2010年3月15日 星期一

非常潮濕記事

【趣事一】

話說幾個星期前,某天早上起床,見到洗手間地下濕漉漉的
以為笨 B 爸爸朝早沖完涼整濕架啦

點知,呢片「濕地」,竟然全日持續不退,仲有愈o黎愈濕o既跡象
我仲以為自己眼花   因為我從來未見過咁情況
你地知啦,鄉村地方日照充足,中午俾太陽乾蒸咁滯架嘛
真係晾左衫出去兩個鐘就收得番入o黎o個隻
點解 ... 點解 ... 點解 ...   到底咩事?!係咪我眼花?!
(我完全冇諗過「潮濕」呢個因素,因為在我家很少 feel 到「潮濕」)



後來有一天去陳師傅家食飯,位處港島西但唔近海
佢屋企幅牆係出水架囉!地下好似o岩o岩洗完咁!
好少見濕得咁勁,所以我就開始諗「咦今年係咪超級潮濕所以連我屋企都濕埋呢」

【趣事二】

又話說我是一個非常唔小心的人,如果攞住杯水行,好多時都會濺濕地下
所以,間唔中在我家地面見到少量水漬係正常的

上個星期六,某一次由三樓行落二樓,見到米黃色的樓梯級上有很多拖鞋印 (當然是我的拖鞋印喇)
我以為自己又潑濕左個地下
點知睇真o的,每一級都有喎!冇理由級級都俾我潑濕左下話???
咁多拖鞋印好肉酸,就攞左幾張紙巾想抹番乾淨喇
點知一抹之下,紙巾濕晒!完全係抹完一級都濕晒

為表清白 (證明唔係我整濕個地下) 我行上天台條樓梯檢查一下 (因當天我沒上過天台,更沒可能拿水杯上天台罷)
嘩,條樓梯表面泛晒水氣囉!
影相影唔到,只影到呢一張比較明濕的 ... 大家見到坑紋裡有水珠嗎?



見到潮濕得咁緊要,我即時的動作係 --- 去告誡笨 B 爸爸呢期唔好跑樓梯 (佢成日行樓梯時兩級當一級咁跑架) 否則 PK 就大鑊啦!

【後記】

雖然非常地潮濕,可是我家的牆身還是很安全的,完全不會出水
(大家可想像不潮濕的日子,我被乾蒸的程度
)
有窗戶、露台讓太陽曬進來的位置,也是非常 ok 的
所以潮濕都只集中在洗手間這陽光照不到的地方

有朋友問我做咩唔開抽濕機
其實我覺得間屋的潮濕程度也可接受的,只係一o的冰涼又照唔到陽光的表面 (如洗手間磚面、門框) 才有水氣,其他地方也不會覺得霉霉 up up
如果有陽光,上天台晾衫依然快靚正
所以我是下雨天要在洗手間晾衫才會用抽濕機啊
但住市區樓的細妹,間屋就發左霉幾次了,可憐佢撲唔到抽濕機啊







23 則留言:

  1. 笨b媽你家的情況還好呢, 我家所有地方都像你影出來廁所的地下...牆身都出水了, 一條條水流下的痕跡....*_*....因為小狗行路都好似溜冰咁, 所以我開了抽濕機給牠們, 幾個鐘頭, 就抽滿一桶....

    回覆刪除
  2. 係啦, 我都撲唔到, 二月尾打去fortress, 百老匯, 教協, 吉之島, 日立,樂聲, 三菱全線任何型號都斷貨, 唉, 要三月尾至四月中先返貨喎, 好慘

    回覆刪除
  3. 我屋企已經潮濕到暈啦, 曾試過最濕時走廊頂好似鐘乳石咁, 而屋企又成日開住個抽濕機, 上又出黑色的霉, 好煩, 用漂白水抹完呢度個度又有, 煩到死.....窗外d霧好似仙境, 又唔開得窗, 到少d霧開窗一陣d風吹入屋, 都立即有水點.... 你話煩唔煩

    回覆刪除
  4. 你就好啦...
    我成間屋的天花都發晒霉
    好似烏雲蓋頂咁!!!!!!!!!!!!
    間屋個地又濕
    衫天唔乾
    係咁抽濕都唔得呀!!!!!!!!!!!!!!

    回覆刪除
  5. 我家廁所已經起左毛,新入住第一年已經敵唔過春天既恐怖!!(其實都唔關新唔新屋事)

    回覆刪除
  6. 我屋企都係呀, 條樓梯濕到好似洗完地咁; 貓爸要抬部抽濕機出梯間抽

    回覆刪除
  7. 我家只有睡房的窗是這樣。浴室都好濕。其他都ok。但。。。今天我換床單時,發現床褥底發晒霉。你知我將床係掂啦。床板原來濕到淋晒。 我今日都開咗成日抽濕機,抽間房。

    回覆刪除
  8. 用冷氣機嘅抽濕功能,效果比抽濕機好的呀!

    回覆刪除
  9. 唔想禁潮濕的話.....全屋d 窗唔好開....只開抽氣扇......就冇禁濕

    回覆刪除
  10. 有抽濕機都冇用, 我間房幅牆都已經黑哂,發哂! 屋外走廊仲恐怖, 變左水簾洞, 成個天花都係大串水珠, 係甘滴!

    回覆刪除
  11. 抽濕真係好重要...

    回覆刪除
  12. 我媽住將軍澳,呢排條走廊直情濕到有一個個"小水潭",天花都係咁滴水,屋企要廿四小時開住抽濕機,今日我返去一出電梯差d跣低,洗完地咁既款,但今朝我洗完衫晾出露台先出門口,下午返來已經乾左,頭先洗完廁所個零鐘都乾返晒,唔通鄉下地方真係唔識潮濕?

    回覆刪除
  13. 真係牆都出水,好恐怖!放工返屋企見洗手間地下濕,我以為係marble 做的好事,後來唔對路,見磁磚都掛住水珠,滴水wor,兩兄妹唔會玩到咁離譜掛,出去廳望下,嘩!幅牆出水呀!抽濕機乾緊衫,唯有即時開冷氣!

    回覆刪除
  14. 我同意 劉比蒂 所講, 我都係住將軍澳, 仲係 4X樓, 但我屋企完全冇事....

    回覆刪除
  15. 我都係住港島西,近海。琴日d霧直攻入屋,但係牆壁冇出水。可能係西斜,陽光一樣入屋之故。

    回覆刪除
  16. 我都要一直開冷氣抽濕 !

    回覆刪除
  17. "可憐佢撲唔到抽濕機啊".. wow.. 咁誇張!

    回覆刪除
  18. 真架…抽濕機呢期真係好難撲…
    我個朋友早排又想買部,我就陪佢去睇啦
    點知度度都寫住“此貨品暫時缺貨”…
    無論係平價貨定係四千幾蚊一部既貴價錢都無貨…
    by the way,潮濕既天氣真係會令人好累、好想訓……懶懶散散咁

    回覆刪除
  19. 濃情朱古力碰上士多啤梨2010年3月17日 上午7:01

    我屋企都好潮濕呢, 連鞋都可以發毛, OHNO...

    回覆刪除
  20. 復活節您們會外遊嗎?找天 “茗茶” 囉

    回覆刪除
  21. 要留意下所以嘅牆身,因為如果長期潮濕會好快就會有霉

    回覆刪除
  22. B媽妳開的題好好呀! 個個blog友都吐苦水.
    我家都很濕, 雖然無滴水, 但地下好似濕淋淋地感覺, 牆紙有起泡,
    開了抽濕機和冷氣並用, 並每個角落放個衣柜用的抽濕大象.
    因我驚牆紙發莓和脫落.

    回覆刪除
  23. 那星期, 我家外的走廊牆身全出水, 可以滴出一滴滴的. 我家又潮濕, 地板整天水... 牆身會發霉, 連我個人都發霉... 哈哈哈!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: