2008年12月1日 星期一

惹味柴魚粥

最近天氣涼,成日煮完餸未食就涼晒

食粥就冇呢個缺點啦   所以近來都經常食粥呢

+++++

上星期看阿蘇整生滾粥,我好像發現新大陸,因為完全沒有這個概念

自細已經食好多粥,不過陳師傅不是煲白粥、就是煲鹹粥

廣東版的生滾粥從未出現在我家飯桌上

反而,陳師傅的鹹粥又有分兩種

一種是好像蠔乾粥,材料跟米一起煮到熟的

第二種是 ... 有點像生滾粥,但其實材料已煮好,最後才撈入粥內

因為材料已用調味料煮過,所以比生滾粥惹味

好像這個柴魚粥

坊間的柴魚花生粥,每每淡出個鳥來

但這個呢,就令人愈吃愈想吃



【下圖】柴魚在乾貨店可買到。可以煮起來當餸吃,或是學我咁加入粥裡,惹味至極。

二人份量用 2 條,用熱水浸半小時,然後用菜刀或雞骨剪分開成小塊。



【下圖】小鍋裡下薑 2-3 片煎香,放柴魚入內炒香,然後再加豉油炒香,最後加一飯碗水炆至剩番小量汁。

重點:豉油要炒才香,但好易燶,記住要快手



【下圖】加點辣椒,美味度激增十倍   可以就咁當一碟餸 (按此重溫)!

若是煲粥的話,極簡單,只要煲好白粥,然後把這鍋柴魚倒入粥裡攪勻便成。不要攪太耐,否則易出水。基本上已好夠味 (若你煮柴魚時已落得夠豉油) 否則可以在粥裡再加點雞粉調味。



【後記】

(1) 柴魚和大蒜是好朋友,在柴魚粥裡加點大蒜,美味度又再激增!當然,明顯上我家里沒有大蒜,所以用了香蔥代替
(2) 那些薄脆不是薯片,是我無意中的新發現,極易做而且無油,明天寫吧

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: