2009年4月23日 星期四

Pepper Lunch @ 朗豪坊


(店舖圖片來自 Openrice)

很久之前看到 minicorgie 說 Pepper Lunch,位置在朗豪坊的 food court,心想這麼方便,一定要搵次去食下

於是,某年某月某天真的經過了,又難得我記得 (因為通常一落旺角就忍不住要去食沙嗲王) 就去試了他們的鐵板炒飯

food court 競爭真大,老實說行到上去,都禁不住會走埋去其他檔口睇下有咩食的

不過,後來見到好多人都攞住盤「吱吱咋咋」發響的鐵板返埋位,實在太吸引了!所以就即刻去落單啦

眾所周知 Pepper Lunch 最出名是吃霜降牛的,自己用鐵板燒熟應該好過癮

可惜,我是不吃牛的。所以選擇甚少啊。最後買了這個日式雞柳黑椒芝士炒飯 (名字太概是這樣吧 ...) (其實我有少少信唔過將芝士同黑椒加落飯係咩味 ... )

是要自己到櫃檯取餐的。服務員會提醒你先.拿.醬.汁,否則鐵板在手你就冇手再攞架啦,返埋位再出來的話,鐵板上的肉都 overcook 了。



返埋位後,是最好玩的部分,就是自己在鐵板上「炒飯」!
我想話呢 ... 好.香.啊!兼且一路炒一路吱吱發響,真是令食慾大增架



炒好飯後,再把醬汁撈勻,就可以食啦!
我又想話呢 ... 原來呢個黑椒芝士炒飯係好好食的啊!估佢唔到呢



套餐除了那鐵板外,還有一碗羅宋湯,不過麻麻地



價錢方面,由於我這個只是雞肉,所以比較便宜,只要四十多元
若吃牛的人,我想都會選他們的牛肉鐵板吧 (看圖片好吸引!),價錢就八十多元啦

Pepper Lunch 資料:http://www.openrice.com/restaurant/photos.htm?shopid=18533&position=9&page=3

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: