2011年6月23日 星期四

吽牙仔了?

一向飲奶飲得好爽快的笨 C,羨煞我的不少媽媽級朋友
最近竟然開始唔鍾意飲奶
一餐奶經常要分兩三次飲
有時仲只飲得三分之一

仲有,呢幾日都間歇出現發燒、肚瀉等現象
一向不主張過份緊張的我
只在家密切觀察她的情況
因為佢精神不錯又肯玩
就暫且不帶她去診所
(因為我們的看法是,診所是高危地方
病人多病菌多,反而有機會受傳染
當然,家長要密切留意 bb 狀況
如果情況有轉壞傾向就要去睇醫生喇)

我們先從她飲食著手,暫停她的粥仔 (排除因不適應某些食物引致肚瀉)
定期為她探熱,用濕布抹面抹身 (有助散熱)
盡量俾多o的水佢飲 (冇落葡萄糖了,佢唔肯飲就用針筒餵)

如是者笨 C 退燒了,肚瀉情況亦改善了
但依然唔肯飲奶
心諗莫非是厭奶期?

但剛才笨 C 扭計唔肯飲奶時
嫲嫲瞥見佢下顎牙肉正中有些白色
說笨 C 可能是吽牙仔了



因為有些 bb 吽牙仔時特別扭計,也可能會發燒
這幾天的爛便便,嗅起來的味道也"酸酸叔叔"
跟平時的好唔同

只是我家笨 C 唔鍾意咬牙膠,又唔流口水
真係唔知佢係咪吽牙仔呢
但都 8 個半月大、呢排又真係特別扭計
吽牙呢個可能性都相當大

各位媽媽s,你地o既 bb 當年吽牙仔時都係咁樣嗎?



我的 facebook 專頁,緊貼每天心情 + 芝麻綠豆大小事 ~



26 則留言:

  1. you try to give 笨 C食 粥 水 when 肚瀉. Ben also 現在 開始出二隻牙仔(牙毛仔), sometimes 扭計 he needs mama staying beside him. And l will spend much time for him, playing with him and make him smiles ( try to let him forget painful of teeth)

    回覆刪除
  2. She definitely is teething right now. You can try put a wash cloth in the freezer and let her suck on it, it will soothe the irritation.

    回覆刪除
  3. 出牙仔會痾爛便便,正常架,放心

    回覆刪除
  4. Molly, marble 出牙仔極少發燒同肚瀉,厭食就一直都有發生,不單係出牙仔時期。好多時bb 食奶食得多,尤其是胃口好的bb,會有所謂「奶積」,我地會煲開奶茶 (係自己買材料煲,唔係買沖劑),有時會煲谷芽麥芽水俾佢地當水飲,都係幾有效的清積滯方法。

    不過一般積滯只會poohpooh 唔靚,胃口唔好,但係唔會發燒,出牙仔其實亦唔多機會發燒,就算所謂的骨節燒,係好快就會過,唔會斷斷續續拖住條尾。小心係腸胃病毒之類,係check 清楚係唔係腸胃病毒之前,如果繼續肚瀉,最好係俾少d奶甚至瀉得犀利就要停奶,飲粥水會好d,葡萄糖水唔洗停,發燒飲葡萄糖水係好o既。

    睇緊d,有時唔到我地唔緊張,發燒係身體發出的警號,依家實在有太多古靈精怪的病毒,如果身體有紅疹(我唔係指猩紅熱個種),就一定係病毒感染,最好睇醫生。

    回覆刪除
  5. 吽呀係咁架, 酸酸臭臭果d俗稱"吽牙屎", 胃口係會差d, 訓都訓得差d! 要俾d耐性.
    之前朋友教我, 可以雪凍牙膠俾佢咬, 如果佢唔鍾意, 可以將甘筍烚熟切條再放入雪柜, 凍凍地俾佢咬下, 佢會舒服d!
    又有醫生話發燒吽牙屎唔係因為出牙, 只係因為出牙期間佢會不停搵野咬, 食咗好多菌落口, 所以先會唔舒服, 所以家居清潔都好重要, 同埋唔好俾佢擺手入口喎! 希望幫到你!

    回覆刪除

  6. 笨B媽媽,
    我囝囝出牙仔時,都係會特別扭計的,好容易發脾氣。胃口方面,好似無耐性食固體,奶就一樣都好中意。
    但如果笨C有發燒,就要小心少少,醫生話出牙唔應該會發燒的,除非牙肉發炎或感染了細菌。所以,好似你所講,要不停量體溫,同埋小心睇住情況,一有唔妥就去睇醫生。
    另外,有關退燒藥、藥水方面,醫生話最好唔好亂食舊藥,因為藥水的份量會按照BB的年齡、體重有所調整,變得好快的。
    我睇書,話BB第一次出牙,同埋最後出大牙都會特別辛苦的。所以,呢段時間辛苦笨C同埋大人了。希望笨C快啲好番。

    回覆刪除
  7. 係咁架, dont worry too much, just make sure she has enough water in case of dehydration! Maybe it will help if you give her something cooled to chew (some teething rings are like this).

    回覆刪除
  8. 我囡囡咁大時都試過類似咁, 可以試吓雪凍D牙膠咬吓, 不過佢未必肯玩, 又或者用清潔棉浸一浸涷滾水幫佢按摩吓牙肉, 都舒緩到佢既痛楚......

    回覆刪除
  9. 陰公囉, 笨C喊到眼皮紅腫, 眼淚大大滴! 睇兩張相, 笨C極似出牙仔。 妳可以清潔手指, 去摸下係咪"鞋鞋地"。 我個女又係出下顎兩隻門牙先, 又係八個幾月開始出。
    我個女吽牙的時候, 唔算特別扭計(佢根本就係"扭計王")。 佢冇發燒, 便便變得硬咗和一粒粒, 牙膠佢都唔喜歡咬, 雪凍咗都係咬幾下就掉, 佢喜歡咬自己嘅手指.......
    如果笨C唔喜歡咬牙膠, 試下比牙仔餅佢咬下, 舒服牙齦不適。 Ben講得啱, 我哋盡量抽多些時間陪BB玩, 等佢暫時忘掉吽牙嘅痛楚!

    回覆刪除
  10. 如果疴得太勁..用米水開奶..可以止..奶粉的份量可以小d...我仔都會咁架...扭計呀、小小燒都有會..總之唔對路..就帶阿女睇醫生la~~
    仲有我仔都唔咬牙膠架..chicco有隻牙刷仔...可以按摩牙肉..反而我仔又咬喎~佢個柄係圓形..好似d 手鈐咁ge...有支柄...有個牙刷仔..好軟的...你可以去睇下~

    回覆刪除
  11. 去藥房買樽"吾德物次"腸痛水啦, 又名吾德物次肥仔水, for舒緩出牙時既不適, 好work架 , 我朋友介紹我既, 我囡囡由細都用佢架, 而家我地換牙都有飲架! try try啦!

    回覆刪除
  12. 我個女出牙時都係咁,佢d牙肉好痕好痛,佢選擇咬手巾仔,有時佢肉緊過頭太大力咬,會哭架,好鬼心痛 !!!
    你可以試下用小小水或奶浸軟d餅干比佢咬,但唔好浸太軟喎 !
    我呢個方法係十幾年前用過,唔知而家work 唔work ???

    回覆刪除
  13. 唉吔...苯C喊得好可愛呀﹗

    回覆刪除
  14. 香港灃灃媽媽 (灃媽日記)2011年6月24日 上午11:35

    笨B媽媽,
    可能吽牙....你摸下D牙肉.有無牙仔.
    我個仔7個幾月有4隻牙仔啦!!

    回覆刪除
  15. 係阿~應該係吽牙仔~ 有機會好快吽到~ 又或者好耐先吽到~(我個仔由4個月開始,到差唔多成8個月大先出到黎) 只要精神OK,食得又玩得都OK 啲便便係會〝酸酸叔叔〞 唔駛咁擔心~^^

    回覆刪除
  16. 你要留意佢肚瀉巳嘅情況, 我個囝曾經都係咁, 我都以為係吽牙, 點知原來係腸胃炎, 搞到發高燒, 醫生話所謂吽牙痾爛C, 其實係因為BB牙痕乜都放入口咬, 吞埋污濁嘢落肚至會肚痾.

    回覆刪除
  17. 我姨甥6個月已經出咗兩隻牙仔了, 嗰時開始都會成日好燘, 好唔舒服 . . .

    回覆刪除
  18. 因為我個仔仲未出牙,所以分享唔到經驗,但根我聽過好多人講的經歷,我相信笨B應該係吽緊牙,我知道佢依家好難捱,但係有媽媽的照料,佢一定會捱得過! 笨B妹妹加油呀!

    回覆刪除
  19. 我每日都有睇你個blog,不過冇留過言.
    吽牙屎係好似粟米湯咁ga!仲有要快d清理.
    唔係會整到屁股仔好痛的,到d便便正常番就冇事啦!
    她初時牙仔會好痛的. 可以雪凍牙膠比她咬,可舒媛痛楚,不過唔可以太凍.
    希望幫到你.

    回覆刪除
  20. 睇張相應該係快出牙仔喎, d症狀都似, 扭計一排la, 好快冇事, 但發燒就要小心d留意 ! 不過你d方法都好啱, 叻叻媽!

    回覆刪除
  21. 我見d相都應該係出牙, 發燒就要小心d處理, 不過你都處理得好好! 叻!!

    回覆刪除
  22. 唔記得我啲仔出牙時有冇笨 C等問題。 至於肚瀉,鬼佬教落,食多士止疴。可以試試。

    回覆刪除
  23. Hi, i have been watching a blog written by a new mother for sometime. Her baby girl is now 14 months old. Your baby's current situation is very similar to her baby girl's 出牙仔 process. U can take reference from it :) Alison http://staphany.pixnet.net/blog/category/311638/1

    回覆刪除
  24. jkb哞牙時無燒無食少左,我俾唔到乜野意見 但佢有一樣野同笨c一樣,佢哞牙都無流口水,所以哞牙係唔一定會流口水的

    回覆刪除
  25. 爛便便,嗅起來的味道也"酸酸叔叔" <----- 係呀, 我個囝吽牙仔時d 便便都係酸酸叔叔

    回覆刪除
  26. 我女前排出牙果陣, 只係變得非常之扭計, 一定要我貼身抱住, 放底就喊, 果2日湊到我就黎發癲! 點知過左2日就出牙仔啦! 我女冇發燒, 飲奶正常(不過佢既正常, 就係一餐奶分3次飲 = ="), 便便都正常 所以果陣我真係唔知佢出牙呢~ 不過事後諗返起, 佢出牙之前果幾日, d牙肉特別紅腫

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: