2011年2月7日 星期一

童年回憶的賀年食品

今年的農曆新年,多了笨 C 這個新成員
家裡即時變得好熱鬧   大家都圍著笨 C 團團轉
初一至初四都忙過不停啊



初一那天,帶笨 C 回到陳師傅家拜年
看到陳師傅家的全盒放了少見的福建傳統小食 "金剛豆" (正中心那些)
要拍下來給大家看看   大家猜猜這是甚麼做的?



答案:"金剛豆" 的外層其實是白糖,裡面是花生呢。小時候的我很喜歡吃,現在嫌太甜了

以下這碟貎似年糕的,是粘米糕,是陳師傅自己蒸的。蒸好後煎香,外面脆卜卜,內裡好 Q (煙韌),少少鹹,好特別的。



下面這款是買回來的麻餅,外層是類似茶果煙韌的質地,裡面有麻蓉夾心的。福建人很喜歡買來拜神的。



陳師傅私房蘿蔔糕,材料內加了辣椒特別惹味。不過呢碟煎得過火了一點啊。



陳師傅每逢見到我們回家便很高興,不斷在廚房裡弄這弄那的。



拍拍o下蝦膠走出來,摷了一本珍藏的"精華食譜" (從各大雜誌剪下來的食譜砌成的) 出來細閱 ... 哈哈,原來他今次是第一次整蝦丸啊。



陳師傅第一次試做的蝦丸,哈哈不大像樣,但味道都不錯啦



初一晚的晚飯 ~ 請留意最左邊的兩隻碟,有廿多卅年歷史了,由我細細個用都而家,都未打爛!勁啊!(係咪要考慮鑲起佢地好好保存呢 ...)



晚飯後,來一客傳統的糖水 - 芋頭湯丸。湯丸是沒餡料的,只靠用薑和黃糖煮成的糖水提味。



對成長在美食天堂的我們這一代來說,以上的傳統食品 (金剛豆、麻餅、粘米糕、芋頭湯丸) 全都是很下價而且味道單調的食品,除了覺得新奇外,可能會有些乏味了,不會特別喜歡吃呢。但這些食品卻可勾起爸媽們對故鄉的情感和年青時代的回憶,所以每逢過時過節,他們仍是會興致勃勃地準備,然後興致勃勃地向我們大力推介的  





我的 facebook 專頁,緊貼每天心情 + 芝麻綠豆大小事 ~



14 則留言:

  1. 你家嘅過年傳統同食物都好吸引!我家唔太興做節,就算過年都同平時分別不,仔女大過對過年嘅回憶非常之空白,都只因為我依個阿媽太過懶惰!

    回覆刪除
  2. 笨B媽...恭喜發財... 祝你們一家身體健康... 笨C快高長大...^^

    回覆刪除
  3. 世伯下廚咁有心得不如考慮吓提名uncle上now tv做cooking 媽麻節目啦

    回覆刪除
  4. 笨b 媽媽屋企的傳統食物真係好有特色啊........
    恭喜笨b 媽媽新年快樂﹑身體健康,笨c 快高長大﹑聽聽話話............

    回覆刪除
  5. 無餡湯丸? 正呀!

    回覆刪除
  6. "請留意最左邊的兩隻碟,有廿多卅年歷史了,由我細細個用都而家..." 咁你即係話俾全世界聽你今年貴庚? Oh, I shouldn't use . I should have use as this is more lively!

    回覆刪除
  7. 你的家鄉美食很少見喔 ! 很特別哩 !

    回覆刪除
  8. 妳的家鄉美食好正啊,我祖籍都是福建,不過家鄉美食我父母都不會弄,妳真是好幸福啊,祝兔年妳們一家福澤滿載, 囡囡快高長大 ^^

    回覆刪除
  9. 個兩隻碟係咪新年先會攞出來用嘅呢 ?

    回覆刪除
  10. 笨C好可愛啊! 我細佬啱啱一歲,(差10年) 唔知笨C幾大呢?

    回覆刪除

  11. 蝦丸好吸引 , 但係都係笨 C 最吸引我 ^^

    回覆刪除
  12. 陳師傅真係好爸爸,他去看食譜,不知怎麽,我覺得好感動。

    回覆刪除
  13. 令我想起媽媽的自家的"角仔" 呢...

    回覆刪除
  14. 我以前以為"金剛豆"係潮州食品, 原來係福建傳統小食.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: