2011年3月3日 星期四

六千蚊

今年個預算案,財爺一早叫我地上網提意見
可惜我記得時,已經過左限期
不過,我懷疑查實大家寫左上去o既意見
財爺到底有冇睇過
否則點解精心策劃左咁耐o既預算案都係令到民怨沸騰架呢
又抑或
諮詢後發現蠢左,因為一人一句唔知聽得邊個

作為一個凡人,天降之財固然有一點點開心
但呢一點點開心只係好短暫,轉過頭反而唔開心左
因為普通家庭如我們,呢六千蚊又唔係應急之錢
我地又唔係好喜好物質消費
呢六千蚊如無意外又會變左存摺裡的數字遊戲
唔開心係呢個政府實在太左右搖擺,又無遠見

當然,對於基層市民來講
呢六千蚊係一筆頗具份量o既意外收入
但之後呢?咪又係要面對百物騰貴生活艱難

我更希望政府將呢六千蚊累積起來o既幾百億
用o係更長遠o既建設上
回購隧道又好、起公屋又好
或者撥多少少去醫療教育和老人福利
又或者再大幅o的增加子女免稅額和供養父母免稅額
好過人人現兜兜六千蚊
要駛的話話咁快就冇晒
唔捨得駛的話又愈來愈唔見駛



我的 facebook 專頁,緊貼每天心情 + 芝麻綠豆大小事 ~




22 則留言:

  1. 非常贊同! 昨天一收到消息, 已經忍唔住立刻寫了一篇文章發表, 從未試過對一件事有咁強烈的感覺! http://oliviaspeaksout.blogspot.com/2011/03/blog-post.html

    回覆刪除
  2. 非常同意AR!財爺話変就変、可見得個預算案有幾精心策劃LA! 日本之前又係因為D政党玩野、政府派銭AR~ 依家個政府o米赤晒字、物価高、経済差、人人交重税LOR!

    回覆刪除
  3. 完全同意呀!
    我同小魚公都有同感,我地都無咩物欲,基本上多咗嘅錢,對我地無1咩感覺,但政府的威信就蕩然無存!
    佢第一份預算案,最大的敗筆係注錢入強積金,強積金我從來都係唔認同的,對退休生活毫無保障,到退休時可能係蝕晒都唔定喎?咁到時又申請綜援?強積金最大的得益者,就只有管理基金的人!
    第二個敗筆,係無交代啲錢留在政府內可以點用?我非常贊成政府保留大筆盈餘去改善社會,如醫療服務等,但佢份預算案就完全唔交代,咁究竟政府留咁多錢嘅作用喺邊處呢?實在很難令人信服啊!

    回覆刪除
  4. 對呀, 派六千蚊,買完部IPad之後咪又係要捱貴租買貴餸, 生活都無改善到, 個政府都係選擇性聽民意架啦, 又短視又無承擔, 唉, 香港人要靠自己捱落去啦

    回覆刪除
  5. 如果財爺沒有提議將$6000存入強積金戶口,市民未必要求財爺派錢。 事實上,派$6000現金未必是大部份市民的意願,很多人也希望政府利用這筆錢去改善新發展地區的設施、幫助弱勢社群等等。 在這件事上,除了看到政府管治能力不足之外,我覺得各政黨亦“唯恐天下不亂”,每天也撩動市民的情緒,每天也將事情無限放大‧‧‧ 而且,學者的專業性也令我感到質疑,為甚麼很多人打算利用這“意外之財”消費時,還沒有“實質的證據證明會影響通脹”呢?大量的現金流入市場,不是會令物價上揚嗎? 心痛的是,很多人以為將問題“極端化”就能解決問題!在公眾場合突襲政府官員就等於“為民請命”嗎?還記得早年部份人為居港權問題火燒入境處,導致政府官員殉職,我們都竭力讉責這些人將訴求訴諸於暴力。今時今日,部份人是否要踏上這條舊路? 笨B媽媽,對不起,hijack 了你的post

    回覆刪除
  6. 點解唔留番啲錢用嚟注資缺錢項目,改善民生?

    回覆刪除
  7. 笨B媽媽
    我非常贊成以下說法,有錢人多6千無乜用,無錢人多6千一陣就無,最好快d打激樓市等每個人都有樓住,打激食品升幅,太快,人工就無加菜就天天加!
    我更希望政府將呢六千蚊累積起來o既幾百億 用o係更長遠o既建設上 回購隧道又好、起公屋又好 或者撥多少少去醫療教育和老人福利 又或者再大幅o的增加子女免稅額和供養父母免稅額 好過人人現兜兜六千蚊
    sandy

    回覆刪除
  8. 笨B媽媽講得好呀 你個笨C真係好 ka-娃-兒 呀.....

    回覆刪除
  9. 介紹你睇個blog, 裡而有介紹動畫及漫畫創作資料 今期介紹左塊好好用的Bravod Auro II繪圖板: http://hk.myblog.yahoo.com/vick_kivick/article?new=1&mid=3126 試用文: http://hk.myblog.yahoo.com/vick_kivick/article?mid=3152 希望你喜歡!

    回覆刪除
  10. 笨 B 媽媽 ! ^^ 我都無留意, 原來您上左人氣BLOG好耐啦wo!

    回覆刪除
  11. 完全贊同妳嘅講法 !!

    回覆刪除
  12. 依家D政策話變就變...
    下分鐘都唔知會唔會又唔派...= ="


    回覆刪除
  13. 我都好同意你的諗法,,好多新聞訪問d人果$6000點使..d人都係話拎黎買野呀旅行呀,,完全係無謂..政府一放低自已的立場,,第時一定冇定企..d人一有咩唔滿意,,就會去抗議..要重整香港政府的名聲,,睇黎都係無望了~

    回覆刪除
  14. 請問你之前介紹Oilatum呢個沐浴油,你BB用得好唔好?邊度有得買?
    我BB 5月出世,仲唸緊用邊隻牌子沖涼...

    回覆刪除
  15. 蝦子餅老婆餅2011年3月6日 下午7:07

    刨晒啦~刨晒啦~我由你第一篇睇到而家 :) 笨c好得意呀!
    "六千蚊"我初時都唔知發生咩事, 係我蝦子餅睇報紙 (一個唔識睇中文嘅中國人) 唔知喺啲咩英文報紙講我聽我先知. 我都唔明點解香港會派錢? 點解唔將呢啲錢擺去啲welfare system/health care度, 香港咁多人咁派法好似將啲錢落海咁. 之不過...如果真係派我又唔會唔要嘅, 但係唔知我哩啲海外香港人會點攞哩 . 我呢度幾年前都試過派錢, 政府俾人插到飛起! 重要係唔知要額外用多唔記得咗幾多錢去記張支票俾我哋

    回覆刪除
  16. 其實我覺得復建居屋真係有迫切性, 當居屋白表價都飆到去300萬既時候, 呢個政府就係無能的了, 所以政府係藥石亂投了, 遲早出事

    回覆刪除
  17. 非常讚同你的意見!!

    回覆刪除
  18. Agree~ 雖然我同我老公都攞到6000, 但我地都唔覺得開心, 反而係失望. 點解個政府咁無能, 我地架下一代都唔知點算啦~~ 最怕佢今日派錢, 他朝用哂問市民攞得更多咋.

    回覆刪除

  19. 非常讚同 , 回購隧道又好、起公屋又好 , 或者撥去醫療教育和老人福利 , 又或者再大幅 o 的增加子女免稅額和供養父母免稅額 , 公屋住戶又已經免租 2 個月 . 根本無需人人派 $ 6000.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: