2010年8月27日 星期五

請支持奧比斯「正視行動」

之前曾經說過我現在已不會在街邊隨便捐錢
要捐的話我會直接過數,因為可以確實自己的捐款會落入受惠機構戶口,現實點來講仲有單有據兼可以扣稅

在芸芸慈善團體中,我捐得最多的是奧比斯
(查實也不是真的很多 ... 只是我錢不多所以暫時不能太「分散投資」
)
原因是我覺得「能看得見」太重要了
想想自己患近視已覺得不便,更何況看不見的人呢?

查查資料,原來地球上竟有 4,500 萬人因各類的眼疾而看不清楚看不見 (!!!)
當中其實有很大部分是可以治癒的,但因為貧窮、無知或公共設施落後等原因,很多人只有眼巴巴等待眼前的景物逐漸被黑暗侵噬 ...    
而奧比斯的成立,就是救助這一群活在資源貧乏地區的眼疾人士,令他們重見光明
 
除了主旨清晰、目標明確以外,奧比斯令我捐款次數最多的原因
是他們積極而有創意的籌款活動
記得第一次「捐款」應該是十多年前了,其實是訂購了他們的聖誕咭和聖誕禮物
心想反正都是要買,買奧比斯的不是一舉兩得嗎

當然,「現兜兜」的捐款是最實際的
但我也很喜歡買他們在節日推出的禮品
用來送給朋友,可以喚起大家對奧比斯的關注,是很好的推廣啊
(話時話就快到中秋了,大家要買月餅的話,不如買奧比斯的啦!是奇華餅家出品的哦!詳情請按此)

另外,奧比斯最近也推出了「正視行動 2010」
這個活動已辦了好幾年了
今年又有新意思,就是玩「擴充實景」技術
以一些編碼圖案,啟動網頁裡的短片
為我們展現不同的復明故事
我覺得這個活動很有創意呢!特別推介給家中有小朋友的,一定能吸引他們一起玩,一起認識視力的重要、也認識奧比斯  
大家可以先看看示範短片啊:www.orbis.org.hk/pin/demo.html






由現在起到 9月10日,只要捐款 $100 或以上,就可以得到襟章一枚 ~ 詳情可以瀏覽 www.orbis.org.hk/pin

謝謝奧比斯送我兩枚襟章,我會「現兜兜」地回饋返架啦


我的 facebook 專頁,緊貼每天心情 + 芝麻綠豆大小事 ~



15 則留言:

  1. 留錯地方添~哈哈哈哈~我真係豬 ~( + )

    回覆刪除
  2. o岩o岩睇清楚,原來義賣月餅的"全部收益" 都會撥捐奧比斯的,奇華唔會扣返成本,正呀!咁就要多多 支持啦 ! http://orbis.theorigo.com/ mooncake/

    回覆刪除
  3. E, 我都有支持呀, 但就仲未收到襟章喎

    回覆刪除
  4. 支持啊!
    正煩惱送什麼月餅給奶奶,
    就訂低糖那款送給她,
    送禮又可做善事,
    開心哩~

    回覆刪除
  5. umm....如果係我, 我就唔會捐俾呢個機構, 因為佢做o既根本幫唔到幾多有需要o既人, 佢o既理念好, 但實際效益唔大, 你諗下, train 當地d 醫生, 有咁o既設備o既醫院都係城市, 結果, 最窮最需要o既人根本無錢去俾個d 醫生醫...你會唔會以為佢係直接去那個地方醫人呢?
    仲有...佢地o既行政費....一句講晒, 都係浪費啦....點解我會知? 係度做過野咪知囉...

    回覆刪除
  6. 我舊年都有幫奧比斯做義工賣燈籠同月餅架....

    回覆刪除
  7. 本人不在香港,不能支持~希望下次會有機會~

    回覆刪除
  8. 不經不覺都捐咗 8 年 . 上次參觀佢地部醫療飛機 , 真係好先進 . 起碼知道啲捐款用得其所 .

    回覆刪除
  9. b 媽....你露台好曬咩 ??????? 整多左帳篷嘅 ?????????

    回覆刪除

  10. 比我間屋你睇下先 ~

    回覆刪除
  11. 好有意義, support !!

    回覆刪除
  12. 有D咁有意義既活動??咁要多多支持啦~



    回覆刪除
  13. B 媽.....間屋係新起.....起左2年果間呢......我都在路邊...比你間還近呀.....第日你去肥仔中醫度.....回程時就會見到架.....巴士站後面呀.......呵呵...你間屋我地一早就知道邊間啦......所以一搭車都會望下...你間屋呢 !

    回覆刪除
  14. 梗係唔係周圍飛醫人, 係周圍飛去train醫生o架咋!
    奧記人唔多...不過....行政費用上的浪費...唉!一言難盡, 我係個度時曾經唔抵得佢地浪費而同我老闆嘈,仲俾佢話我唔順從,嬲到我死呀!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: