2011年3月14日 星期一

笨 C 五個月成長簡報

今個月因為唔駛去健康院,所以唔知笨 C 而家幾高幾重呢
自己o係屋企度,身高大概是 66cm 吧,跟以前一樣都是成長線上 75 %
頭圍好像沒大分別都是 41.5 cm
體重呢,我覺得笨 C 好似重左好多啊
可能因為已經變成全奶粉 b,肥得好快啊



Jumperoo 又要再調高一格了 ... 就快唔o岩用咯 (最高係 4)



五個月的笨 C,跟四個月時最大明顯的變化
是對外界多左好多反應
聽到有聲會四圍擰,望下o的聲o係邊樹o黎
見到熟悉o既人會好開心
仲有 ... 已經開始"怕生保"了   所以呢排成日喊呀!

另外,手腳比以前靈活多了
會抓玩具玩呢





人地俾野佢,佢會伸手接



見到咩都摸一餐



對於移動中o既物件非常感興趣,會追住o黎望  



對大人o既活動也很八卦,總之做咩都要有佢份咁



想請教下各位媽媽,如果 bb 仔"怕生保",咁呢段時期我係應該繼續俾佢出街見多o的人 (佢會狂喊)、定係唔好俾佢見咁多人住呢 (過左呢個階段先)?我睇健康院o的育嬰小冊子,就講話照顧佢o既人要係固定人士,以免 bb 冇安全感,但就冇講好唔好俾佢見咁多人啊 ~ 大家o既經驗係點o既呢?


我的 facebook 專頁,緊貼每天心情 + 芝麻綠豆大小事 ~












30 則留言:

  1. 我係可能的情況下都會比佢見下其它人, 以免佢越來越怕生。只要在陌生的環境下, 你在佢視線範圍or唔好比其它人抱走, 令她無安全感, 就OK啦!!
    另外, 可以同朋友先講明, 見到笨C唔會咁"熱情", 唔理佢, 等佢望熟了佢地先試下同佢玩, 會好D的。

    回覆刪除
  2. 我覺得 BB 唔適宜去咁多街。

    回覆刪除
  3. 好精伶又健康,祝福他快高長大

    回覆刪除
  4. 笨B媽媽,
    我囝囝八個月多。我的經驗分享是照出街,抱住佢俾佢望多啲人,但就唔好好似以前咁,隨便俾人抱佢或者好接近佢,慢慢佢就會好啲。

    回覆刪除
  5. 我覺得見多D人,見得多習慣下嘛,如果有人抱佢佢喊先抱返,又或者唔好畀生保人抱囉,話畀佢知媽媽係度唔洗驚驚,因為生保期過左而佢又己經少出街,到時可能唔適應都會喊架, So far 我個仔到而家(15個月)出街都無乜點失控過。

    回覆刪除
  6. www.裝修公司.com2011年3月14日 下午3:44

    想咬佢塊面呀

    回覆刪除
  7. Hello, 笨B媽媽!
    我係元朗原居民, 最近打算起屋, 所以無意中睇到你個小屋仔, 大PROJECT, 見到你間屋起得好企理, 想問下介唔介意俾你個建築商既資料我參考下呢?
    麻煩哂~

    回覆刪除
  8. 其實又唔駛專登唔見人既. ....如果有生面口既想同佢玩或抱佢...要比佢warm up下先... 如果都係喊或表現驚驚既話..就唔好勉強......呢段時期慢慢就會過... 反而你係呢個時期唔比佢見人...會將"怕生保"既時間拉長架 希望幫到你喇

    回覆刪除
  9. 「強生媽媽大學堂」給我的資訊, BB而家係會識得認人, 會怕"生保", 係正常與良好的發展。 如果我哋同朋友食飯, 我個女(7.5M)會不停望住對方。 對方摟抱她, 佢望多幾眼就會喊, 搵我或者爸爸抱返。 如果係見過幾次面, 佢好似有印象, 唔怕比對方抱抱, 仲要玩到咔咔笑。
    我個人覺得, 笨C怕"生保", 唔洗"斬腳趾避沙蟲"。 妳和她, 也會外出走走, 見下朋友or鄰居, 可以幫笨C繼續發展, 社交和溝通能力嘛, 慢慢來啦!

    回覆刪除
  10. Let her see more people but you need to be the one holding her. Don't pass her out to others or leave her. She needs to build confidence with people through your relationship with others. My daughter used to be scared of people when she was younger too. After she turned 1 (she is now15 months old) and I was back at work (my mom takes care of her), she was not afraid of people anymore.

    回覆刪除
  11. 你要同佢見多人先得架~如果唔係佢一見人就喊, 就算你等佢大個先帶佢見人, 佢都係會怕心既.....我個仔就係"全靠"我奶奶成日帶佢出街/見人, 所以依家都不知幾social...... 而如果你有朋友都有bb, 就得閒搞吓gathering, 咁佢第日都唔使上PLAY GROUP添~!

    回覆刪除
  12. 有d怕生保都好架 , 以免有陌生人抱走都識喊..

    回覆刪除
  13. 我個仔由細到大 都會日日落屋企樓下散步.佢唔怕生保 而且現在天氣開始暖.我建議要多出街

    回覆刪除
  14. I totally agree with Sarah, my daughter is almost same sitation. (she is now 9.5 months) .
    By the way, "Bun C" is reall so cute ^.^

    回覆刪除
  15. Ha ha, 笨C媽媽...其實我都係住係同你同區架...你係唔係住係十八鄉路.."馬田村"附近呀? 唔知我地會唔會有一日我帶住阿囡...你帶住笨C係元朗某地方相見呢... ^.^

    回覆刪除
  16. 個人讚成多帶佢出去見多d人, 對第時大個人際處理有好處

    回覆刪除
  17. 幫唔到你。我兩個仔自細每個星期日返教會,俾人週圍抱,從來冇怕生保。或者可能千金見多啲人會好啲。

    回覆刪除
  18. 我B女五個半月,我都會帶佢出街,等佢睇多啲野,見多啲人,慢慢就無咁易喊

    回覆刪除
  19. 我個大B女現在到就快1歲半, 佢好怕生保, 如去到公園或陌生人走過來的話, 就算見過幾次面的姨姨叔叔, 佢都會好怕, 總越LEI越埋, LEI到我身后, 但我最近日日帶佢出去公園玩, 同埋等佢自己自由活動週圍走, 一日去成2次, 每次到玩成個鐘先返屋企, 現在情況好好多囉, 總會好鐘意同其它小朋友玩添..真係要帶BB出外多些...

    回覆刪除
  20. 雖然我未有,不過我呢到又係見樹多過見人既地方,好多細路都好怕陌生人。當然性格都有關,男仔多數好快無事,女仔會耐少少。不過我都贊成帶佢見多 D 人,等佢習慣見人。
    我有朋友個女細個時係唔係都喊,响車入面望到外面有人都會喊果種。後來媽媽怕咗佢喊,唔係幾帶佢出街,所以仲易喊,要攪到入 preschool 先好少少,而家成四歲有多,响教會仲成隻樹熊咁抱位媽媽,要 warm up 一輪先可以入 child group ...媽咪同我地講話日日返學前都係咁..
    另一個朋友既女雖然易喊,但因為成日帶佢去呢個 auntie 到、果個 uncle 屋企玩,好快就無咁怕人。見到陌生人會怕少少,但係見媽咪/爹哋話無問題就好快會熟絡~ 所以我贊成要早 D 帶佢見多 D 人,去公園或者同班都有小朋友既朋友做 regular gathering 都係好好既方法~

    回覆刪除
  21. 我同意你話要俾佢見多o的人, 不過就唔需要俾唔熟o既人抱, 咪話bb吖, 大人都唔喜歡同陌生人太接近啦, 係保護自己嘅天性吖嘛.

    回覆刪除
  22. Hi 笨 B 媽媽 ,
    又係我 kittymug 呀, 可能你唔會記得我係邊個!! 因都係留過一次message 俾你!!
    好喜歡看你每月給笨c做的成長簡報表.
    現在做了媽媽才發覺真係一d都唔容易, 原來好多事需要你去擔心和想 (我之前有咗嗰陣, 完全冇諗過!!)
    真係攪到個人有d神經質!!
    因自己唔知係呀阿仔幾大時應該同佢做d咩活動, 又驚自己做漏咗, 好似對佢唔住咁!!
    同埋而家唔知點解明明你自己個人會好理智, 但有時又會好受人影響 (教育/ 報幼稚園 / 課外活動 / 甚至最近期的搶奶粉潮!!) 所以我自己好擔心真係唔知點教個仔 (佢而家11星期大) !!
    你有沒有想過自己是一個怎樣的媽媽或者是你想笨c是在一個怎樣的環境長大? 真的要將他們的童年被課外活動 / 學樂器的時間填得滿滿? 起碼我自己小時候的生活不是被安排好!!
    好苦惱!
    kittymug

    回覆刪除
  23. 如果jumperoo 唔0岩用,有無興趣出讓呀?

    我個女女宜家三個月大......

    回覆刪除
  24. I remember you said the jumperoo is second hand, can you tell me the address of the website I also want to find this for my son and I also interest of that chair you give it to your daughter, is it second hand too? I try to find in the market such as "toy r us" they don't sale anymore. Thanks a lot.

    回覆刪除
  25. 你的Blog真係寫得好吸引bb好得意呀, 謝謝一路以梨嘅分享, 請問你bb張藍色凳仔起邊度買架, 同埋想問適合坐到幾多個月/歲, 我都想買喔, 謝謝你!

    回覆刪除
  26. OK, 等我搵搵, 謝謝你

    回覆刪除
  27. 你屋企附近有無公園仔呀? 有就帶佢去多D, 仲可以帶埋佢去買餸, 去超市咁, 等佢見多D人, 咁就好快會無咁怕'生保'架啦!

    回覆刪除
  28. 不如你攪個私人 wei wei wei playgroup 等我地都 gather 吓啦! :)

    回覆刪除
  29. 笨 B 媽媽, 想搭問一句, d 重疊相用乜Software整嫁? 好靚呀!

    回覆刪除
  30. 噫~!你個掃地機械人好用嗎? 在香港買or淘寶? 什麼型號呢?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: