2008年9月11日 星期四

麻辣三不像

ummmm ... 這一圈圈的甚麼東東啊 ... 花枝卷嗎?



放遠o的睇 ... 又有o的似粉卷啊?



唉 ... 應該冇人估到我在「企圖」捲腸粉吧

捲到最後一條先似o的樣,但仍然太厚,食落唔似



咁點算呢?唔通丟左佢咯?唔得!唔似腸粉o者,又唔係難食喎 ~ 都滑嘟嘟架

諗起每次去深圳春滿園和毛家飯店都必點的「川北涼粉」,就學佢地做o個個醬吧!

唔知點整架 ... 試下喇!用左「老乾媽脆油辣椒」、花椒、鮮蒜蓉、香蔥、醋、豉油、糖 ... 撈撈撈撈撈 ... wow,味道都 OK 架喎



就係咁,我o個碟扮緊花枝卷但又似粉卷o既「腸粉」,就變左呢碟「麻辣三不像」啦


睇落係咪幾好味咁先 ~ 話你地知丫 ... 真係幾好味架!




【後記】

其實這不是我第一次試做腸粉了,試用過兩個唔同的食譜,今次呢個係粘米粉 + 生粉的

都唔知係我技術問題 (很大可能係 ),都仲未成功過,今次呢個「厚皮版」已算半成功了,至少食得   上次試過用微波爐整,大失敗添呀   冇奶油 .....

我想要整到好似酒樓o個o的好薄皮的 ~

若大家有必殺技,請賜教啊!!!




沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: