃完後喉嚨蒂才會覺得有點「辣」的感覺
可惜當晚大家趕住開爐,最終也忘了要吃



講返打邊爐,小魚兒先準備了一大鍋的蕃茄薯仔大眼雞湯做湯底
還準備了大量食物 ,真是辛苦了!
連雞都分了淨雞和醉雞兩種做法!



泥鯭啊!好鮮美的。但小魚公話用小泥鯭更妙,可惜買不到。



海蝦




石斑,用來做甚麼呢?



原來起肉打邊爐!嘩好味呀!仲唔會好似脆鯇咁有碎骨在肉中間
沒想到可以買石斑來打邊爐,小魚兒真是食得招積呢 



本地手切肥牛,我不吃的,但眾人大讚喔



這是甚麼肥牛呢?哈哈我唔識呀
不過大家都較喜歡手切的



冇份食的笨 C,成晚在天台跑來跑去
為免危險我就整晚跟著她在跑 ...



見到小魚公的貓貓,好有興趣,手指指



食食下再望下溫度計 ... 嘩蟹 4.8 度?沒理由吧?雖然是在天台都不至於咁凍
(後來發現呢個係一個古惑的溫度計 ... 應該比正常的低了大概三度)
哈哈!嚇親添!不過真幸運是當晚沒刮風
是有點點「清涼」的感覺又不至於好凍
在室外打邊爐真是一樂也!真要多謝天公造美呢 ~
(再次鳴謝主場小魚兒和小魚公的熱情招待,真是辛苦了!期待下一輪村姑街坊活動 )



我的 facebook 專頁,緊貼每天心情 + 芝麻綠豆大小事 ~


12 則留言:

  1. 咦...佢哋個天台有無起嘢呢 ? 呢排呢個天台屋係村屋界都幾熱門話題~~
    係囉~~重諗住先聖誕節去天鵝堡食聖誕餐...點知話裝修~~~裝修係飲食界來講即係....可惜~~

    回覆刪除
  2. I remember those old 4C winter days when I lived in Yuen Long. The winds were howling and it was quite horrible, with Alan Tam's song "ai ya ai ya ai ay ho, hor ho ho; ai ya ai ya ai ay ho..." chilling!

    回覆刪除
  3. 寧靜中的不寧靜2011年12月28日 下午11:36

    笨C拔足狂奔時....妳都奔埋一份.....好似玩緊百米賽跑一樣.....你一定好攰

    回覆刪除
  4. 嘩, 好豐富! 我也想找張易打理的枱放在天台, 開餐方便一些. 但木的不知會不會很快就變殘.

    回覆刪除
  5. 套塑木造的戶外餐桌椅我都釨like喎!但唔知可否耐得起風雨摧殘呢?因為聽講尼d雖然話係戶外用!但多數都唔用得耐呢!

    回覆刪除
  6. Lindt既朱古力仲有好多種,呢邊唔難買到,佢隻Orange味都好正;我仲試過100%既pure dark chocolate(唔係Lindt出既),不過勁苦,真係唔試好過試~哈哈~(我平時食到90%架!) 至於戶外既木餐桌,最好"油"層防水料,至少兩三年先要再油吓,做吓maintenance,咁就可以用好耐架啦~(呢邊有個小花園既多數都會用,我自己就有個木既裝飾花盆,用唻套住個花盆既,都要maintenance,唔係好易"霉"架!)

    回覆刪除
  7. 溫度計唔準, 會另人著錯衫...哈哈.

    回覆刪除
  8. 其實我花園都有一套仿藤的, 但因為太多蚊, 所以很少逗留, 很少用. 平時都用防uv 的布蓋住. 如果可以找到一些可以放出來不怕曬的, 放在天台, 夏天上去開飯, 連冷氣都唔駛開, 咁就爽了.

    回覆刪除
  9. 天鵝堡果東支RESLING真係好正, 我想係第2度買都搵唔返

    回覆刪除
  10. 住大西北都唔錯呀, 可以一大班朋友打下邊爐同燒下嘢食^^

    回覆刪除
  11. 手切肥牛很正的樣子,,,請問在邊度買,,,

    回覆刪除
  12. 我都有一張「塑木」枱AR,好好用GA, 係我爸爸係深圳買材料番黎自己做GA...不過真係好貴D料

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: