2009年3月20日 星期五

新奇士檸檬烹飪教室

前陣子收到新奇士的邀請,參加他們舉辦的「新奇士檸檬烹飪教室」
「潛水界」的我,其實好少出席呢類活動
不過當我知道韋太都會去,咁就難掩我的八卦之心啦
因為在網上識左韋太咁耐,仲要同佢係街坊,
成日話約出來見下面,點知我地兩個都忙到傻,約左成年都唔成事
哈哈!相請不如偶遇,就去扮邂逅啦   (因為韋太唔知我去!)

做韋太的同學仔真好,佢好照顧我架!否則我o的野煮燶晒都似 (因為當天唔知點解好多公事電話唔聽唔得) 唔該晒妳啊!



當天的烹飪導師有兩位,包括大家經常在電視上見到的歐陽應霽先生
阿齋真人同上鏡一模一樣樣,仲好風趣友善



另一位係 6 Senses 烹飪學校創辦人兼著名烹飪導師 Denise 韋兆孄小姐,佢好有心機,教得好詳細呢





當日學左四個菜式,包括新奇士檸檬蛋糕 ...
(以下是我的作品 ... 陳小冬見到應該會捉我去補習 )
(明明焗o既時候好靚架,點知最後都係爆左!嗚)



新奇士檸檬沙律杯 ...
(呢個賣相好靚,下次攪 party 可以整)
(不過因為我掛住講電話,所以個汁冇試味,覺得酸左o的。哈哈!)



新奇士檸檬菠菜意大利飯 ..
(呢個係阿齋的作品,時間關係我煮唔晒,留返下半場返屋企整埋)
(原來意大利飯真係好考耐性呀!)



新奇士檸檬香草燜雞
(呢個係阿齋o既作品)
(又係時間關係 ... 我地只係醃左o的雞搥返屋企繼續下半場)
(呢個係四個菜之中我最鍾意o既!估唔到咁巨大o既雞搥竟然好嫩滑啊!是阿齋介紹先用蛋白和生粉醃雞的功效來呢 )



我的下半場
哈哈,我返到屋企沒照原食譜去燜雞,反而用了焗的方法呢!(竟然焗了 30 mins 還好嫩滑,真是讚讚讚)



【廣告時間 --- 新奇士檸檬食譜比賽】

今次的烹飪教室,原來同時是一個 PR Event
由主辦單位公佈「新奇士檸檬烹飪比賽」的詳情

各位喜歡煮食的朋友,不要錯過機會呢!可以發揮創意,仲有機會贏到超市禮券。香港、廣州、上海及北京的朋友都可以參加的!

有關比賽的詳情,請登上 www.sunkistcontest.com ~


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: