2008年10月14日 星期二

笨B爸爸的生日餐 2008

哎呀...竟然預告完畢都要隔左兩日先報導   大家一定以為有甚麼超級大餐吧   其實今年只是簡簡單單而已,只是突然間有點忙,沒時間 post 呀   失禮失禮


【湯】那煲好似中湯o既物體呢 ... 其實真係中湯o黎架   叫做「南瓜蕃茄牛蒡甘筍湯」,材料已在名稱裡一目瞭然。唔駛加肉,甜甜地相當好飲喎,仲可以降脂降膽固醇添 ~

下次我要自己去街市「執碼」先,應該會平好多 (這個是在 Taste 買的湯包,$25.90,只要水滾放料煲 2 小時即可,超簡單)

P.S. 湯後面的是特別嘉賓 --- 街坊小魚兒親手烘製的七穀包,為了吃包我地飯後仲飲多左碗湯呀!好飽



【頭盤】香草粉紅鮭魚

個名懶勁咁 ... 其實是急凍的粉紅鮭魚 (即三文魚吧?) 味道不錯啊,當然肉質沒新鮮的嫩滑

墊底的是 ... 烚皇帝菜 ... 好離奇吧



【主菜】牛油蒜蓉煎虎蝦

本來想買急凍龍蝦的,但呢隻貨因大特價而銷量極速,前個星期去陳小冬婚禮前見到沒買,夜o的已冇晒貨了,上個星期六下午去又係冇晒   唯有買越南老虎蝦,都好大隻又幾便宜 (每盒 10 隻,原價 $138 一盒,特價 $180 二盒) 質素甚佳,蝦味濃郁之餘仲好多蝦膏呀!



【意粉】松茸菇帶子扁意粉

帶子也是急凍的,但有帶子鮮味,good 啊!

清清淡淡,先用橄欖油 + 蒜片起鑊,煎香帶子後加埋松茸菇炒熟

最後加扁意粉,然後扭些香草海鹽調味而已

笨 B 爸爸一邊吃,一邊問 「咦?點解冇白松露醬架 ....

哎呀 ... 之前買過來試,家陣整到老公咀都尖埋  ... 白松露醬好貴的呀,每次用量的成本,應該比這兩碟帶子意粉加起來都要貴吧

不過我其實係唔記得買 (因為今次所有野都是在 Taste 臨時執的 ) 下次得閒就再買番樽喇!



【特別嘉賓】小魚兒的新鮮出爐麵包

若不是笨 B 爸爸禁制,我一定會食晒兩個落肚 (當時是食完飯啦喎...) ...

最後我們是 share 了吞拿魚飽,再送多碗湯

大滿足呀!


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: