2011年4月30日 星期六

最美味的洋葱炒蛋

哈 ... 我當然不是要教大家炒蛋喇
其實我係想介紹呢兩棵從田裡新鮮挖出來的洋葱
咁大個女,真係第一次見到咁樣的洋葱!
(可惜 ... 大家又係得個睇字 ><
因為黎太種好少,只供自家食用,佢當我係鄰居所以有份食咋)



好耐冇煮過早餐,今日放假煮下啦!
黎太強力推介我用o的洋葱o黎炒蛋
我心諗洋葱不就是洋葱嘛,會有甚麼特別呢?

今日的炒蛋用左牛油o黎炒
蛋液裡還加了碎芝士和黑椒鹽
先用少許牛油炒香洋葱,然後才下蛋液
將凝未凝時熄火



嘩蟹 ... 難怪黎太咁盛意拳拳,真係冇介紹錯的
這洋葱和市售的比較,是炒了後仍是爽爽脆脆的
好 ~~~~~正 ~~~~~~!!!

哈哈 ... 笨 C 又冇份食了,好不滿




我的 facebook 專頁,緊貼每天心情 + 芝麻綠豆大小事 ~


2011年4月28日 星期四

與鴨鴨共浴

餓底飛 e 送了一隻發光小鴨鴨給笨 C
好有趣啊,鴨鴨沾了水會發光的!



自從笨 C 能自己坐穩,我們就把浴盆放在企缸裡給她沖涼了
咁佢就可以盡情玩水,又唔怕整到成地水喇



哇哈哈哈,笨 C 好似好鍾意呢隻鴨鴨啊,多謝飛 e ~




我的 facebook 專頁,緊貼每天心情 + 芝麻綠豆大小事 ~


2011年4月26日 星期二

迎接夏天的涼蓆

自從好友渣渣送我一張竹蓆,我每年夏天唔可以冇左佢
因為我的睡房都在三樓,溫度比較高
我又用左比較厚身o既床褥
日間吸收晒o的熱力,夜晚散唔切
簡直好似訓o係張暖毯上面囉!
冬天就唔錯o既,夏天就真係一額汗了!

用左竹蓆,真係愉快好多
開少少冷氣 + 風扇,涼涼地咁就好好訓了
又唔怕訓訓下凍得滯,又唔怕o徙電
簡直係環保之星呀,哈哈哈

話說今年多左笨 C,奶奶 weekdays 都在我家住
都要為佢張床籌謀一下
本想出去實惠買的,但上個月經過時仲未出
所以我就上淘寶摷下
哈!果然有啊!淘寶真係咩都有



本想買跟我那邊一樣的米白色,但賣家話冇晒貨
推薦我買這張甚麼碳化黑子涼蓆
(原來國內叫呢o的做"麻將蓆",可能因為o的竹片一粒粒似竹麻將吧)
價錢是貴一些的,RMB 198,但佢話質量好o的又耐用o的云云
我見o的顏色也不錯,所以就決定了

老實講,在淘寶買麻將蓆是冇咩著數的
因為超級重啊!(呢張 13kg ><) 運費都百幾蚊
加埋匯價,隨時跟在香港買差不了多少
但我係貪方便,可以運到屋企嘛
咁重,o係香港買要自己抬到傻啊

話時話,我覺得呢張麻將蓆質量真的相當不錯呢
仲好配襯我張深啡色竹床架的風格,很喜歡啊呵呵



我的 facebook 專頁,緊貼每天心情 + 芝麻綠豆大小事 ~




 

2011年4月23日 星期六

笨 C 的 catwalk

還記得笨 C 兩個多月大時,去過 Stride rite 香港的新店嗎?
那時候,笨 C 還是一舊飯似的,坐也坐不到,只能軟軟的挨在我身上試鞋



話咁快,笨 C 已經半歲大了,可以自己坐啦
Stride rite 又再邀請我們參加他們在店裡的小型 catwalk
試穿最新款的春夏系列

這款是由 Stride rite 為笨 C 挑選試穿的小帆布鞋,好 girlish 好有春天氣息



笨 C 很八卦的,以為鞋子是玩具



當日參加的有好幾個小朋友,各自穿上為他們年紀特別設計的鞋款
讓攝影師拍照
但笨 C 的所謂 「catwalk」,其實是被我「逗」住彈下彈下而已,哈哈



都話笨 C 當對鞋係玩具喇 ... 佢將o的鞋帶拉鬆晒呀



catwalk 完後,順道睇下出左咩新款
嘩,多左好多呀!
尤其是 Robeez 的嬰兒鞋款,真係可愛到呢!!!





以下呢款好正,一定要推介俾大家
我起初睇,以為係鴛鴦鞋左右兩邊唔同樣
睇真o的,原來盒上寫著 "Reversible" 即是雙面穿的
兩邊係唔同設計,咁即是一個價錢可以買到兩款鞋o黎襯衫,正呀!
(話時話我覺得 Stride rite o的鞋盒好靚,用o黎送禮一流)



因為 bb 未識行,所以鞋底係軟皮,所以反轉穿也沒問題
個款勁靚!係蛋糕圖案呀 ~ 我諗 Vanlily 一定好鍾意



兩側係橡筋邊,好易著,但又唔易甩,真係非常好o既設計
我覺得小朋友鞋最緊要舒服透氣,同埋唔好咁易甩
否則出一次街唔見一隻,都幾頭痕



以下呢款都係  Revsersible 的



而呢款呢,寫著 "Customizable - 3 styles in 1"
原來鞋面的裝飾是可以拆除的,盒內附有三對唔同的圖案
所以一對鞋有三種款啦!



好鍾意呢對漆皮小黑鞋!如果做花女就最o岩!



原來 Stride rite 除左賣鞋之外,仲有好多 accessories 賣的
有鞋,當然有襪喇



仲有飾物



同埋鞋帶



謝謝 Stride rite 又送笨 C 一對新鞋
bb 的小腳丫真的大得好快,三個月便要換一個碼了
今次我地揀左豹紋搭帶款,可愛之中帶點野性,wow
(唔知點解明明係豹紋,我成日講左呢對鞋係老鼠仔)






我的 facebook 專頁,緊貼每天心情 + 芝麻綠豆大小事 ~


2011年4月20日 星期三

笨 C 六個月成長簡報

係人都話,睇住小朋友大,真係驚覺時光飛逝
呢句話真係珍珠都冇咁真

六個月簡報,其實o係半個月前應該寫的了
但因為最近工作忙碌,影落o的相都唔得閒過返落電腦
一次過攪,淨係 load 都 load 左半個鐘,暈
不過睇番o的相真係好開心o既

6 個月大,健康院淨係打針磅重,所以我唔知笨 C 幾高
淨係知佢 6.5 個月時 16 磅重,同以前一樣係 50 線

踏入半歲後,最明顯o既成長進展,就係同人o既交流多左好多
好鍾意有人陪,好鍾意同人玩
(即是愈來愈 demanding 了 ... 攪到大人們好唔得閒 )





在無人扶助的情況下,可以自己坐了 (大人會睇實)
會自己「擸」玩具玩,同埋 ... 好鍾意睇電視,尤其是某奶粉廣告
都知睇得多電視無益,所以都唔係成日開架啦



愈大個愈鬼靈精
見你行過會望下你笑
而家開始,真係最好玩o既階段呢



我的 facebook 專頁,緊貼每天心情 + 芝麻綠豆大小事 ~




2011年4月18日 星期一

出銅鑼灣吃泰菜去

這篇 blog 本來是上星期五晚想出的
但打了一半竟然無端端按錯了 reload 制
咩都冇晒!得番一張相
去草稿匣係搵到個草稿呀,咪就係得番一張相囉
學大少奶話齋,真係無語問蒼天
因為太無奈的緣故 (其實係太眼訓的緣故),所以之後去左訓覺
哈哈哈哈哈

本來是想介紹一下這家在銅鑼灣的泰菜館的
上星期五,跟好姊妹渣渣和糖糖吃飯
她們都在港島東工作,所以便選了在銅鑼灣吃了
餐廳是在 openrice 挑的
好在有 openrice,否則我這個好日都唔出城的人,都唔知食咩好了

餐廳在謝斐道 272 號,其實正好在銅鑼灣站和灣仔站中間
有很多酒吧的那附近



中文名叫「新泰東南亞餐廳」,客人很多,不少都是放工來吃飯的商務客和外籍人士



這兩杯「杰撻撻」的飲品
其實是芒果沙冰和菠蘿沙冰
但好奇怪又不是冰冰的狀態,似是剛打出來的濃厚果汁
芒果那杯非常好喝,好似飲左兩隻芒果落肚咁 (會令到你好飽!小心)
 (其實菠蘿也很不錯,不過不及芒果咁好味)



一個好大的拼盤,有魚餅、蝦餅、春卷和生菜包



串燒一碟有半打,才 $50,好抵食呢!有豬、牛、雞三款
話時話我地一共叫了兩碟,其中一碟是在等候朋友到齊期間叫的
因為覺得好吃,所以朋友到齊後又再叫了一碟
所以好飽,哈哈哈



這個柚子沙律好開胃啊



冬蔭功只要足料便好味,我們叫了一窩大的,四個人每人喝了兩碗呢



這個胡椒蝦的汁醬很惹味,讚
餐廳從善如流也很抵讚,這碟胡椒蝦本來只有三隻的,
我們有四個人便問侍應能否加大,她說 OK 沒問題
(丫 ... 忘了看單,不知她是否有收番錢呢?應該有吧)



這個是鮮菌炒雜菜,不知道那是甚麼菜,口感有點韌呢
味道也不錯的,不過我不大喜歡炒菜「打獻」,不夠清新
下次還是叫炒通菜吧



叫了六菜一湯和四杯飲品,吃得我們捧著肚子走
味道也很不錯,才 $800,在銅鑼灣區算是好抵食啊!

【新泰東南亞餐廳】
地址:銅鑼灣謝斐道 272 號杜誌臺地下 3-4 舖
電話:2827-8877

我的 facebook 專頁,緊貼每天心情 + 芝麻綠豆大小事 ~


Linkwithin

你可能對以下文章有興趣: