2010年7月29日 星期四

"明日之後"現場版

7月29日,傍晚
青衣對開海面

搭搭下車,突然覺得好有壓逼感

往車窗外一望,嘩!環迴立體大黑雲





完全係烏雲蓋頂   個天好似就快跌落o黎咁
第一次見到咁大個天上面有咁大片黑雲,嚇死人啊



還拍了 video,有笨 B 爸爸的聲演 








我的 facebook 專頁,緊貼每天心情 + 芝麻綠豆大小事 ~



2010年7月27日 星期二

築巢本能?

唔記得係睇過邊本書定邊個網頁
話懷孕到了後期,孕婦會出現 "築巢" 本能
會突然間出現一股衝勁,將屋企執到企企理理乾乾淨淨
可能潛意識裡話俾自己知要準備定一個舒服o既"巢"迎接 bb 吧

我呢,平時懶過鬼o既
兼且笨 B 爸爸又肯做家務,除左摺衫熨衫呢兩項佢最厭惡
其餘所有野都係佢包辦咁滯
所以,我平時真係好少做家務 ...

但最近呢個星期,我竟然瘋狂咁做家務
仲要係大大劑咁做,簡直係驚天地泣鬼神 

其中一項壯舉,就係將廚房由頭到腳抹左一次
真係大工程啊,要將所有野搬晒落o黎,全部逐一抹過,再砌番上去







不止牆身、吊架全都洗過抹過,就連每一樽醬料,我都抹勻 (因為攞上手覺得黐立立,一不做二不休,抹埋!)



搬左入o黎三年,都未做過咁大工程
大家睇下o的醬料們幾咁高興



完成晒!好有成功感呀!
(呢幅圖裡面咁多 item,逐樣洗乾淨晒,真係流左幾公升汗!)



廚房係我o既第一擊,之後幾日,我仲將客廳、睡房、雜物房通通執過
丟左幾個貨櫃咁多o既野 (誇張-ed),仲將窿窿罅罅都除塵抹乾淨
仲將之前"視而不見"的棉被通通搬到天台曝曬,準備入袋收好
哈哈 ... 當然唔少得將笨 C o既衫仔都洗埋喇

以上o既工作量,可以大膽講句,新年大掃除都冇咁堅
做完之後,簡直覺得自己變左家務之星
但 ... 其實街坊已幫我搵左鐘點姨姨,9 月就返工
咁點解我唔留番鐘點姨姨o黎先俾佢做呢 ...
哈 ... 哈 ...!唔識答啊!我做o既時候真係超級衝勁,停唔到落o黎啊!
各位有經驗媽媽們,你地當年有冇咁啊?!


我的 facebook 專頁,緊貼每天心情 + 芝麻綠豆大小事 ~












2010年7月25日 星期日

花花床單

話說陳師奶除左車了花花大肚褲和攬枕給我外
仲車左一套花花床套和枕袋給笨 C 呢

Handmade 作品,一針一線都包含了愛,這是無價的呢
(但又真的幫我慳了唔少錢呢 )




我的 facebook 專頁,緊貼每天心情 + 芝麻綠豆大小事 ~



2010年7月23日 星期五

笨 C 郁郁貢

踏入 30 周後,笨 C 明顯踼得大力左 在肚皮上也可以見到呢

今次條片裡的動作算溫和了,有時佢o係度玩人浪震得仲勁,不過唔係次次趕得切攞相機,一影住佢佢就靜晒!

唔知點解今日上載唔到影片到 Yblog   大家又要過去 facebook 度睇片了 ~


我的 facebook 專頁,緊貼每天心情 + 芝麻綠豆大小事 ~





2010年7月21日 星期三

迷你機洗迷你衫 (2)

上回提到迷你洗衣機的試機大典
各位請留意,我只試用了一次,純粹試下部機 work 唔 work
至於夠唔夠實用,真係要笨 C 出左世先可以再 follow up 啦

話說我洗第一 round 時,係將佢擺左o係主廁個馬桶隔離
洗衫時是沒問題的,但去水時就有問題
因為去水喉太短了,唔夠長對正個廁所去水窿
攪到流到成地都係水 

所以,洗第二 round 時,就將部機搬左落樓下客廁個企缸裡面
咁去水時就可以俾佢直接流出來

之前試用的洗衣球,我將會"過繼"俾笨 C 用
BB 衫唔會點污糟,用洗衣球冇化學物仲好喇
我仲可以慳返買專用 BB 洗衣劑o既錢呀  



擺部機o係企缸的另一好處,係我可以直接開著花灑入水
其實部機有條入水喉,但我發覺又係好短的
反正部機唔需要入好多水,自己o黎得啦



洗衫進行-ing ...







洗完衫,要自己將個制擰去 drain,部機就會出水
嗱,條喉真係好短架



呢部機有兩個桶的,左邊是洗衣桶,右邊是脫水桶
要人手將o的衫由左邊搬去右邊
我怕 fing 唔乾,所以分左兩次



脫水進行-ing ...







因為曾經有一次脫水唔夠乾,所以今次我揀左最多o既 5 分鐘
哈,好乾喎!不過如果係紗巾就唔好 fing 咁耐了,fing 到變左形呀



同場加映 ... 部機 "fing 衫" 時動作幾大的,會走位的啊
所以空間都要夠寬敞好o的,否則踫到旁邊的東西會比較嘈呀



整體來說,試機效果是不錯的,笨 C 出世後我都會努力地操勞佢,證明俾笨 B 爸爸睇呢件野唔係「法國大餐」   (P.S. 你地知道法國大餐的歇後語嗎?提示:玩諧音的,有點粗俗的啊)


我的 facebook 專頁,緊貼每天心情 + 芝麻綠豆大小事 ~



2010年7月19日 星期一

迷你機洗迷你衫 (1)

第一次做媽媽,很多事都很迷惘
當我還在一頭霧水唔知自己需要甚麼時
我的朋友們已為我一直張羅

其中一樣我本來沒想過需要的,是迷你洗衣機
因為我成日以為 (1) 用大機咪得囉 (2) 手洗咪得囉
但朋友們已訂左送俾我,仲提供埋答案俾我
(1) BB 衫要同大人衫分開洗,日日都有野要洗,但多極都唔會夠一機大機
若然用大機洗,嘥水又嘥電,仲令到大機勞損過度,提早退休就唔好喇

(2) 阿媽阿婆年代都係用手洗,但日日咁洗,一來少左時間休息,二來洗到手都爛

轉過頭我又去"說服" 笨 B 爸爸 (唔明點解收禮物都要得佢批准
),我話 ...
用掃把掃地夠得咯,做咩要用自動吸塵機先?咪就係想唔駛自己郁手之嘛
日日得用得著、慳水慳力慳時間,用落左就會知方便架喇
香港人咩都多,就係時間唔多丫嘛  

如是者,上星期就收到迷你洗衣機的宅急便了



好在打風唔成都冇三日雨,星期日非常好天
進行左偉大o既試機大典
試機過程會在下一篇再報導





(註:朋友問點解第一件衫仔咁大件 ... 哈哈我冇留意添,呢件應該唔係 newborn size 啊,是笨 C 的契媽在外地寄回來的,我一併洗了)


我的 facebook 專頁,緊貼每天心情 +
芝麻綠豆大小事 ~



Linkwithin

你可能對以下文章有興趣: