2011年7月29日 星期五

第一次自己食餅餅

上個 weekend 咪去左朋友屋企
朋友買左呢款長型餅餅俾笨 C 食o既
當時佢都唔肯自己攞住食



因為之前我買番屋企的,都係星星餅和 Heinz 那款較短身的餅
比較難揸o的,所以笨 C 一路都唔肯自己揸住食

呢款餅餅咁長,決定一定要訓練笨 C 自己揸住食
好在佢都肯,第一次教佢已經 ok
<按此觀看影片>



不過佢唔識一路食一路將隻手移落o的
所以而幫幫佢
但佢依然食食下會塞左隻手入口



噢 ... 笨 C 你食到溶溶爛爛好核突喔



因為塞左隻手入口,仲攪到o的口水失控地猛咁流 ...
好在幫佢戴左呢條膠質o既圍兜!
(我o係元朗某小店買的,便宜貨
係鍾意佢厚身膠質可以抹
兩邊有"啪鈕",扣左變成兜狀,唔扣就一塊平面
方便捲起放入袋!我覺得呢個設計勁正啊
仲好過我o係荷花見到好貴o個o的)



我的 facebook 專頁,緊貼每天心情 + 芝麻綠豆大小事 ~


2011年7月28日 星期四

賞味

哈哈 ~ 等待左半個月o既和歌山清水白桃
尋晚終於送到啦 ~
上個星期愛食仕小姐話和歌山打風
我幾驚o的白桃會遭殃呀
我食唔到好閒,但農夫辛辛苦苦種左成年
如果冇得收成真係好慘架



打開 Oisix 個紙箱
裡面仲有一個更厚更實淨o既桃箱,重重保護 



呢盒係 4kg 裝,裡面有 12 個清水白桃
每個都渾圓碩大,而且紅粉緋緋
因為每個都係「樹上熟」呢
難怪運送過程要咁小心奕奕
亦因為全部都係完熟o既,都有少少地方有輕微碰瘀
不過都唔影響食用o既

我想講呢,我一拆開盒清水白桃
即刻滿室生香呀!真係好香,香到要停下來欣賞一番 
街市賣的大陸品種絕對唔會有咁o既香味
(一來因為品種不同,二來因為街市賣的冇咁熟)



笨 C 話,個桃咁大,攞唔起啊  ...



我指使左笨 B 爸爸剝桃
因為我要揸機,哈哈
原來好易搣咋喎,就咁用手搣就可以了
<按此觀看影片>

切好左一碗仔俾笨 C
佢竟然自己擒左去攞!
不過攞完唔識點放入口囉



都係嫲嫲餵你食喇 (睇相都睇到呢塊桃有幾 juicy)



笨 C 試食後感:正呀!
笨 C 你就巴閉啦,媽咪當年都係畢左業出o黎做野先有錢試呢o的好野架咋

嘿你呢個笨 C 丫,頭先食清水白桃時又唔笑
否則可以攞去參加白桃笑顏比賽,有機會贏一盒清水白桃架!



同場加映,之前收到 Zenses 送來的新產品試用
包括盒裝紙巾、袋裝紙巾和衛生紙
聲稱堅韌度 No.1 云云 ~

o岩晒啦,尋晚切桃切到成手汁
一抹就知掂唔掂啦!
OK 喎!冇爛到!個盒裝紙巾都有幾乎 TXXPO o既質地
(但冇香味o既) 價錢就稍平少少

話時話我覺得笨 B 爸爸用紙巾太順手不假思索
呢樣我要再教育佢
我自己呢,就係精明使用o既
如果抹少量水或比較清潔的情況下 (e.g. 倒瀉少少水)
我一定係用布的,因為抹完塊布沖兩沖捽兩捽已 ok
比較麻煩或唔方便用手巾的情況 (比較污糟,或食野抹咀) 我才用紙巾的
雖然我都唔係話超環保,但用量至少比笨 B 爸爸少一半架
(希望大家唔係覺得我五十步笑百步-ing 啦 )



特別一提,我幾鍾意 Zenses 衛生紙o的印花 pattern 啊,好靚



至於 Zenses o係邊樹有賣,我見過超市藥房好多都有的
如果有咩查詢就可以打佢地 Hotline 啦:2191-9080


我的 facebook 專頁,緊貼每天心情 + 芝麻綠豆大小事 ~



2011年7月26日 星期二

朋友仔與牡丹蝦

大暑那天,我們遠征了一處心曠神怡的地方
探探笨 B 爸爸"老"朋友的新居
笨 C 又可以跟她的"小"朋友相聚



笨 C 幾幸福,一入屋已經有盒餅餅等緊佢



傻豬笨 C 第一次吃這款餅餅
好似唔識食咁   不過都食左一大條



我地發現,原來有小朋友同佢玩
笨 C 真係開心好多的!
大家睇下佢笑得幾開心!係真係好開心o個隻啊



餓底裡都有不少小 bb
不過次次都發現佢地唔係好"玩"
可能因為大家都係 bb,未識撩對方玩
但 3 歲的小姐姐識得撩笨 C 玩
所以笨 C 全程都好投入啊



睇下!笨 C 玩到趴o係度呀!!!佢o係屋企唔肯趴架 ~~~



趴左好耐,仲有爬添啊 (雖然都係成日入後波)
真係一大奇蹟



最近喜歡周圍行的笨 C
在小姐姐的家裡都不例外



踏步的肥腳趾



條褲鬆拋拋,影到腳板仔好似好細。好攪笑啊



同場加映,之前聽到街坊說兒興泰也有刺身級的牡丹蝦賣
那天便買了一盒當手信了
老闆說美元走低,攪到紐西蘭呀加拿大呀日本呀o黎o既野全部貴左好多
丫 ... 真係喎!之前街坊好似話我知二百幾 ...
點知買o既時候已經要三百五
老闆話遲下要加到三百九了



兒興泰得一款,係 J size (比 XL 再大一級)



真係好大隻!!!
我估一盒大概廿來隻吧



朋友好有心機,將o的蝦去晒殼! 
用o黎點 wasabi 食,真係鮮甜無比,人間美味啊!



蝦頭呢,應該都可以生食吧
但甚麼都安全為上的笨 B 爸爸
堅持要熟上
所以就拿去炸了
蝦頭好多膏啊!好香好好味
下次可以買冬蔭功湯料整冬蔭功湯啊




我的 facebook 專頁,緊貼每天心情 + 芝麻綠豆大小事 ~




2011年7月21日 星期四

媽媽的舊相

上次同笨 C 返陳師傅屋企時
我坐o係床度重溫下o的舊相
睇住o的發黃o既舊相,望住眼前的笨 C
真係另有一番滋味



笨 C 今次算畀面架啦,冇暴力地揭我本相簿
不過穩陣起見都係收埋唔畀佢攪,o的相好珍貴架嘛
<按此觀看影片>



唔知笨 C 望到相中圓碌碌的阿媽,認唔認得呢



可惜我細個時物質貧乏,影相機會都唔多
所以冇咩 BB 時代o既舊相可以回味
而家有數碼相機真係好方便
我一定要幫笨 C 影多o的相,等佢第時大個左
有左自己o既小朋友
又可以一齊回味下



我的 facebook 專頁,緊貼每天心情 + 芝麻綠豆大小事 ~


2011年7月19日 星期二

大製作

我的其中一樣存倉精選
係濃油赤醬的「香菇肉燥」(食譜按此)
因為佢實在美味,兼且好百搭
用o黎拌飯拌麵又得,加其他配料煮成菜餚亦得
(用o黎炒茄子/ 豆角/ 豆卜/ 節瓜 ... 咩都得)
最緊要係襟擺,美味不變
可以預先煮定一定份量放在雪櫃
擺三幾個月絕對無問題

因為奶奶吃過後都覺得好味
想 share o的俾叔仔佢地試下
所以我今次來個大製作
豬腩肉都買左 7 斤

以往會買新鮮的,但切粒時實在太痛苦
所以今次去兒興泰買急凍的,易切好多
反正濃油赤醬,用新鮮或急凍的,效果分別不大



兒興泰賣的豬腩肉是整片豬腩一大塊的
師傅問我用o黎點整,我話佢知要整香菇肉燥切丁方
佢就話幫我用鋸鋸開一條條,等我切o既時候慳o的功夫
感動



返到屋企,待豬腩肉稍為解凍變軟少少時
就開工切粒
真係易切好多,不過始終有 7 斤,都有點手軟喔



豬腩肉有些部分肥得太緊要 ... 完全係肥膏來
我將這些特別盛起了,拿去炸豬油
炸完後的豬油渣又是美味小吃
而家年青的煮婦可能好少會咁做吧   (講到我好似好老咁 ...)



想睇番香菇肉燥點整,可以參考返我以前的 blog (按此觀看)
唔好以為 7 斤好多
俾我扣起了 1 斤肥膏
再炆好後,份量少了 1/3
好香 ~



分開左 6 盒



睇見都覺得香喔 ~
我所有整過o既菜式中,笨 B 爸爸最喜歡這個了



儲存方法很簡單,要吃的一盒,放在上格 (冰鮮格) 便可
未開封的,就放到急凍格去

上次在青衣城台灣美食展買來的「關廟麵」
用這個香菇肉燥來拌
真係非常好味,絕對好味過出街食啊
大家都不妨整番o的存下倉吧 ~ 



我的 facebook 專頁,緊貼每天心情 + 芝麻綠豆大小事 ~


Linkwithin

你可能對以下文章有興趣: