2010年8月9日 星期一

身教重於言教

最近有單新聞鬧得熱烘烘 (按此觀看),也令我有感而發

常說身教重於言教,我們的政府,就是不身教,淨係識得講講講

高官送晒o的仔女去外國讀書,但就在香港大肆進行教育改革,要市民硬受佢地在象牙塔中爆出的一套套理論;

局長有司機撻定冷氣等佢地上車,但就要職業司機停車熄匙焗到暈;

名人富人犯事,會有法官特別體恤話「被告擁有良好的背景及美滿的家
庭,最重要是有關心她的父母」blah blah blah 因而獲得輕判 ...

法律不外乎人情,但這份人情太大了吧?

難怪這個社會,價值觀愈來愈扭曲
原來良好背景、高學歷就等於值多o的錢值多o的尊重
難怪現在讀大學不用講究培養人格了
甚麼是格物明德,畢業生能否正確解讀也是疑問,更甭論實行
須知道作為受過教育的人,除了知識要比一般人高,品格修養和對自己的要求,也應該要比一般人高,否則和市井平民無異,白費了社會對自己的培養和投資

並不是自命清高
老實講,我自己比起阿爸阿媽的那一代,自覺也差了很多
所以更應時刻警覺
尤其是快要身為人母,我也不想 "一零後" 的笨 C會比我更「退步」

我的身教頂多可以影響我的子女

但政府、法官的身教,影響就大好多

希望各位在位者,做番o的應該做o既野吧!拜託拜託



我的 facebook 專頁,緊貼每天心情 + 芝麻綠豆大小事 ~



 





19 則留言:

  1. 我都好驚自己做唔好。。。。
    努力啊~~準媽媽!!

    回覆刪除
  2. 同意!!我地都好失望。
    關於這單新聞,我老公覺得最唔對路的是一般要取精神報告的疑犯,都應該通過政府的醫生(好似小覽精神病院)來寫報告(可能要入住病院兩星期取報告,順勢扣留住疑犯),爲何這大小姐可以私人聘請精神科醫生取報告??係人都知,一有錢銀厲害關係,獨立性一定會impair。 官官相護!

    回覆刪除
  3. 完全同意!呢單案簡直離譜!
    已經唔係第一次醉酒駕駛,竟然都只係停牌一個月?
    有病就更加無理由俾佢繼續危險駕駛喇!
    而家啲法官真係好令人失望!仲記唔記得我上次同你講圖書館那單案?
    你話而家啲法官究竟點唸嘢架?

    回覆刪除
  4. 很同意! 現今的政府根本看不到我們小市民承受的壓力有多大. 我們只好嘆一句 "鬼叫你窮, 頂硬上."

    回覆刪除
  5. 絕對讚同, 現今社會有$有地位的人絕對係打橫行都得, 氣爆

    回覆刪除
  6. 就是別人所講,現在的家長只著重學術教育,孩子要上多少興趣班,但卻缺少德育。以前飲茶霸位爭不到,便說孩子無用 ... 哈哈。

    回覆刪除
  7. 我哋呢個政府的高官只會有講冇做, 下下都要睇呀爺面色做人, 咁高薪請班副局長又有何用???

    回覆刪除
  8. B媽﹕請問你有沒有一女和蝦佬在外國的地址呀?我想寄東西給他們,想給他們驚喜呀﹗謝謝﹗

    回覆刪除
  9. 講到身教,你覺得有冇需要改過個名呢?
    成日叫笨B媽媽,笨C咁,我驚呀笨C 真係以為自己資質笨d。洗唔洗改名叫醒 B 媽媽,醒C 呀?醒獅好呀,生猛又好意頭,如果追多個BB叫醒D,仲正呀,勁過呀叻(陳百祥)添呀﹗

    回覆刪除
  10. 濃情朱古力碰上士多啤梨2010年8月10日 上午6:48

    唉..呢單案真係不知所謂呀..有錢人真係大晒..

    回覆刪除
  11. 我都好唔中意政府成日搵我地黎做白老鼠!!
    自己都唔知呢樣野WORK唔WORK,就叫我地呢樣試下果樣試下,都冇D實際既野做到出黎比人睇!
    教育又改革啦~都唔知點解D學生既知識水平好似越改越低,語文水平好似仲冇前幾代咁好!
    真係唔知黎緊D小朋友會點呀...

    回覆刪除
  12. 德、智、體、群、美 <-- 我記得我的年代小學好重視這個呢, 連手冊校章都見到佢地... 好認同你文章的講法..

    回覆刪除
  13. 古語有云"生不入官門", 法律只係用來對付窮人, 到今時今日的香港仍然適用!

    回覆刪除
  14. 一句有良好背景就冇事,唔通得小學程度同屋企冇乜錢 咪係等如 冇
    "良好背景"呢,唉 ! 咩官呀。再講而家啲學校都係求分數多啲。
    什麼"求學不是求分數" 求唔到高分數 咪冇"良好背景"囉

    回覆刪除
  15. 從來都係官字兩個口!雙重聲道+雙重標準!律政師有"吉士"就上訴!咁先似番個人!

    回覆刪除
  16. 對孩子來說,身教是非常重要的,這跟富有或貧窮無 關。
    現今的社會完全不是一個良好和健康的環境去讓孩子成長,
    學校也不能給予教育孩子甚麼是德育體羣美。
    我們的新一代多是一孩政策的寶貝一族,自小遇上的朋輩和家長都是
    「拜金」主義者,
    都是在這個畸型社會中隨波逐流。
    你要教好下一代,就要親自身教和言教,在家「把關」,從家庭教育做
    起,灌輸給孩子 正確的價值觀和人生觀,這樣才不會令孩子誤入歧途,
    一生受用。
    這是作為家長的責任,不能倚賴或怪責社會。

    回覆刪除
  17. "受過教育的人,除了知識要比一般人高,品格修養和對自己的要求,也應該要比一般人高! "
    100%完全同意 !!!!

    回覆刪除
  18. 有時市井平民的修養比高學歷的人還高呢

    回覆刪除
  19. Very insightful and a very good article! Congratulations for becoming a mum soon! Any time from 36th week is considered to be full term and then you'll have a different new life.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: