2008年11月4日 星期二

補丁



現代的太太們,不知道還有哪幾個會做女紅呢?(女紅這詞語 ... 好遠古 ...)

想起陳師奶的一代,很多太太都會車衣、編織

到我這一代 ... 哈哈,織頸巾純粹是中學二年班的家政勞作,現在已完全不懂

現實生活中,碩果僅存的女紅手工

就是替笨 B 爸爸補襪子了

+++++

本來我也沒這樣好氣,襪子也不是貴 (雖然愈來愈貴 )

但笨 B 爸爸不知如何著襪,經常都把襪子弄破的

是個宇宙不變定律 ... 新襪子買回來後不到一個月就會穿洞的

就此丟棄,有點浪費

所以新襪穿洞,我是會縫一次的

第二次 ... 就算啦 ...   

(因為襪子穿久了會磨薄,失去彈性及護足效果 ... 尤其笨 B 爸爸這類走路快夾狠的人,襪子每天慘受酷刑 ... 所以都要常常買新的啊)



29 則留言:

  1. 我的也常常穿洞..只係在腳指公位.....

    回覆刪除
  2. 有時買了一些質素不太好的襪子,是很快便會穿洞,但我都未試過補襪子,多數棄掉便算,其實都可以學你先補一次.

    回覆刪除
  3. 我成日都穿腳踭同腳指公架. 我會買啲好少少, 襟磨啲嘅襪.
    其實我啲襪日日洗.. 著來著去都係個幾對.. 不過可以捱成年架.

    回覆刪除
  4. 買些質地厚些的襪子會耐磨 D,而且對雙腳有更大保護又更加吸汗,絕對係明智之選。

    回覆刪除
  5. 會不會是因為腳指甲太硬?或者鞋頭的空間不多,做成襪子跟鞋頭內籠磨擦大呢?
    噢,我想你要看看B 爸的腳指有沒有穿了洞呢

    回覆刪除
  6. B媽﹕那個衰人在你的回應欄留下三級網站連結,我己經檢舉了它,你有空便delete那個留言吧﹗

    回覆刪除
  7. 我家老爺都有呢個問題,但我無佢咁好氣,穿了就丟。通常減價時大手買入慢慢換。

    回覆刪除
  8. 係喎,唔記得佢係“鳳爪”黎添
    不過無奶油會勁過你對“虎掌”喎,你著高跟鞋都無穿頭啦

    回覆刪除
  9. 去買襪嘅未專門店度搵啦!會搵到一 D 較厚身和返工款嘅襪子,同埋再係鞋內加鞋墊都可以考慮。

    回覆刪除
  10. 就係因為而家買過新既都唔係好貴 所以識得車衣、編織既咪買小見小囉

    回覆刪除
  11. 我都成日著穿, 仲要次次都係腳指公個位

    回覆刪除
  12. 我識補衫架!同埋好鍾意買冬天褸返黎後,先晌鈕扣補幾針,免得去街時晌街甩鈕啊
    大少爺既襪都成日爛,我要確保佢有14對襪替換,因為佢太易著爛襪,咁多d替換,每日都換同洗都可以14日後先再重複
    咁樣一個月每對襪先係著兩次度,計起條數係有著數架
    所以我一幫佢買襪就大手買入,每爛一對就補給
    不過比我朋友話我係傻既呢

    回覆刪除
  13. 我腳指公比較長, 所以也要常補襪. 但現在買不到好線. 補也補得不暢快.

    回覆刪除
  14. 女紅?我都識架!
    不過我認為補了的襪子會穿得不舒服的呢,所以寧願換過新的算了。

    回覆刪除
  15. 哈哈.. 我都未試過著穿襪呢....可能我行路太慢囉....
    不過我都好懶補衫哈哈!!

    回覆刪除
  16. 我公公開襪廠架, 以前細個成日見佢要維修d織襪機~~ 我就成日攞佢d工具玩, 佢仲有一個車床添架~~ 我之前讀ive時, 呢個車床都幫我做左唔少功課架~ 佢話而家d人要舒服, 所以d襪的骨位以前係習起佢(即有一條好明顯的骨)呢d襪真係有排都著唔爛呀! 但而家興既"無縫"骨, 原理就類似拉鏈, 開口的左邊和右邊相疊的部份少, 然後用線車埋, 但因為本來襪的線就已經好幼, 再搵條更幼的線才會唔覺得有骨位, 所以好易miss左, 又或者骨位的幼線好易就被拉斷! 所以而家d襪先會咁唔襟著! ps, 因為公公開襪廠, 由細到大都有供應商, 所以買過既襪真係5隻手指數得晒~~ 而且細個時仲可以order要咩花款添~~ 記得細個時, 有一排好興橫間襪(黃黑間之類呢), 跟住就同公公講, 想要呢d款, 幾日後就出現左啦~~ 好神奇呢~~ 諗諗下, 年中真係慳唔少!! 因為我老公又係d襪著幾著就會穿晒! 我都費事同佢補啦, 比過對新既佢著吧啦~

    回覆刪除
  17. b 媽, 我著 ice fire 的男裝;襪, 而家好似$68/3對.
    係唔係b爸冇剪腳甲呀?? 好易篤穿架.
    你有冇買過厚啲個啲運動襪? 都穿窿??

    回覆刪除
  18. 應該仍有紅女存在, 而呢個天氣,織女都會出現

    回覆刪除
  19. 我都識"女紅"架 試個整廿幾個布襟章做畢業禮物 之前整左十字繡cushion 舊年織左年冷衫比男友 不過好少補衫....而家0的未到佢爛都已經打入冷宮

    回覆刪除
  20. 穿左既襪.都有一個好好的用途.就係用黎清潔一 d 好污穢的地方.用黎抺第一次就可不要.所以我會儲起.

    回覆刪除
  21. 我仲以為你呢篇係講"布甸"啊!!! 我以為你整布甸, 所以寫補丁啊!
    我都識針子嫁! 但係呢....就唔會去補衫囉! hahahahha
    d襪穿左, 陳生會拎去擦鞋啊! 但一樣唔係我做既! hahahaha

    回覆刪除
  22. 你真是好太太, 我就冇佢咁好氣

    回覆刪除
  23. I REFUSED to buy a sewing machine at home... haaa.... then daddy wont ask me to make this or that, or mend this or that...

    回覆刪除
  24. nowaday difficult to find this kind of woman who know how to mend socks la!

    回覆刪除
  25. 哇!呢家野我最渣呀!以前家政都係搵媽咪請槍
    而家就老公做呢d野

    回覆刪除
  26. 女紅? 真的很遠古的文字,雖然我手工不是很好,但也會的。
    會縫給我的洋娃娃........但補丁的工作,通常交給手工好的媽媽。
    因為要著出街的,縫得不好,俾人笑啊......

    回覆刪除
  27. 女紅呢個term真係未聽過呢 ~
    我補襪既針子巧肉酸呢 ~ 如果只係補鈕扣都仲可以既 ~~~

    回覆刪除
  28. 講起就唏噓,呢d「女紅」東東,做女個陣有阿媽,初歸新抱就靠奶奶,依家marble 種種,就靠自己......有次俾針拮到,都幾痛gar!

    回覆刪除
  29. 有啊~ 前幾日我公公先比左半打我,話下次再幫我攞多d,今次果d係屋企常備既~ 公公話下次攞d靚d既比我~ 仲同我講,d襪爛左就過黎攞啦~~ 嘻嘻~ 都話公公最鍚我架啦~ 

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: