2010年9月3日 星期五

捐臍帶血

話說我本身是一個捐血者,雖然沒有乖乖地定期捐,但多年以來都捐了差不多二十次了
陀左笨 C 之後,我發現我多左一種血可以捐
就係【臍帶血】了

近年出現了不少私家臍帶血庫
聲稱可以代為儲存臍帶血至小孩十八歲
但上個月消委會指出,臍帶血療效其實仍存在疑問 (按此觀看)
就醫療文獻紀錄,病人可利用自身臍帶血的機會率只是二萬份之一

當然,係人都唔想有機會要用番自己o既臍帶血
花幾萬蚊將臍帶血儲起,對我來說固然是負擔能力以外的
但理性地想想,若把臍帶血儲在私人臍帶血庫,自己的孩子又用不著、其他病人又用不著的話,咪"一舉三失"囉?
與其如此,不如將臍帶血捐往紅十字會的公共臍帶血庫 (按此觀看)
公開俾其他人使用喇!
若真係有病人可以應用到,仲有意義喇!



現時為止,只有三家公立醫院有收集臍帶血的服務
包括廣華、威爾斯親王醫院及伊利沙伯醫院
今天產檢時,我已順道把表格填好交了
大家也可以下載表格以傳真方式申請呢 ~ (按此下載)


【有關臍帶血】
臍帶血是指在嬰兒出生後從胎盤收集到的血液,它原本只是些不為人重視的醫療廢物,隨胎盤於嬰兒出生後被棄
掉。及至六七十年代,科學家發現臍血內含有大量原始血球細胞(血幹細胞),並如骨髓般可移植入病人體內醫治多種不同之血液病,如白血病、地中海貧血病等。
自此醫療人員開始收集及冷凍儲存臍血來作醫療之用。



我的 facebook 專頁,緊貼每天心情 + 芝麻綠豆大小事 ~










16 則留言:

  1. 樂愉凱愉的小天地2010年9月3日 下午3:11

    我仲有两个月生··都想捐脐带血··

    回覆刪除
  2. 北京同仁堂 同仁保 嬰丹親親BB攝影比賽 新生命的誕生,往往是一個家庭的快樂泉源。大家何不把BB的最可愛的一面跟我們分享, 快把BB最活潑趣緻的一刻拍攝下來,並上載到我們的網站,我們將會在當中選出三張得獎 照片,截止參加日期為2010年9月30日。詳情請參閱以下網站: http://www.chuanchiong.com.hk/~babykingd om/ 或 http://www.baby-kingdom.com/?sb=885

    回覆刪除
  3. 原來還有第三選擇,選擇共用也不錯啊

    回覆刪除
  4. 唔講真係唔知原來可以捐臍帶血。我覺得捐血的人好善心,自己好想做,不過我係超怕打針的。。。。

    回覆刪除
  5. 我果時都填咗表, 但最後都無收~
    點都好, 支持你的捐獻~

    回覆刪除
  6. bb一出生便可幫助其他有需要的人, 意義多偉大

    回覆刪除
  7. 我都唔知原來呢D都有得添

    回覆刪除
  8. 我5月o係廣華生bb時都捐左脐带血,好有意義呢^^

    回覆刪除
  9. 如果BB係office hours出世先捐到架...唔係office hours紅十字會唔來收的!

    回覆刪除
  10. 原來幫人真係無分年齡,大人BB都一樣得WO!
    笨C細細個就幫到人,好勁WO~


    回覆刪除
  11. 真係好有意義喎! 咁如果自己BB有事可唔可以優先使用呢?

    回覆刪除
  12. 我係威2c生, 晚上10點都有人來收臍帶血架, bb一出世我最有印象:一條超長o既臍帶醫生同個紅十字會2個人先"long"得起(估計都有米半)我都忍唔住wah o左聲...剪個屎個醫生仲同個工作人員講笑: 乜你要晒成條呀?工作人員:係呀,要晒成條!醫生:乜唔係半條就夠架喇咩?工作人員:而家要晒一條!跟住2條友係度扯扯下跟住先cut, 好似買腸粉咁...捐完有個幾樣衰o既襟針送返比你(捐血個粒靚好多)但我覺得最貼心係佢個襟針個袋上面個d thank you字句係人手寫架!好有heart呀!

    回覆刪除
  13. 我0係廣華生時都填左. 不過無紅十字會0既人黎收臍帶血. 可能因為係公眾假期同埋零晨時份掛~~

    回覆刪除
  14. 自從第一次係廣華見到有得捐臍帶血既POSTER, 就決定, 如果醫生話我可以捐, 我一定會捐! (因為我有地貧基因, 唔知捐唔捐得啊!) 笨C媽媽~ 想問下, 係產檢時你問醫生, 醫生比張表你填, 定係醫生會主動提起呢件事架呢? 因為我成日都唔記得左要問醫生啊~~ 我都覺得, 與其比十幾萬(連埋去私家生既費用)去留起一D, 你將來未必用得著既野, 而且而家仲未有規管, 倒不如捐出黎, 比有須要既人去用~

    回覆刪除
  15. 嘩~ 紅十字會又幾快手喎~~~ 我下次去廣華果陣又及下有冇呢D傳單先~ 希望我即使有地貧基因, 都可以捐臍帶血啦~ 我成世女都未捐過血, 今次有機會無痛捐臍帶血, 我都好希望可以做到~~

    回覆刪除
  16. 我上一胎都有填表但后来被拒绝无得捐.(收到封信话多谢不过唔适合捐)..呢一胎再报吓先~捐血同捐其他野一样,唔系你话捐就肯要,捐既人一定要够健康,红十字会先收架...是一种福气~!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: