2011年5月20日 星期五

非誠勿擾 (菜田篇)


最近常常提到到菜田買菜的事,攪到大家都心郁郁
但我又唔肯披露資料,好似好自私咁
唉 ... 我都講過苦衷 ...
因為鄉下地方唔係咁易搵
一來驚你地搵唔到,二來驚你地當左菜田係景點、遊樂場
菜田姨姨都係個體戶
我又驚佢地應付唔到四面八方湧來的查詢和光顧
我好似好多憂慮,但都係 being considerate,希望大家明白

不過,最近其中一位姨姨家裡發生了點事
令她要變賣了貨車,不能把菜運出去賣了
之前見她整條田的唐蒿都摘唔切開晒花
雖然靚,但好浪費 (浪費了她的一番工夫)
而且我都想姨姨可以賺多少少錢

而家天氣熱,我見佢o的通菜生到嘭嘭聲
所以問准了她後,我決定幫她在這裡宣傳一下
看看你們有誰想直接去跟她買的,就趁這個機會啦

另一位姨姨,菜田裡的菜款式較多

但她也是個體戶

我跟她說起,她說最近的紅菜頭和甘筍全都長成了

也歡迎我介紹朋友去買,幫輕她不用搬菜出去賣





看,紅菜頭都長得超大了






我今早買的,全都是即採的,這裡買了 $53 (勁重秤)






雖然兩位姨姨都表明想我介紹朋友去買
我樂於幫忙,但我的原則不變
就是「非誠勿擾」
因為種田是非常辛苦的事
我不想姨姨再花額外時間精神應酬查詢或觀光團 
也不想在這裡公開披露她們的地址和聯絡資料
所以我只接受私人留言查詢
並且我會代為「揀客」

揀客的原則是:
  住在比較近的地方,比較熟知環境,同埋唔駛要用好多錢搭車先到
(所以請告訴我你住哪條村。如在半小時內不能去到菜田的,我會如實告知)
  在我 blog 有留過言我有印象的
(新開 account、無頭像或內容恕不回應)

有心的 blog 友們,在留言給我前,就先三思是否:
  認為自己會經常去買菜的,不是當作一次性的觀光遊覽
(如果想觀光遊覽,我諗你地去大棠荔枝園會更開心)
  不怕蚊叮蟲咬,也不怕踩到成腳泥
(即是要帶點 "村姑氣質",哈哈)
  有心理準備用比街市貴少少的價錢買菜的
(因為是有機種植而且人手少量耕作,所以價錢比街市的大陸菜貴。但基本上都是 $10/ 斤或以下的。又係o個句,種田好辛苦,希望大家不要跟姨姨討價還價了。) 
  有耐性講電話的
(有位姨姨是潮州人,另一位應該是廣東人,但跟她們談話時都要有點耐性,因為有時唔太容易明白的)
  愛護環境,崇尚自然的
(差o的唔記得講,請自備環保袋啊)

好似諸多要求,其實只是希望不會"做錯媒人"
如我覺得你是合適的"顧客"
我會回覆你的私人留言,把姨姨的聯絡方法告知
讓你們自己去聯繫 

重申
(1) 我不是要辦導賞團,也不是發言人,所以得到姨姨聯絡方法的朋友,請直接跟姨姨聯繫吧,我不會參與其中的喔
(2) 這次純為義務宣傳,我從中並無收到任何好處,包括電視框 (如果菜田剛好有葱,搭棵葱倒是會的)
(3) 這篇文章在適當時候會突然消失 ... 

 
我的 facebook 專頁,緊貼每天心情 + 芝麻綠豆大小事 ~






74 則留言:

  1. 笨b媽媽,你好,看到你這篇文章好開心,因為我想知這個地方在那裹,本人一直都有食有機菜習慣,平日都是在超級市場買,但逢星期曰我先生都會駕車我們一家四囗周圍遊玩,所以可以到這菜田買這些有機菜回家,和我平日時間都會叫我先生去買,因為我幾年前得了一個婦科病,醫生說是現今的食物基因有改變,令人吸收會令身體容易有癌症,所以可以的話吃有機食品會好些,請你可以提供資料給我嗎?

    回覆刪除
  2. 我住粉錦公路上輋村, 近唔近?

    回覆刪除
  3. Even I do not fit for your criteria ( first of all I live in Kowloon) , I would still dare to give a try if any luck ... I buy the organic veggie from the Sunday market at Mei Foo in the regular basis and I can still go to buy if I can reach there by bus.. ( let's say from mei foo) ...

    回覆刪除
  4. 對唔住, 冇按私人留言, 再嚟過
    我家姐住朗屏村
    我逢六或日都會去探佢
    我有留過言架
    不過唔影相冇整圖像咁合唔合格呢?

    回覆刪除
  5. 快樂的媽媽...........2011年5月20日 上午8:39

    我明的, 明天老公可以用車, 可以入去行行, 我有去過差不多的田, 學校租了一地方種植, 知道姨姨點買的, 可以給我地址. thanks!!!

    回覆刪除
  6. 苯b mami, 唔知你對我有無印象. 我住元朗公園果邊, 而我姑奶就係住錦田吉慶圍, 佢成日都讚紅菜頭煲湯好味又有益. 可唔可以比姨姨聯絡我呢? Thanks!!

    回覆刪除
  7. Hihi, 我係bear_bear_ma, 之前留過言, 我都係住元朗, 問過你係唔係住係馬田村附近?! 唔知我近唔近呢?!

    回覆刪除
  8. 見到這些新鮮蔬菜好羨慕你啊! 如果我有塊田就好了

    回覆刪除
  9. 成為村姑一年,確是有無盡生活趣味,今次多謝你的好介紹,你要的資料如下,請看看我能否"入圍"
    認為自己會經常去買菜的,不是當作一次性的觀光遊覽 <--- 未必經常,大概每月總有一兩次的!
    不怕蚊叮蟲咬,也不怕踩到成腳泥(即是要帶點 "村姑氣質",哈哈) <--- 絕對有
    有心理準備用比街市貴少少的價錢買菜的 (因為是有機種植而且人手少量耕作,所以價錢比街市的大陸菜貴。但基本上都是 $10/ 斤或以下的。又係o個句,種田好辛苦,希望大家不要跟姨姨討價還價了。) <--- 我至弱就係講價,貴得冇道理咪冇下次囉! 有耐性講電話的 (有位姨姨是潮州人,另一位應該是廣東人,但跟她們談話時都要有點耐性,因為有時唔太容易明白的) <--- 大家鬥長氣啦,我都唔弱
    家住藍地大街村屋,平時過元朗買送搭輕鐵要15分鐘,唔知我算算近?
    如有幸入圍請致電 92121669 Winnie

    回覆刪除
  10. 家住新田 cheukting_ch@yahoo.com.hk

    回覆刪除
  11. Hi B Ma,
    我住鍾屋村, 唔知近唔近d ee 呢? 唔ok 都唔梗要的.... 只係想如果近, 可以week end 同 bb去行下, 順便買 d 新鮮野比佢煲粥粥.... thx~~

    回覆刪除
  12. Hello,笨C媽媽,我都想知道菜姨的聯絡方法,不過我住樓唔係住村可以嘛,哈哈,我會從元朗市揸車去的,謝謝!

    回覆刪除
  13. 好呀!老公都話睇你個卜見到d菜菜都想食呀!

    回覆刪除
  14. Dear 笨 B 媽媽 我有興趣 , 住加州花園. 謝謝 有係農場買products嘅習慣, 希望喺香港都可繼續 同公公婆婆住, 所以應該都習慣同老人家說話

    回覆刪除
  15. 我平時都係一個星期買一至二次餸,返到屋企就用報紙包好d菜菜放入雪櫃最低果格,我諗住等老公聽朝收工訓醒,問下佢好唔好以後轉食姨姨d菜菜,

    回覆刪除
  16. Dear C 媽:
    請妳話比我知la!我住天水圍,時常駕車去"綠x園"陳生買有机紅菜頭,羅馬西生菜,紅蘿蔔等~$16一磅,這兒都是自己摘的,非常嚮受!我個仔最喜歡飲紅菜頭肉片湯,還吃埋整個缸菜頭!所以我十分十分雖要妳轉告地址給我,不怕路途遠,我每星期去這兒三次,每次大約買$80-100,但份量和妳這次差不多-_-
    Loves
    cc

    回覆刪除
  17. 我住在市區...好難有機會見到田地
    見到你d相都流曬口水=]
    得閒影下你用這些新鮮水果煮成既製成品呀

    回覆刪除
  18. 我都有興趣~我住屯門,但在博愛醫院返工~唔知近唔近呢?謝~

    回覆刪除
  19. 好欣賞你既見解,
    其實睇完篇BLOG之後, 真係好想去睇下及買下, 不過實在太遠, 學你話齋, 可能真係只會買一次咁多, 倒不如看看你的分享好了。

    回覆刪除
  20. 唔好介意,一見個地方名,就運用左少少網絡起底技倆,搵到你所講的可能就係"女姐有機農場" http://producegreen.org.hk/image/organic_month_2011.pdf
    等我研究下點去先,其實如果明知目的係落田割菜,都預左唔會近得去邊,不過唯一少少期望是係公車可達,轉多幾程反而不太介意,打的非不得意先會考慮 anyway,多謝你的回應!

    回覆刪除
  21. 妳好呀! 我是住元朗蝶翠峰架, 因為我家都有一個兩歲大既囝囝, 見妳BLOG介紹有新鮮菜賣, 如果近的話我都有興趣去買一些給囝囝每天煲飯仔用, 請問可否告知是否近我家呢?

    回覆刪除
  22. That's true.. shame that i would have to miss this.. It's very sweet of u to give them the free promotion and thanks for your info. I left message once here on your blog for the gardening issues.. u have a very lovely garden with lots of different plants... i m trying to grow the herbs and other "eatable" plants in pot in my balcony... and was wondering u would have something to share with ...

    回覆刪除
  23. 你的人真好。希望你帮到两位阿姨啦!

    回覆刪除
  24. 我住元朗朗晴居, 可以告訴我嗎?

    回覆刪除
  25. 上網找不到清潭路. 因為我打算開車去. 估計都幾近我屋企

    回覆刪除
  26. 哎呀!我住晌馬鞍山....要至少個幾鐘先入到去啦一定!如果唔係我一定會叫媽媽去~事關佢好鐘意買呢D新界菜架!

    回覆刪除
  27. HELLO 笨 B媽媽, 我媽媽住錦田祠堂村, 好想要你的介紹呀, 因為我係新鮮蔬菜的FANS. :)
    THANK YOU SO MUCH !!
    CARRIE

    回覆刪除
  28. 我估我大概知係邊. 再唔係可以約埋一起去嗎?

    回覆刪除
  29. 我住咁遠一定唔合格啦!其實我好想跟姨姨落田學種菜,我嗰d菜種極都攪唔掂,只係得香草種得成功!我依排迷上咗玩浸酒,用自己種嘅香草浸更加好玩!

    回覆刪除
  30. 我自己揸車, 住TUEN MUN, 先前去大埔買比較遠, 如果你個邊近D比較好

    回覆刪除
  31. 路程上好似近過大埔, 但地圖上找唔到八鄉清潭路, 地圖上只找到橫台山 遊樂場, 是否在附近 ? 是不是近元朗方向?

    回覆刪除
  32. 我能請問你菜田在哪嗎?
    是否我也可以呢?

    回覆刪除
  33. 最好各位真係去買菜d blog 友........一定要自攜袋袋呀 !!!!!!!!!!

    回覆刪除
  34. 我一定符合资格 。。。。呢排好热,等天气降温去帮亲。。。

    回覆刪除
  35. 我住銅鑼灣~不過我不用上班所以很閒
    現在只是偶爾當普通話家教^^

    回覆刪除
  36. 是否搵到清潭路就見到菜田, 有無D咩特徵 ? 我想明天早上去

    回覆刪除
  37. C媽...我只留過一次唔知有冇印象呢?! 我住元朗政府合署附近, 請問2位姨姨住大約係邊個方向嫁?! 如我向姨姨買菜多數要星期六/日先過到去...我有朋友係潮州人, 如向潮州姨姨買菜溝通一定冇難度..哈哈 可以講姨姨各種咗咩菜啊(以妳所見)~
    見到紅菜頭好大個啊,我口水都留了...
    ps: 妳真係一位愛心媽媽,笨c好幸福... 笨c真人係咪都幾有肉嫁?! 見到佢俾蚊咬,有冇用蚊帳啊...
    多謝妳~

    回覆刪除
  38. 我住元朗下攸田村,請問近唔近?thx~

    回覆刪除
  39. 笨B媽媽,謝謝你的回覆,我見你住元朗,以為姨姨果度都係元朗添 。
    咁我真係去幫街頭D婆婆買好了。THX~

    回覆刪除
  40. 都ok既~~^^不過搭64k在邊個站下車呢~thx~

    回覆刪除
  41. 多謝曬笨B媽媽回覆, 蝶翠峰去新元中我有村巴去呀, 我呢樹去邊都要轉車呢或行出去架我有時..... 之後CHECK過要轉71號小巴去清潭路, 問題就在這, 嘻嘻, 我唔熟八鄉架, 同我怕我無咁神心個個星期走入去買菜麻 ANYWAY, 唔該曬先!
    呀,仲有....我新黎架睇番妳D舊BLOG先知兒興泰係有野賣架! 不過佢間野真係超級唔起眼, 我呢排行親都好夜, 佢關左門, 我以為佢已經埶左TIM, 學你講次次行過都係有人響門口批緊肉, 而家知道左真係要得閒支持下佢!! 笨B媽媽我得閒會黎多D妳個BLOG支持妳架, 希望妳再介紹下元朗筍盤

    回覆刪除
  42. 苯B媽媽﹕之前我都有留言給過你,不知我是否可以得知地點呢?我是住在屯門豫豐花園,離婆婆那裏近嗎?唔該哂

    回覆刪除
  43. 苯B媽媽
    我住天水圍, 平時都係買有機菜食, 所以對EE的菜有興趣. 近我嗎?

    回覆刪除
  44. 難得仲有人肯唔怕辛苦去種田,真係要多多支持呀~


    回覆刪除
  45. 謝謝,下雨天是否不宜買菜?另外想問一下附近會不會很多狗呢?謝 笨c愈來愈得意~祝佢健健康康開開心心^^

    回覆刪除
  46. 新鮮菜正好多呢...

    回覆刪除
  47. 我欣賞你的揀客和原則,好同意咁做!
    我唔會有興趣去買,怕拎重野!

    回覆刪除
  48. ICIC ... Thanks for your informaiton. ^.^

    回覆刪除
  49. B媽, 唔會太遠呀, 因為我地一般都係揸車架, 10分鐘內就到. 同埋我地成日去錦田吉慶圍姑媽家, 好方便啊
    不過我真係要多謝你好體貼, 幫ee 同我地考慮埋

    回覆刪除
  50. 我住大埔, 通常都係去幫襯天光墟或者大埔街市有機檔, 感覺真係鮮甜好味好多架

    回覆刪除
  51. 唔該晒 我去之前會先打電話聯絡, 謝謝你啊~~

    回覆刪除
  52. 笨 B ma, 我係 facebook 見到 笨 C 個麵包超人琴, 請問係邊到買架? How much~ 我都想買返一個呀!! Ths.
    係咪淘架?? 有冇 link ar? ths so mcuh~

    回覆刪除
  53. C媽~多謝妳答覆啊, 我都以為姨姨係元朗嫁,原來咁遠嫁... 真係未必個個星期都去買,唯有同街邊婆婆買啦... 或者姨姨唔介意1月1次啦~多謝妳喔! 赶時間好驚搭64k,每站距離大近了, 第1次搭64k到大埔,冇睇要搭幾站, 我足足數過我搭咗約34站先到大圍..哈哈 沿途風景幾特別/靚,係搭市巴士唔會見到既,都幾舒服... 但道路好細,見到司機開快車有點怕怕...

    回覆刪除
  54. 見到d咁新鮮架蔬菜, 真係好食, 可惜我住市區, 無機會買到咁新鮮架菜lu..

    回覆刪除
  55. hello, 我住元朗雞地, 可否提供ee們的資料, 供買菜用. 謝.

    回覆刪除
  56. 唔該哂你呀, 我上網搵到, 要成 43x , 好貴....../ _ \ 咁貴可能唔買了~

    回覆刪除
  57. 有冇試過紅菜頭煲湯, 同事教, 試過好好味架~
    一個紅菜頭已經可以煲成煲, 不用落蜜棗, 好甜!
    落埋豬肉, (台灣)紅蘿白,記得一定要加粟米!煲個零鐘就攪掂!(湯變利賓納色)
    如加埋蕃茄,湯變羅宋湯色!
    有美顏消脂作用, 男女食得!

    回覆刪除
  58. Hi, 我住元朗唐人新村, 近嗎? 如果稍遠, 可以駕車的, 盼覆

    回覆刪除
  59. HI 笨B媽媽:
    我剛搬入元朗 - 錦上路吳家村, 宜家仲搵緊附近有無菜田, 唔知近唔近果度呢?

    回覆刪除
  60. hi 笨 b媽,,我有兴趣牙,,please call me 92596228,,thanks

    回覆刪除
  61. Hi, may i know where the village is? My background: I live in Tung Chung. And it is my practice to go to Yuen Long market every weekend to buy local vegetables. They are definitely more fresh and taste better than those from the mainland. That is y i think it is worthy to spend altogether one and a half hours travelling time only once a week. When comparing the prx, the vegetables i bot from Yuen Long is about the same as u quoted (i.e. $5x for a basket of vegetables). So if the location is rather easy accessible, I would like to buy from them sometimes as a support. Thanks~

    回覆刪除
  62. U mind giving me a call? My no. is 96435972. Maybe i know where the location is.

    回覆刪除
  63. O I forgot to introduce myself. My name is Alison.

    回覆刪除
  64. O thanks. Since i got a frd living near 元崗村. So i know where to find those aunties la. Thanks for the information. I will call them direct.

    回覆刪除
  65. Ooo..that's ok, i truly understand.

    回覆刪除
  66. 笨 B 媽媽 2011-05-23 17:48
    姨姨都在八鄉清潭路,你知道怎樣去嗎?

    笨 B 媽 : 問題不大, 我家附近有很多小巴去的, 我亦可找ee 問一下. 方便比兩個ee 的聯絡資料我嗎 ??


    回覆刪除
  67. "崗村牌坊對面入去" 那我知道在那裡, 我家附近有小巴直達呢, 真感謝你. 讓我家的小寶寶也嘗嘗地裡熟的好東西.

    回覆刪除
  68. 我去左黎太度lu, 仲買左成9斤回來, 有豆, 有菜, 又有d根桱類. 味道好好添, 黎太好我11月再去食楊桃, 我等不到11月了, 相信好快再去多次.
    謝謝你 !!

    回覆刪除
  69. 想請係邊區的? 我住YOHO TOWN, 我奶奶住青衣, 方便嗎? thanks~!

    回覆刪除
  70. hi nice to meet you . love to read ur blog.
    i just move to 橫台山散村, is it close to the farm ??

    回覆刪除
  71. 我想知呀, 我住八鄉橫台山永寧里

    回覆刪除
  72. 你好呀, 最近由青衣搬到屏山,還有個BB女 5個多月,想找尋好地方給她到處看看,剛去過錦田鄉村俱樂部行,還發現有幾檔買瓜菜的,由於想買有機菜給BB煮粥仔,唔知可以介紹一下嗎?我們有車,希望方便一點吧。
    另,多謝你的BBQ 行山分享,因可以帶BB親親大自然,還有什麼好地方請多多分享,謝謝!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: