2009年7月17日 星期五

雞魚

最近經常試不同的魚 ... 有 blog 友問我係咪好鍾意食魚?
都幾架 ...

但我以前好枯燥的,來來去去唔係桂花就係烏頭唔係烏頭就係細鱗,其他魚我唔識分架     o個時又未係經常買餸煮餸,唔係好敢在街市同人搭訕嘛

受到愛魚的街坊啟發,我最近好喜歡逛魚檔時留意下有咩新野,然後同檔主八卦八卦!(當然,有時八卦完係混吉o既 ... 因有些特別o既魚都幾貴架) 好記得有一次見到一條好金黃o既魚,我問檔主咩來,佢話我知叫「三叔」.... 我瞪大眼重覆 「下. ... 三 ... 叔?!!」(諗起吳孟達  )  笑死檔主,佢重申佢其實係講「三鬚」,是我聽錯   佢仲教我得閒留意下一兜兜賣的魚,有時會執到好野架!

當日佢就介紹左一兜兩條的「雞魚」俾我,唔係好大條但仲係活跳跳的,只係 $30 (後來仲俾左 $2 電視框我 !)  佢話係海魚來,收檔才一兜兜賣,好抵食云云!



哈哈,今次的薑絲蔥絲好像進步了一點點 
阿叔冇介紹錯,真係好滑又好有魚味呢!果然是海魚啊   正呢
難怪在各大超市的劇烈競爭之下,街市還有生存空間,就是因為款式多和人情味呢


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: