2011年12月29日 星期四

假期短報告之三:行山 BBQ

哈 ... 寫埋呢個假期最「金」o個單 ... 行山 BBQ 先
去郊野公園 BBQ,是學生年代最鍾意o既玩意
人大左,通常都幫襯萬事俱備的私人燒烤場
叫你揹住o的炭呀叉呀食物呀上山
真係約到冇人o黎架  

難得一眾叔仔嬸仔都係行得之人 (可能年年行山拜山,訓練有素)
所以今年就約大家試下行山 BBQ 啦!



行山之嘛,有咩咁「金」呢?
金就金在,曾經滄海難為水,我地已經不能滿足於現成的醃製 BBQ 食品了
要買番來自己醃,要花好多時間喔
所以我而家都唔敢輕易約人 BBQ 了  

自家種檸檬葉醃的泰式豬頸肉,當然有整埋個靈魂青檸汁來蘸啦!



又係自家種的香草,Rosemary
兒興泰買的中國法式羊架,好處是可以自己拿回家切 (若是羊扒,一定要用機切,自己切不來)
肉質好,加點點黑椒鹽和 Rosemary 醃,已是極品



肥美的白鱔,買的時候牠是被切開一半,連著頭在水盆裡蠕動的,超嚇人
no eye see,只敢單眼瞄瞄牠,便請魚販替我一併清洗開肚
(但唔記得請魚販把魚頭丟了 ... 回家看見那個像蛇頭的鱔頭,又令我毛管戙了)
回家用少許鹽、糖、豉油醃了底味,另加鰻魚汁
燒鰻魚肥美可口,好味到大家拍爛手掌
但白鱔原來好貴喔,半條已 $120 ?!! 是否季節問題
只切到六塊肉 (另外兩塊是骨 ... 不計) 那一塊肉便要 $20 了?



想慳時間,在施培記買了預先醃好的五香火雞腎 ($42/ 磅)
回家後自己再即磨一點花椒,加一添麻辣,提升美味層次
付款後見到門口凍櫃那些急凍未醃的才 $16 一磅
吓?才三分一價錢?
那我下次還是做多少少工夫罷
(哈哈 ... 又想慳又想食好野,村姑精神!--- 做到頭痕!)



芥末籽雞翼,在叔婆 (City Super) 買的樽裝芥末籽 (Mustard Seed)
用來醃雞翼是好好味的啊!不過要下多一點才夠味
又係先用鹽、糖、豉油醃底味,豉油不要多啊否則變了中式味道
然後再加芥末籽醬,要好像這樣的份量 (要見到蠻多的芥末籽) 才算夠啊!



是次雖然是家庭活動,但街坊 sasa 和好姊妹渣渣剛好也有空
便一起來了
sasa 家裡也有種檸檬葉,她用來剁豬梅扒了
超香的,大家都讚
我又學到野了,下次我的檸檬葉又有新出路



燒烤點少得麵包呢 ~ 那當然不是就咁搽蜜糖喇 ~
自製了這碗香草蒜蓉牛油,搽在麵包上燒好香啊!



另外少不了的海鮮,買了大虎蝦



屋企人買來的大大隻花甲,肥美絕頂
另外還有鯖魚呢



因為是次主題是「行山 BBQ」 當然少不了行山這個步驟喇
幸好有 9 個大人,大家一人分一點物資,行上山還可以應付呢
先消耗一點脂肪,之後可以開懷大吃


有點失策是,沒有帶 BB 車 (忘記了有一大段平路可推)
於是大家輪流抱這廿多磅的笨 C
簡直是 weight training




幸好笨 C 間中也會自己走
(後來發現基本上她是腳骨力超好的 )
不過她腳短走得慢,等她到達可能等到第二天啦!所以讓她走一會又抱起她了



快要冬去春來的郊野,色彩繽紛啊



漂亮的水泉



參天的巨木



我們去了石崗燒烤場



這裡也是河背露營場的地點,看見後面有兩個藍色的帳蓬嗎?



其實這裡真是蠻漂亮的啊!
有興趣走走這段路的朋友,可參看漁農自然護理署的網頁 ==> 按此觀看
這裡是郊遊行山的好去處,可惜是燒烤場沒有水喉 (幸好可去水潭盛水,但緊記帶個大水樽!)
有流動廁所兩個
最怕去流動廁所,幸好也蠻清潔的,可能因為遊人不多



地上的楓葉,很有浪漫氣氛呢



當我還沉醉在美景中時,大家已急不及待開始燒烤了!



久違的郊野 BBQ,真有風味啊!



很認真的我們,還揹了這個燒烤夾上山,用來燒豬頸肉和鯖魚



鯖魚油份多,用來燒烤是一級棒的!
鯖魚也是在兒興泰買的,但我見施培記之類的凍肉店也有



剛才不是說笨 C 超好腳骨力的嗎?那是珍珠都冇咁真的
她就是一整天的在燒烤場裡跑來跑去
仲要係超大膽的,甚麼地方也去
我追她追到索氣啊!






幾個月沒見小 Blue,又長大了不少咯
小 Blue 超喜歡笨 C 的,常常抱著她



雖然有小 Blue 跟笨 C 玩,但我們還是要緊盯著她們兩個
笨 C 很有自得其樂的樣子,尤其是一邊揮手一邊o依o依哦哦的樣子,好像新聞裡的國家領導人
令我們笑翻天


兩個小孩,在地上滾來滾去爬來爬去的,弄得全身沾滿了乾草
幸好是冬天啊,那還不至於很髒
所以我們也由得笨 C 在地上滾,這是她接觸外界的大好時機喔
若然去到郊外還要全程抱住,不如不去







雖然我們實行「自由放牧」制
但也是要看得很緊的
否則笨 C 就會把石頭吃下肚子了 ... 睇下 ...



日落西山,飲飽食醉的大家回程了
雖然是一次蠻累的活動,但大家都好 enjoy 喔!




我的 facebook 專頁,緊貼每天心情 + 芝麻綠豆大小事 ~





16 則留言:

  1. 真係超好的節目!! 我由有咗之後都無行山啦~~!

    回覆刪除
  2. 哈哈!咁細個己娙咁好腳骨力!e家就你追到索氣~第日就輪到佢男朋友囉!

    回覆刪除
  3. 哈哈, 笨b真係好好笑! 等我個女識行我都帶佢行下山先!

    回覆刪除
  4. 係咪迎排睇得新聞多, 學左領導人揮手呢:p

    回覆刪除
  5. 小朋友接觸大自然身體都好些.

    回覆刪除
  6. 好豐富嘅食物,沿途環境又好靚,好好嘅節目呀!

    回覆刪除
  7. 我見雷公田好似都有類似燒烤場, 車可以到. 不過可能你地特登想行下.
    我都唔多識醃嘢, 而家又學到嘢!

    回覆刪除
  8. 不好意思, 只是在車上望到, 又無留意有無水源同廁所喎.

    回覆刪除
  9. 笨 C 吃石頭?是否想增磅?:p

    回覆刪除
  10. 寧靜中的不寧靜2011年12月30日 上午12:10

    睇黎笨c好鍾意親親大自然呀....哈哈

    回覆刪除
  11. 嘩!醃咁多嘢食,真係花好多時間呀!
    上年開始,啲鱔已經不停勁加價了,所以都食少咗好多呀!不過如果BBQ,呢味係必食架,次次約人,我最少都要醃一條,試過要醃兩條添呀!勁搶手!

    兒興泰的羊扒,我覺得已經差咗好多,無晒羊味啊!不過又咁講,而家周圍啲羊扒都係咁,無晒味,所以已經無耐無再試了!唔想再失望啊!

    回覆刪除
  12. 街坊,雷公田燒烤場有公廁架,唔係流動架,但就冇停車場,有亦冇咁大地方。大棠個燒烤場就好正,D爐 user friendly 好多,但就勁多人!

    回覆刪除
  13. 笨C 好叻呀, 咁好腳骨力, 好行得喎, 一家大細去行山兼BBQ真係幾開心.

    回覆刪除
  14. 自己醃食物真係好味好多, 妳下次可以去大棠BBQ, 嗰到唔錯架, 有公厠同洗手嘅地方

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: