2010年6月30日 星期三

掛著你的感覺

話咁快就o黎到六月最後一日了 ~ 明天是假期啦,祝大家有個開心假期!

尋日o係大埔閒逛緊吉之島、等緊睇肥仔 (中醫) 時,收到街坊的電話
話我知佢o係邊度邊度,見到好抵o既和尚袍和紗巾等 bb 用品,可以幫我買番來

同一日,收到老遠從英國寄來的包裹
原來是師姐 F 寄來的

有件衫仔俾笨 C 的



有些禁品是給我的



兼且有樣好新奇o既東西俾我"做實驗" 的



再之前一個禮拜,又收到另一份老遠從美國寄來的包裹
原來是 blog 友蝦佬和一女
跟他們在網上認識也有兩三年吧?
她們的女兒,有可能和笨 C 同一日出世架   我們好有緣呢

佢地為笨 C 揀的小背心和牛仔短褲,好型女啊!



仲有呢塊口水肩 ... 哈哈,上面的巨蟹不是笨 C,係笨 C 個阿媽 ... 我呀!



我想話呢 ... 原來給別人"掛著" 的感覺真是很 sweet 的    為我設想、為我出力、為我奔走,這些都是我修來的福氣。反而不要常常買禮物給我,這令我很不好意思呢!

謝謝我親愛的朋友們,常常掛著我呢  錫晒你地啊!


我的 facebook 專頁,緊貼每天心情 + 芝麻綠豆大小事 ~



2010年6月27日 星期日

開始搜集 bb 物資

尋日終於 "零的突破",出去愉景新城逛了 bb 街,只買了少少野當做熱身,包括三件蝴蝶衣、兩頂小帽子和一件包被

返屋企拆開o的衫
仔影相,突然間感到好實在,終於真係覺得自己就快做阿媽



第一次做媽媽,真係好迷惘的,唔知自己需要o的乜
好在身邊的朋友好多都已是媽媽級,俾左唔少有用資訊我啊
我加o的減o的,終於整左自己份 shopping list 出來了:
笨 C 購物清單/ 走佬袋物資表
大家睇完可以俾o的意見我哦  

非常感謝親友們送出的有用物資,包括 bb 床、網床、bb 搖椅、bumbo sitter、揹帶、sling、玩具、衫仔褲仔 ... etc etc
!!!! 我可以慳返好多 $$$ 啊   仲可以支持環保添,一舉兩得





我的 facebook 專頁,緊貼每天心情 + 芝麻綠豆大小事 ~



2010年6月25日 星期五

花花睡褲和欖枕

前兩日你地睇到的花花睡褲 (按此重溫),其實是陳師奶的作品
我好喜歡啊,因為超舒服呀!
是"的確涼" 的料子,非常通爽
(跟我同一年代的朋友,應該對 "的確涼" 這種布料不陌生吧
  小學中學校服全是 "的確涼" 的,後來才懂得英文叫 dacron)  
而且褲頭肚位有特別設計,加了布的,可以容納大肚子,著到生都得呀 ~



花花攬枕是花花睡褲的好朋友
因為我個肚愈來愈大,訓覺無論碌左碌右,都會壓住個肚唔舒服
好多人都會去媽媽店買個 "媽媽攬枕"
不過我嫌短,我鍾意成個人咁攬住,要有攬住笨 B 爸爸o既感覺 
(我好鍾意攬住佢架,不過佢怕熱,只准我攬一陣架咋 )
而且夏天太熱了,我想要o的涼爽o的o既料,等我攬住唔駛咁熱
仲有要拆到個套o黎洗o既 ... 因為訓得太高興會流口水

呢個花花攬枕符合晒我o既要求,所以而家係我o既訓覺良伴,笨 B 爸爸都要"抦埋一邊"




我的 facebook 專頁,緊貼每天心情 + 芝麻綠豆大小事 ~



2010年6月22日 星期二

我的大肚 @ 25 周

呢張相係上星期 (14/6/2010) 影的,因為個肚好似大得好慢咁,所以都冇個個星期影相了   

當時是 25 周,即是六個月多少少,肚圍是 35.5 寸,呢張相已經係橕住條腰,有少少"趷" 肚咁影了,睇落都唔係好大啊 (唔怪得之著鬆身衫出街時,十次有九次半都冇人讓座
)

陳師奶叫我著o的明顯o的o既大肚裙出街,才會有人讓座 ~ 但我答佢話呢樣係o徙氣架啊!我不如研究下點樣接駁,巴士駁巴士有得坐仲好




我的 facebook 專頁,緊貼每天心情 + 芝麻綠豆大小事 ~



2010年6月20日 星期日

洗衣球試用後感

最近獲邀試用「碧濤洗衣球」,聽說是可以完全取代洗衣粉的
只要用洗衣球洗衫,也可以洗得乾淨和殺菌
還可以減低因洗衣粉化學物而引致皮膚敏感的機會
聽落幾神奇有幾好咁,我當然樂意做下白老鼠喇
如果用得好,我遲o的可以用o黎洗笨 C o的衫丫嘛

我家用的是 5 公斤的歐洲式洗衣機,就是背後這一台
洗衣球放進去後,好像佔了不少空間啊
(每次都要放晒兩個球)



使用前,原來要先把洗衣球「活化」,方法是浸在 40-50 度的暖水中一小時然後風乾 (但由於我浸完後立刻使用,所以沒有風乾便直接丟進洗衣機洗衫了)
(剛才細看了網站,原來每個月也要做一次這個浸泡動作)



我乖乖的試用了一個月 (我一個星期大概洗 2 機衫),結論如下:

(1) 我沒有再另外落洗衣粉,都洗得 ok 喎 ,起來沒有不乾淨的異味
註1:我地兩個都係大人,返工又唔駛擔泥,所以o的衫其實也不會很污糟的
註2:我的歐洲機每次洗衫都洗個半鐘的,所以不知道是否本來淨用清水也有此效果   要聽埋用日本機的朋友們的意見較中肯。

(2) 沒有另外落柔順劑,經過個半鐘的"煎熬",牛仔褲和毛巾都冇特別硬喎,好像和以前用柔順劑差不多,呢樣頗有驚喜呢,因為我覺得柔順劑好 "化學品",其實不大喜歡用。

(3) 剛洗好的衣物,聞起來沒有特別氣味,應該是洗得乾淨的。但聞慣了洗衣粉的味道,起初也有點不慣的 (因為以前聞到洗衣粉的"芳香"味道,會覺得o的衫洗乾淨晒 是心理因素吧)。但久而久之就冇問題了。

(4) 因為我家有天台,所以洗好的衣服都可晾在陽光底下曝曬,試唔到會否有 "up" 味問題。

(5) 笨 B 爸爸近這一年皮膚上有些疹,但用了洗衣球一個月情況依舊,我懷疑是因為那些是 "汗疹" (因為笨 B 爸爸好大汗的,但汗不臭) 而不是因為對化學品敏感而引致的濕疹類

(6) 整體感覺不錯,我會繼續使用的,特別是用來洗笨 C 的衫仔,因為小朋友始終接觸愈少化學品愈好呢


有關碧濤洗衣球的詳細資料,大家可以瀏覽它的官方網頁啊:www.biocera.com.hk


我的 facebook 專頁,緊貼每天心情 + 芝麻綠豆大小事 ~



Linkwithin

你可能對以下文章有興趣: