2010年11月15日 星期一

口水波與新生兒痤瘡

笨 C 最近開始鍾意玩口水波,好冇儀態
睇o黎就快要幫佢戴口水肩啦



至於佢臉上的一粒粒
我起初以為係奶粉熱氣,又話者係胎毒未清 (仲好內疚添 ... 因為我陀到後期食左好多禁品) 仲驚住係濕疹定敏感
原來呢o的叫 "新生兒痤瘡 Neonatal Acne",好常見的
根據健康院派o既小冊子講
成因係懷孕期間,母親o既荷爾蒙經由胎盤傳到嬰兒而引起
多數出現o係額頭同埋面頰等部位
一般o黎講o係出世後幾個禮拜會出現
三四個月會自然消失
最緊要保持皮膚乾淨乾爽,毋須擠壓和塗抹任何藥膏

延伸閱讀:小寶寶也會長痘痘嗎?(長庚醫院皮膚科施一新醫師文)



我的 facebook 專頁,緊貼每天心情 + 芝麻綠豆大小事 ~






21 則留言:

  1. 放心哂囉, d粒粒5系大件事, b媽你都可以鬆口氣啦

    回覆刪除
  2. 我個細囡 Ruby 十二朝時開始出粒粒,係有白色點好似暗瘡嗰款,跟住攪咗幾個月先開始消退,但到家陣佢塊面仲有凹凸洞呢~ 初時健康院嘅姑娘話大大吓會冇疤痕,但可能 Ruby 塊面細,所以到而家都仲見到佢d疤呢~

    回覆刪除
  3. C媽: 攪清楚,安樂哂,有教好瞓啦. 一路凑女,一路學,細路仔大得好快. 這兩天有沒有千呼所指的感覺,大家都好關心你哋嫁

    回覆刪除
  4. 你記唔記得我同你講過,用濕布抺完笨C塊面,要立刻用乾布抺乾呢^^ 頭先問過我媽媽,原來解奶茶係幾歲至飲。初生BB唔適合,我仲以為係而家飲添。 媽媽話如果熱氣煲米水佢代替水飲便可以清熱。佢兩個孫都係咁飲既。

    回覆刪除
  5. 你唔洗咁擔心啦,總之一有乜風吹草動就上黎講, 一呼百認呀.
    我家bb幾個月前都係有連背脊都有呀, 不過e家冇晒啦, 笨c好快滑雪雪嫁啦.

    回覆刪除
  6. For your reference, this blogger's baby seems has same issue as your baby. http://hk.myblog.yahoo.com/OB-siuna/article?mid=7067

    回覆刪除
  7. 唔係濕疹就好囉

    回覆刪除
  8. My daughter had the same thing when she was a baby. It went away. Don't worry, I am sure your baby will be fine.

    回覆刪除
  9. 我個女出世兩星期左右就開始出粒粒啦, 初初都有d 擔心, 後來同朋友傾開原來差唔多個個 bb 都會出架, 咁就無理佢, 照常用水同佢清潔, 再搽番d 水份 bb lotion, 三個月左右就唔再出啦, 依家塊面都好滑滑. 記住唔好 "唧" d 粒粒丫, 會有 "啦" 架!

    回覆刪除

  10. 想借一借你個Blog﹐希望你唔好介意。這不是廣告﹐而是一項非常有意義的活動﹐希望大家多支持。(是不是我越說不是廣告反而更像﹖﹗ anyways﹐能令多一個人知也就好了。如你真的不喜歡便請刪掉吧﹗)
    小主今天上課時(小主是香港大學碩士生)﹐教授剛巧介紹了一個網路窮人銀行 www.kiva.org 。對象一樣是窮困地區的民眾,資金則是來自透過互聯網上的你我。 Kiva.org是一個我個人認為很棒的非營利社會企業(是在美國正式註冊的)。詳情請到我的Blog看看。

    回覆刪除
  11. 多謝你﹐能令多些人知道這機構已很好。這是一間在美國註冊的非謀利機構﹐在外國也有很多傳媒報導過。網路窮人銀行這意念的創辦人是諾貝爾和平獎的人﹐是一個很好很創新的意念。比起捐錢﹐他們主張借錢給發展中國家的人去做生意﹐例如給錢他們買雞以便他們有蛋可拿去買。你借出的錢是可以拿回的。當然﹐這機構在香港的知名度不高﹐但我希望可把這信息傳開﹐就算不參與﹐也可令更多人知道這有意義的事。

    回覆刪除
  12. 用完濕布再用乾布抺面,是防止水份停留在面上(毛孔)滋生細菌。有時你會見到BB好似被蚊針。但又無蚊在家。這便是細菌作怪。有很多BB都有呢個問題。所以有好多家長會用消毒過的濕紙巾抺BB面。但有時BB又會對消毒劑過敏。所以最後用完濕布再用乾布抺乾。

    回覆刪除
  13. 原来如此!
    起初我还担心是湿疹呢,因为湿疹是很难根治的。

    回覆刪除
  14. 嬰兒哇哇落地本是歡天喜地的事, 為何有人諸事批評, 我看不過眼, 抱打不平
    http://hk.myblog.yahoo.com/deeplywater09/article?mid=4115

    回覆刪除
  15. B媽,我認識你小小,了解你小小,清楚你為人小小。我知道你屋企人為你做的事以至朋友為你做的事,你都心存感恩,從無炫耀。也知你EQ高。我唔相信和擔心你會睇到啲咩會生氣。不過,若你要發洩或反擊時,我一定會撐你

    回覆刪除
  16. blog主已經delete了那篇罵你的網誌名"妒忌", 大意是說你經常炫耀自己一家三口的幸福, 又不滿你叫bb將來報答開刀生產之恩, 她認為小生命是因兩人情慾所致, 乃被迫而來, 父母沒有權利要求回報...
    還有其他難聽的說話, 不過既然已delete, 也就小事化無, 一切如常, 我這不平人衷心祝你們一家幸福快樂!!!

    回覆刪除
  17. 我個女出世第一個月左右都有生暗瘡, 慢慢會散, 不過嗰時BB醫生教我用金銀花水抹一抹, 會謝快D。

    回覆刪除
  18. RONNIE講得好ARM, 我都睇唔過眼~ http://hk.myblog.yahoo.com/deeplywater09/article?mid=3075 我BLOG友而美, 佢給肥田打左入黑名單, 所以佢先用朋友的RONNIE A/C, E條友, 咩人都罵, 我巳俾佢出以上幾百字話我同而美, 我睇唔過眼, 佢亂話人, 尤其是我同你一樣有小朋友~ 佢個篇"妒忌 "睇到人地發火, 而美同我睇到看不過眼~ 剛才, 我巳用另一個A/C出給肥田, 罵左佢幾句~ 佢而家正在努力刪去BLOG所有網誌~ 有E條友, 係YAHOO BLOG度真係害人~

    回覆刪除
  19. Emilie 呢排都好鍾意食指,玩口水玩到烏咀狗咁,所以要勤啲同佢抹手抹面~~~ Emilie 一個月左右大都開始生到成臉都係野,婆婆同佢用清水加幾滴olive oil抹面,而家靚番晒喇!不過而家隻大汗豬又生到成頸熱費,我地用菊花水同佢抹身,又好左好多喇! 其實BB六個月大前都最好唔好搽藥膏,盡量用天然的方面解決,同埋less is more!

    回覆刪除
  20. In general, if you really want to apply cream to babies, sorbolene is the best choice. It's cheap and mild.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: