2010年5月19日 星期三

是笨 C 啊

哇哈哈 ~ 笨 C 好受歡迎啊,一寫佢瀏覽量即刻颷升
個標題開左估啦 ~ 係笨 C,即是女仔啊

呢張係由 pat pat 照上去的超聲波片,各位有經驗媽媽應該識得睇啊


笨 C 已經 20 周多了,有幾個 blog 友一估就估中,強!
笨 C 將會係天秤座老虎女啊
睇下佢條尾龍骨,幾清楚



其實上星期已在政府醫院照了結構,但因為感覺好像有點 "求其"
因為那位醫生好冷漠   同佢講早晨又唔應、問佢野又唔係好想答
一味自己照照照喃嚒喃嚒就完事   全程應該只有五分鐘吧

雖然可能五分鐘要睇o既都睇晒,但因為佢全程唔多睬我
兼且因為我成日疑神疑鬼驚自己有咩事 (因早期陀得唔係好穩
)
所以都係搵多個私家醫生再照照 (而且我又好掛住笨 C 呢
)

睇網上推介,搵左旺角中心的林翠苗醫生照
嘩佢好 nice 好好人好細心!!!!!!我俾十粒星,強烈推介 
一邊照超聲波佢會一邊慢慢解釋呢度係咩o個度係咩,好詳細又有耐性
我仲將咁多個星期來,積壓左唔少o既問題 (而係其他醫生懶得解答我的) 都問左佢
佢冇嫌我煩仲好細心解答左,唔止用口答,仲會主動做多左工夫照埋o個o的部位俾我睇,用證據令我疑慮盡消

其他我睇過的婦產科醫生雖然都係專業,但冇一個令我咁有安全感
可能因為佢地成日好匆忙咁,又或者單靠言語叫我唔好擔心唔駛擔心咁
(咁我應該要信任佢地意見o既 ... 但事實上又真係消除唔到疑慮都係驚架嘛 ...)
睇左林醫生,我終於有覺好訓、唔駛成日嚇醒了  ~

一早知道有 DVD,但估唔到仲有咁多張相,以及一份極詳細的 report!
真係一位好有 heart 的醫生  



最意外驚喜的是,林醫生照照下超聲波,竟由 2D 轉左去 4D,俾我睇清楚笨 C 個樣   在毫無心理準備之下見到咁清晰的笨 C,真係既驚訝又感動!!!



笨 C 好多小動作啊,一陣在吞口水、一陣在打呵欠、一陣又在 R 頭,睇到我目不轉睛



哈哈,笨 C 可能嫌我地煩啊 ...



【後記】

點解我不斷講話自己好驚青、又成日疑神疑鬼呢?
事關我又高齡 (我成日話自己老餅,係真係老餅架)、又有不好的前科 (研發左三年 ... 大家都估到咩事啦),同埋今次在早期時都唔係陀得太穩
所以過程中有咩"依郁" 都會嚇到心驚膽顫

大家見我而家嘻嘻哈哈,其實之前都有過好多事啊
好在呢期笨 C 終於乖乖了,所以才決定公佈呢
有機會才一一講返俾你地知啦 ~

話時話,昨天終於開了個笨 B 媽媽 facebook page 了
 
大家有上
FB 的話,add 我吧





沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: