2011年6月15日 星期三

陳師傅私房荔枝酒

陳師傅每年都會自己釀造荔枝酒的
因為他說荔枝酒很補身,老人家每天飲用少量
會覺得精神百倍、筋骨靈活云云
對產婦產後補身亦非常有效
所以上年特地釀了幾斤給我

可惜我是開刀生的,傷口未完全復元前不敢飲酒
之後又有餵人奶,所以不不敢飲太多
所以絕大部分都益了笨 B 爸爸和前來探訪的親朋好友們
(其實這荔枝酒,是果酒的一種
味道馥郁芬香,入口甜美順喉
並不限於老人家和孕婦飲用)
嚐過的朋友們都讚不絕口,紛紛問我拿食譜

因為我自己少飲的關係,所以忘了要拍照
想拍照的時候,發現一大支的酒只剩下瓶底的少許
這些沉澱瓶底的比較混濁,看起來不漂亮
之前那些是很清澈的
下次問陳師傅拿了新酒再拍一張好看的





陳師傅私房荔枝酒
以下份量可釀出一斤荔枝酒 (約 600 毫升),如想釀多些,可按比例加大份量

荔枝 (淨肉) 1 斤
糖 半斤
高梁酒 (即是二鍋頭) 1/4 斤
*** 千萬不要加水 ***
*** 釀第二造時,再另加糖半斤 & 酒 1/4 斤 ***

做法:
(1) 將荔枝拆肉, 放進闊口瓶內
(2) 加入糖及酒
(3) 放在較高溫但不要被太陽直接曬到的地方 (e.g. 廚房) 發酵。建議在瓶上標記釀造日期,方便查閱。
(4) 釀20天即可濾出第一造酒 (類似釀豉油的 "頭抽")
(5) 再加一次糖和酒,釀第二造酒
(6) 20天後可收成第二造荔枝酒
(7) 將第二造酒混和第一造酒,攪掂

心得:
(1) 釀兩造酒係想盡用物資,第二造酒不及第一造咁濃咁好味,所以建議將兩造酒混成一樽享用。
(2) 用來釀酒的闊口瓶,請先高溫消毒及徹底抹乾才使用。水氣會令荔枝酒發霉。
(3) 釀完的酒是要倒出來的,荔枝肉不要,如果長期浸住,o的酒會愈來愈混濁,質素下降
(4) 釀好的荔枝酒,請放在雪櫃裡儲存,放一年也沒問題。飲用時可加冰,增添美味
(5) 陳師傅話用糯米糍效果較好,一來較香甜,二來果核少、果肉較多
(6) 飲用時可加冰或梳打水,變成特飲

*** 歡迎大家轉載,但請註明出處 ***

我的 facebook 專頁,緊貼每天心情 + 芝麻綠豆大小事 ~



37 則留言:

  1. 我一定會試吓
    另外, 今年子薑大做
    想浸嘅sis好動工啦
    子薑夾皮蛋...超級好味

    回覆刪除
  2. 4分1斤..即係大約幾多 ml 呀??

    回覆刪除
  3. 配襯很精緻的杯子,暑氣全消﹗

    回覆刪除
  4. 唔好意思...想問下糖係要咩糖...冰糖嗎?~~^^

    回覆刪除
  5. 又要讚下陳師傅!早幾年係網絡上跟人做,結果發。。。。晒霉!

    回覆刪除
  6. 多謝分享啊 一早想學人浸荔枝酒了!但無食譜同方法!快到有荔枝賣的時候了!今年一定要試下呢!

    回覆刪除
  7. 等我又試下先...謝謝分享~

    回覆刪除
  8. 想問下釀完第二造酒係咪倒出黎放入雪櫃雪住洗,釀第二造時之前D荔枝洗唔洗掉佐佢換過新架? THX!

    回覆刪除
  9. 仲有一個問題啊.. 請問濶口瓶有冇話一定要玻璃定膠瓶都得架?!THX! THX!

    回覆刪除
  10. 想問問,濾出第一造酒的意思是怎樣?
    另,第二造要加荔枝嗎?

    我很想自釀,有勞指教!

    回覆刪除
  11. 多謝分享呀, 但都唔敢整太多, 個雪櫃地方有限

    回覆刪除
  12. 唔該您啊~~ 真係好想快D試下~
    咁如果整兩造酒,睇怕都要買2個玻璃樽囉. .^^"

    回覆刪除
  13. HI 笨b媽媽,
    你好呀,我係Rosemary,我有3款產品想比你試下,唔知你有無興趣呢 ?
    1. oxy-clear ,無毒漂白粉
    2.全天然洗衣果殼
    3.willow springs 鴯鶓肥皂
    以上都是對bb家人安全既產品,希望你會試試喲~
    my email : wongrosemarytw@yahoo.com.hk
    or 你可以比你個email我,我email d pics你睇睇! thx !

    回覆刪除
  14. 多謝分享~!!!!!!!!!!!!
    一定好好味~!!!!!!!!!!!

    回覆刪除
  15. 笨B媽媽:
    您好!本人是亞洲電視綜藝科的撰稿員,我們稍後將推出一個全新飲食節目,其中一個環節是專門介紹一些主婦秘技,邀請不同的嘉賓示範下廚秘笈,例如鹹蛋蒸肉餅加入蘋果碎更加好味等,知道笨B媽媽及其父親入廚經驗豐富,未知您們可有興趣出鏡為我們作示範?

    如有任何問題,歡迎隨時致電聯絡本人。

    祝順安!

    亞洲電視
    熊偉娟
    電話:6305 1192 / 2992 8722

    回覆刪除
  16. 謝謝你的分享,很有用呢!我也想釀釀看,但有些問題要先麻煩你~
    1. 釀造的時候水分是否會增多呢?那闊口瓶是否要準備得大一些? 因為300g糖&150ml酒(1st) + 300g糖&150ml酒(2nd)=>600ml酒
    2. 糖的份量能不能減少? 因老人家有糖尿病,怕糖份太高不能喝呢....
    3. 釀完酒的荔枝肉能不能吃的?如加些梳打水做特飲? 吃得就唔好晒嘛 ^.^

    回覆刪除
  17. 唔係好明第二槽點做喎
    倒晒第一槽d 出黎再加酒同糖?

    回覆刪除
  18. 祝笨B一家父親節快樂呀!

    回覆刪除
  19. 這個分享好偉大呢~~哈哈哈.... 等我又試下先!

    回覆刪除
  20. 請問糖係用砂糖定冰糖?
    Thanks!

    回覆刪除
  21. 苯B媽~ 我浸酒有些少問題想問呀~~麻煩你~ (1) 浸之前,D荔枝係咪去完核直接放入樽? (2) 我浸左兩日,見到D糖未溶,洗唔洗開黎搞下佢? 打擾晒~

    回覆刪除
  22. ok, 唔該晒~~~而家我等緊20日後既「頭抽」~~ 多謝陳師傅~~~

    回覆刪除
  23. Wa.. thanks for the receipe~

    回覆刪除
  24. thank you b媽, 有幸飲過一次, 真是愛上了! 等我都試下浸一支先!

    回覆刪除
  25. 請問陳師傅的 高梁酒在那裡買到,超級市場不見有,用其他酒可以嗎?

    回覆刪除
  26. C媽~~我浸的"頭抽"出世了,好甜~~ 謝謝分享呀~

    回覆刪除
  27. C媽,我問我爸爸媽媽佢地自己個做法,同你有少少出入,不過都係大同小異,我琴日飲左樽3年珍藏呢!好好味!今年我自己釀左5斤呀,呵呵呵呵!

    回覆刪除
  28. oh! 我用左冰糖呀!得唔得架?
    同埋我係一層荔枝一層糖咁放架,啱唔啱呀?
    Thank you 你呀!

    回覆刪除
  29. 我想問我面層的荔枝肉和洒變了深紅色,是否壞了?

    回覆刪除
  30. 不是臭味,仍然是洒味,是否要掉了它呢?

    回覆刪除
  31. 我好鍾意飲,所以熱氣都唔怕!

    回覆刪除
  32. hi 你 ba ba 好叻牙,,風水相學加煑温暖牌家庭飯真有一手牙,,我炮晒你 ba ba 的文章牙,,真佩服牙,,又一位好 偉大ba ba 牙

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: