2008年10月3日 星期五

有份做、冇份食?

話說之前某天去過沙田 (呢,買 ASUS Eee PC o個日呢),晚上在一田 food court 買「紀文」吃

紀文好難吃啊,不過這不是重點

我想話我睇到一件奇事

+++++

話說我地係搭檯坐的,檯的對面坐了一名孕婦 + 一個細路女 + 一個印傭

那位太太出去買食物,而印傭就餵小主人吃蛋糕 (都吃飯啦,仲慌佢餓親乎?)

太太買來烏冬二碗

佢拎了一個小碗,裝了一份給女兒,然後繼續吃碗中餘下部分

另一碗則擱在一旁 (我見印傭不吃,以為她是因為要餵小主人而唔得閒食住)

太太以龜速一邊吃自己的一碗,一邊氹個女食

我就一邊諗「阿太太你可唔可以食快o的啊?另一碗烏冬浸到淋晒啦 ~ 快o的俾人食啦」

點知 ......................................

太太完成自己那一碗後,就開始去吃另一碗  (!!!)

我簡直是看得 O 了嘴 ........ 原來不是買來給印傭吃的嗎???

+++++

故事o黎到呢度。因為咁o岩我地已食完自己的食物,要離座了。

我一邊行一邊同笨 B 爸爸討論剛才的事

我話若我是主人,我做不出「帶傭人去街做野,但冇份食野」

笨 B 爸爸都話係,仲話「咁慳o既話就唔好出街食喇 .... 」

blah blah blah ...............................

+++++

胡思亂想的的我,其實都有想過一些藉口為那位主人開脫的

可能 ................  可能佢食完兩碗之後才出去再買一碗新鮮熱辣的給印傭呢?

可能 ................. 可能個印傭唔鍾意食街外野呢?

可能 ................. 可能個印傭o係屋企食飽先出來呢?

可能 ................. 可能 .............. 可能 ................... 個印傭絕食減肥中呢?!!

+++++

其實呢,我又唔係知道晒事情o既全部,以上所有全是我的個人猜測啦,可能事實不是如此呢

不過我想八卦下,若你地屋企有家傭,你們會和她同檯吃飯嗎?





沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: