2008年11月7日 星期五

家鄉蠔乾粥

我真是一個沒記性又沒耳性的人

沒記性是,半年前陳師傅已送我一包家鄉蠔仔乾,我也想煲這個粥好耐了,但就是永遠都唔記得買大蒜

沒耳性是,每次回家吃飯時想起這個粥,就會問一遍做法。但到尋日真係要煮啦 ..... 最終都係打左電話俾陳師傅再問一次



【下圖】我講的蠔乾是這些 ... 不是海味店買到大大隻那種,是細細顆的,蠔味濃郁

這裡是二人份量,配一嘜油粘米

大蒜跟蠔仔和蠔乾都是好朋友,冇左佢唔成事



【Step 1】蠔乾不用泡軟但要沖洗乾淨,用少許蒜蓉慢火炒一炒至有香味



【下圖】加水

因為今次是煲見到一粒粒火的福建鹹粥,所以水量不用多

我用高速煲,2 人份量落 3.5 湯碗水。若用普通煲的朋友,要加多一點水量,我估 6 碗卦 ...



【下圖】水滾後落米,冚蓋。加壓兩圈,1 度火煲 20 分鐘。減壓後開蓋用 5 度火煲多 10 分鐘收水。

用普通煲普通爐的朋友,應是落米後再滾起時轉中火一直煲約 1 小時,但要定時睇下,小心滾瀉或煲乾。



【下圖】粥煲好後,將大蒜加入,立即熄火。加雞粉或鹽調味。

重點:加大蒜後不要再煲,否則大蒜的香味會消失。



沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: