2009年8月3日 星期一

做隻貓做隻狗 ...

上個周末是寵物展,我雖然沒有寵物,但都去了
大部分參觀者都有帶同他們的寵物同行,睇見佢地錫o的貓仔狗仔的程度,真係難怪古巨基都要唱「做隻貓做隻狗不做情人」了  

呢隻好攪笑啊,真係好似同緊我笑咁,仲要坐定定俾我影證件相



呢隻史納莎好型仔啊!



但佢一見到同種o既路人甲,即時 bear 住對方啊



你睇隻松鼠仔幾嘆!





呢隻係比熊嗎?好攪笑啊,好似個波呢!



o的大狗熱到攤晒o係地下 ... (場館裡面已有冷氣,但我估佢地太大隻太多毛所以都好熱)





你睇隻老虎狗 ... 想點呢佢?完全係唔理人囉   (話時話著住橙色布這些狗是等待領養的)



其實我覺得香港完全不適合養雪撬 ... 仲要養養下遺棄了牠,真是 XYZ#%&%*(* 啊   好可憐啊雪撬仔的表情 ...



呢隻狗好似o係雜誌見過但唔記得係咩名 ... 非常大隻,有半個人咁高!我估超過 200 磅啊





下面呢隻好特別,又係唔知叫咩狗 (我好似聽到類似叫"菱犬"?) ... 好瘦的呢





遇有寵物美容大賽 ... 下面呢隻,公整到好似擺設呢



有說香港人當貓狗是仔女,果真沒錯,甚至有專用的狗仔揹帶,可以當佢 bb 咁揹出街!



哈哈 ... 買了三包手信俾樓下狗狗
我這個「鄰居」都算有心了吧



其實我係好鍾意狗的,不過未敢負上做主人這巨大責任前,還是玩人家的狗好





沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: