2009年3月7日 星期六

大茶飯 @ 海鮮站

話說我與好姊妹渣渣和糖糖每年年頭都會相約一次 「大茶飯」
這個傳統沿自初中時代
那時候零用錢不多,不會經常上街吃飯
所以我地會儲定錢,新年時一起去吃一頓好的,命名為「大茶飯」

回想學生時代,那一頓的大茶飯真會令我們期待萬分
出來工作後,因為出街食飯多了,食好野的機會也多了
所以熱情是有點冷卻了
但我們依然會去吃的,也會花心思挑選餐廳
因為「大茶飯」這三個字,在我們三人心中是個 ritual 啊

今年,我們選了尖東的「海鮮站」
今次是第一次到這店,可是之前已嚐過她的美味了
因為飛 e 曾經外賣這裡的海鮮到 minicorgie 家開 party
簡直一吃難忘啊   就趁今年的大茶飯帶她們去嚐嚐吧!

【沙律】龍蝦二食 ($480) 之龍蝦沙律,另外還有芝士龍蝦焗伊麵的
極為美味的沙律,生果非常新鮮爽口,龍蝦大大塊啖啖肉,靈魂在那沙律汁,是新鮮打的芒果汁來的!好健康又好好食啊!



【湯】海鮮站有三款湯,包括龍蝦湯、燉响螺湯和燉花膠湯,老闆張小姐提議我們四人可以叫兩碗燉花膠湯 share (每碗 $30)
非常足料,睇相就知!仲好夠火候,我地一路飲一路話淨係o黎飲湯都抵呀!
哈哈,唔知點解飲中湯佢都送左四片蒜蓉包啊



【蟹】海鮮站出名食凍海鮮,蟹方面有加菲蟹 (多肉、鮮甜)、麵包蟹 (多膏) 和加拿大蟹 (有軟膏、多肉但沒加菲蟹鮮甜),我們喜歡清淡一點,所以在訂座時預定了一隻加菲蟹
真係好多肉,真係好鮮甜!咁大隻蟹只係 $168 左右 (大概係...),好抵!



【翡翠螺】另一必食推介是翡翠螺,配 wasabi 豉油生食,又係好鮮甜!($48/ 6 隻)



【蟶子皇】蒜蓉粉絲蒸蟶子皇,我想話呢,好味過流浮山呀!($98 三隻?唔記得左 ... 但我地叫左四隻)



【龍蝦伊麵】龍蝦二食之芝士龍蝦焗伊麵
我地覺得呢個 $480 的「龍蝦二食」實在太抵,沙律已經係大大碟啖啖肉,呢個伊麵裡面竟然仲有好多龍蝦肉啊!佢隻龍蝦究竟有幾大啊?  哈哈哈!我地食得好開心 ~ 食埋呢個伊麵落肚,真係好滿足呢 ~



【不收加一】我地沒有飲酒,三個女子加笨 B 爸爸四個人,以上咁多道菜加埋只係 $880,不單吃得飽飽的,最重要是每一道菜都非常新鮮、非常美味!!!竟然還不收加一的,實在令人太感動了 ~   

呢餐真係食到我地四個人拍晒手掌,回味無窮,我地一定會再去幫襯的啊!

P.S. 這問店子很小的,非常爆,大家記住 book 位啊!



【海鮮站】
地址:加連威老道100號港晶中心地下41號舖 (尖東近天橋)
電話:2155-1113


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: