2008年10月2日 星期四

月黑風高殺蟲夜

*** 溫馨提示:此網誌並無相片,大家可安心觀看 ***


點解呢篇 blog 冇相?我平時連昆蟲都影架喎

原因係,我尋晚o既對手係「一隻行得非常快的曱甴」!我怕我行開去攞相機,俾佢走甩左,咁就大劑啦!

+++++

月黑風高殺蟲夜,可惜冇黑旋風忍者幫我手  

話說是半夜起身去廁所 (幸好有開燈!) 

一亮燈,就感覺到有一隻東西地下竄過

速度之快,令我以為係小明 (四腳蛇)

但望真o的,原來係小強 (蟑螂)

好大隻,應該是從街上竄進來的

驚魂甫定,立刻跕起足尖跑進廚房拿 BioKill (為免驚動曱甴跑掉)

返回廁所,狠狠地追著牠來噴

很可惜 ..............................................................................

支 BioKill 唔生性,得番 1/4 量已唔係好噴得出

隻曱甴根本冇事,仲亂咁走!!!!!!!!!!!!

+++++

我生平最最最驚的昆蟲就係曱甴 (其實都好驚蚯蚓 ... 總之都係軟淋淋o既野)

我係會用膠袋去「捉曱甴」、或者用電蚊拍電死佢,都唔會踩死佢的

因為極怕極怕極怕佢肝腦塗地個樣,會打冷震十日

但尋晚半夜情況危急,好驚佢走左出廳,

我 ... 我我 ... 最後係出動拖鞋 (很輕那種)輕力地拋向曱甴的

第一次係唔成功o既,證明咁輕身的拖鞋 + 咁溫柔的力度係唔足以殺曱甴的

第二次再拋 (唉,實在覺得自己好無聊 ... 為了一隻曱甴大費周章) 竟然令曱甴反轉了?!!真是超級奇怪

見到不斷掙扎想反身,好驚佢又會逃脫

於是拿出十二分勇氣,再拿拖鞋輕力地向佢個頭拍一下  (我只係企圖拍暈佢,重點是不要令佢肝腦塗地)

噢,終於見到佢暈暈地

就拿一大疊廁紙包住佢 (原因:好怕摸到曱甴的手感,所以要墊厚o的),沖左佢入馬桶啦 ............................

報告完畢,但我猶有餘悸呀陰功!

今晚笨 B 爸見到呢篇 blog,肯定又笑我冇用喇!

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: