2009年7月6日 星期一

令冷氣機更乾淨襟用的方法

香港人屋企都唔少得一部冷氣機,但大家知唔知點可以令佢乾淨o的又襟用o的呢?

話說呢個係隔塵網 (係人都知),請留意隔塵網係可以拆出來的 (查實要定期拆佢出來洗架大家記得啊啊啊),所以它的設計是可活動的



話說拆左塊隔塵網,會見到下面的散熱板



思考題:散熱板如果積左塵,會有咩後果?

答案:散熱板積左塵,散熱效果會變差。塵太厚的話,可能散唔到熱,攪到部機壞左。

問:咁隔塵網咪已經用o黎隔塵架囉?

答:冇錯,不過你都有眼見,查實隔塵網四邊係有罅隙的,塵埃有機會從呢o的地方走入去。你可以拆左塊隔塵網望下,應該會發現散熱板o的窿窿罅罅有塵

延伸思考:咁咪應該盡量防止o的塵走入散熱板囉?

答案:冇錯,因為清理隔熱板和窿罅位都比較困難和麻煩,所以最好都係盡量堵塞所有塵埃有機會走入機體o既地方,咁就免除後患啦


其實,除左定期清洗隔塵網之外,仲可以做多一樣野,就係用縐紋膠紙封住隔塵網四邊的罅隙,進一步杜絕塵埃被吸進散熱板的機會。



縐紋膠紙在一般文具店或超市都有,幾蚊雞,好駛好用啊!



沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: