2010年11月6日 星期六

連環快拍

我最近在試玩街坊借我的 Canon IXUS 300HS
(emmm ... 我也試玩得太久了吧 ...   要趕快歸還)

好處是有高速連拍,基本上按著按鈕不動,就會一直拍下去
壞處是快拍時只有 200 萬像素,若用來曬相就麻麻地了
不過,捕捉 bb 的神情實在太~難~了!!!
如果沒有快拍功能,基本上好難好難才影到一張滿意o既相

尋晚見笨 C "開番眼" (佢呢,一日裡面唔係訓緊覺就係食緊奶,再唔係就扭緊計,好少可眼定定自己玩的 )  即刻又幫佢笠番笨 C 契媽親手織o既小紅帽,影多輯相先!
攞住個相機狂影,應該有百幾張啊!呢度係一小部分而已



卒之揀到以下呢幾張o黎 post   真係張張皆辛苦呀!









下面呢兩張就用左 picasa 做左少少效果





話時話,你地用咩相機影 bb 相架呢?如果 good o既,請分享下啊 ~~~



我的 facebook 專頁,緊貼每天心情 + 芝麻綠豆大小事 ~



11 則留言:

  1. 我用單鏡機Canon 450D,用左返唔到轉頭(DC仔)!
    有冇Canon PR可以sponsor笨C呀?哈哈

    回覆刪除
  2. 平平地買部入門級單鏡反光機(~4k),加支最平o既大光圈人像鏡(~$700)效果同一般dc真係都差好遠下,又或者揀部prosumer機,大多可以拍埋高清短片,如panasonic gf1、sony nex等等,再簡單d就LX5、canon g12哩類,質數全部好過普通dc 無記錯你朋友好耐之前送左部富士小DC俾你,當年佢都係一部評價好高o既dc,但現今o黎講,加埋如果對d相有多少少要求,就滿足唔到了 你可以去一d講影相o既地方睇睇同格價,如: http://www.dchome.net/index.php http://www.dcfever.com/index.php http://www.price.com.hk 不過湊女咁忙,都未必有時間睇呢 btw,有時間你會唔會寫番分娩過程?我仲以為你會揀順產呢,但見留言有人寫你係開刀

    回覆刪除
  3. Sony相機我係今世不再納入購買表內之產品!
    我真係用到dum左部相機!
    如果你唔想做setting,可以用死auto mode先,再慢慢學!
    佢capture d相好快,長按可以連環快拍,我拍我仔sir滑梯好似睇片甘,好搞笑!

    回覆刪除
  4. If you really want to capture good baby pictures, I agree to Erica. Use DSLR to capture multiple shots. It's faster than simple DC and the quality is better. It's not that easy to have satisfactory baby pictures but you will be rewarded when there are a few.

    回覆刪除
  5. 買機前除左做網上功課外,一定要去舖頭親身試下先,nex一出本來我都好有興趣,但佢兩枝kit鏡評語都係好一般,我睇過一堆評測同sample相,顏色同功能上都唔錯,高iso時表現更係超晒班,唯獨係覺得唔多夠sharp,但性價比都總算唔錯,雖然nex 5配一枝kit鏡個價錢已經貴過入門級單反+人像鏡,但拍高清短片、外形同一d fancy functions 又加番d分 (雖然nex加埋標準鏡並唔細得過單反好多) http://www.angcat.com/mydiary2010-4.htm
    ↑哩個女仔有玩開相機,最近都入左nex 3,可以參考下

    回覆刪除
  6. 用單反比較容易捕捉到BB的一瞬間神態, 就算不懂快門光圈等的知識, 只要SET做P MODE(即AUTO MODE), 也因為單反的快門開合比DC好, 加上單反的連拍比較穩定, 只要不要開FLASH, 影BB一點也不難.
    如果還是怕麻煩, 想一機走天涯, CANON的POWERSHOT G系列也是不錯選喔~! 最近的G12就是好例子.

    回覆刪除
  7. 好似張張笨C都有望鏡頭咁既~
    係你就佢隻眼,定係佢真係咁精靈識睇鏡頭呀?


    回覆刪除
  8. 如果你係講影維園花燈的話,佢寫係”手持”,即係無用腳架,不過我相信其他相多數都係無用腳架。 nex 係高感光度(即iso)settings下表現拍得住好多單反,係暗o既環境影相通常要set高些少iso,就如angcat影維園花燈同婚禮相時用左1600甚至3200,但當日光充足時其實只要用100-200。好多相機(尤其係普通dc)係高iso時影出o黎d相會有好多"noise",失去一d顏色同details,所以iso表現測試係所有相機評測必有o既一項,nex就強在哩樣囉 如果佢枝餅鏡光圈唔係得2.8,我都可能已經買左,光圈數字越細,代表光圈越大,一般影人像都係用大光圈,十分容易做到淺景深效果(即個人清楚,但背景就矇晒),影bb仔都o岩 如果真係買nex,你要考慮買單kit套裝定孖kit套裝喎(餅鏡+標準鏡),買左但又唔玩換鏡又似乎浪費左佢”可換鏡頭”哩個賣點,但換鏡又會有入塵風險,哈哈,哩d 機仲要下下自己開同"琴"鏡頭蓋,真係有人嫌煩o架 raw files大都可以囉o黎講我都係第一次聽....唔一定要影raw,raw files你改完轉埋jpeg delete左都無大相干啦,除非你周不時都要改番同一張相o者,不過你生左個女,買埋新相機的話,睇怕都要買番個特大容量harddisk,甚至新電腦 ,儲多d files都唔怕,仲有記住要做backup,harddisk/電腦o既o野可以話屎就屎,到時無左一忽笨c靚相就好可惜o架啦

    回覆刪除
  9. 咦~ 我用sony a33, 係DSLT(好似DSLR, 只係反光板係SET死左, 因為佢果塊係半透明, 唔洗反光板上落, 連拍快好多~) A33連拍1秒7張, A55就1秒10張 (JPG檔, RAW檔我冇留意一秒可以拍幾多張) 拍片係相位對焦, 合焦速度快好多~ (你係YOUTUBE度可以搵到A55同550D既拍片比較片段) 我覺得要自己去D鋪頭試下, 先會知咩機岩自己~

    回覆刪除
  10. 丫~ 仲有一個選擇既重點~ 就係呢, 你而家多數室內影BB架麻~ 又唔可以開閃燈, 所以一係就選購多一支大光圈定焦鏡(比大光圈變焦平D), 或選一部高ISO可用既相機~ 大光圈鏡呢, 最少都要F2.0, 高ISO最少都要1600可用~ ISO果度, 唔好只係睇相機的數字, 你可以去論壇度或測評既POST, 通常會有同一景觀, 同一SETTING, 只係ISO不同左既相, 你就可以睇下你接受到幾高ISO啦~

    回覆刪除
  11. 我叫Candy, 好喜歡Cotton Candy Kids的童裝, 發現原來Cotton Candy Kids的童裝款式跟很多國際大品牌款式相似(包活淘寶網!) 所以在此逐一介紹Cotton Candy Kids相似款式給大家! 希望大家以後能多d幫襯Cotton Candy Kids; 另外我既專長係抄襲兼老翻,抄款自家製是我的興趣!!
    http://hk.myblog.yahoo.com/cottoncandykids-cottoncandykids

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: