2008年9月10日 星期三

福建鹹飯

繼福建鹹粥之後,話咁快就推出福建鹹飯啦

點解咁快?wellllllllll ......... 點知啫 ........   我上星期返陳師傅家吃了兩次飯,佢就一日鹹粥、一日鹹飯 .......... 據陳師奶講法,是因為陳師傅「懶」   懶出街買餸呀!  咦咦咦,「懶」呢家野,睇o黎我盡得陳師傅真傳喎

陳師傅最鍾意「飯檯話當年」,佢介紹呢款鹹飯時,話幾十年前在鄉下,呢o的係用來「出檯」(請客) 的菜式來架!結婚呀、生仔呀都會請人食,所以又名「生仔飯」。當時「請飲」不是如現在的十幾道菜食到你唔食,而真是「請食飯」架咋!

話說文化大革命之後,人人窮到燶,飯都吃不飽,買油要用糧票,每人每個月只可配給買到一兩油,來用搽鑊底都唔夠   由於唔夠油又冇肉食的關係 (當然連米都不夠),所以經常都要捱餓的。所以呢o的多油又濃味的鹹飯,極受鄉親父老歡迎,每逢「去飲」,大家都會敞開肚子盡情地吃 。陳師傅仲話當年佢好友結婚請食鹹飯,佢一口氣連盡五大碗   佢仲話以前請食飯,每個人頭就要預一斤米 (!!!),若放在今天,四兩都可能嫌多了

聽呢o的故事其實好得意呢!仲提醒左,我地而家不單能吃飽,仲要選擇琳瑯滿目,真係好幸福架



【下圖】鹹飯@飯煲也

一煲過攪掂!果然係快靚正呀下 ...

查實o的材料係要炒過先落去煲飯o既,仲要白鑊細火炒花生,都多步驟架



【下圖】鹹飯@飯碗也

材料有乾蔥頭、蠔豉、蝦皮、炒花生、鮮蔥

炒花生和鮮蔥是臨上檯才混入飯裡的,保持香脆和味道

後面o個碗黑媽媽的,係四物雞湯啊!



至於鹹飯的福建飯,實在太難 ..... 難到我都唔知點拼出來呀


31 則留言:

  1. 咦...
    我細個時都食過架~
    阿媽將 D 隔夜無汁餸倒埋落D米到一齊煮~
    我記得有香菇呀~~~

    回覆刪除
  2. 請問係d 飯開始乾水先加餸, 定係生米一齊煲熟?我想整排骨蒸飯俾marble 帶番學校, 但係唔sure 係幾時落餸, 我驚飯熟肉唔熟!

    回覆刪除
  3. 鹹飯併音 "GUM 笨"??

    回覆刪除
  4. 我都有整過頪似的飯, 班主叫呢啲做油飯. 我的做法是洗完米, 把全有材料放在米面一起煮, 煮完便食得, 也很好味啊. 你這種做法我都是第一次見. 因為在烹飪書中也沒見過. 但見你做出來的飯很精緻呢. 單看相已覺很好味了.

    回覆刪除
  5. 我唔係福建人,所以未聽過喎!
    可唔可以再講多D,lee方面的食譜呀,因為有時我要湊仔,又要帶飯返工,就好啱我用了....真係好貪心添
    100萬個唔該哂

    回覆刪除
  6. 我係飯桶,唔該2碗呀,不過要走花生 o

    回覆刪除
  7. 嘩...未聽過喎....好想試下呀....

    Hi Bloggers,

    Fashion Chic – Japanes Latest Styles ( 日韓品牌時裝 )
    Come and have a look. 得閒入黎睇下啦

    Welcome Welcome

    http://hk.myblog.yahoo.com/fashionchichic

    回覆刪除
  8. 我媽咪煮呢個飯,仲會加一種菇,好似叫"松菇", 圓形薄薄哋一片片o既!
    鹹飯又真係幾難拼喎~"Keng Poung"......

    回覆刪除
  9. 一斤米夠我屋企食一年啊! 上次如果唔係打風都未食完! HAHAH
    煲飯真係好好味咁~ d飯咁多料但都煲到一粒粒, 一定好好味啊

    回覆刪除
  10. How about "KIAM BUNG" ??

    回覆刪除
  11. 想問蝦皮响邊到買呀?
    同咸粥一樣好多料,等我搵日都整下先。

    回覆刪除
  12. 睇落好好味, 做法都唔難啊.
    我老公係潮州人啊, 我覺得福建同潮州, 口音同食物都好近似. 我地一於"o習buun"啦.

    回覆刪除
  13. 睇到我吞晒口水........

    回覆刪除
  14. 幸福小女人- Diana2008年9月10日 上午11:33

    我鐘意食呢類既飯同粥, 我諗D味道同台灣有d相似,,,
    但我想問蝦皮可唔可以用蝦米代替? 炒好料, 放入飯煲一齊煲至熟, 唔洗加任何調味料佢就夠咸架啦?

    回覆刪除
  15. 呢個飯好特別呀!

    回覆刪除
  16. 好想食呀, 我諗d味有d似上海菜飯?

    回覆刪除
  17. 笨b媽,你令我狂流口水....哩個飯,同之前個粥,都係我超鍾意食架!!!
    我都覺得,我地哩代超幸福~~~要好好珍惜!!

    回覆刪除
  18. im that style! ill eat 5 bowl also!!

    回覆刪除
  19. 我屋企都成日煮ga, 我媽媽就會用眉豆, 冬菇, 蝦米, 瑤柱, 肥豬肉等材料, 加豉油 & 雞精調味, 同d 米一齊放晒落個飯煲度煮, 煲熟左d 飯之後, 就爆香蔥 & 燒滾油, 加落d 飯度, 我地屋企人連我老公個個都好鍾意食, 老公話呢個飯叫豆豆飯, 因為好多眉豆, 好好味~
    話開又想食, 一於今晚整番煲先~

    回覆刪除
  20. 多謝妳, 令我好懷念嫲嫲整的鹹飯, 直情眼濕濕~ 我嫲嫲過身後, 我同表姐都突然間驚覺要學吓整清明節的'嫩餅夾'(福建話拼音Leun Bia Gat), 否則會响我地呢代失傳了~
    唔知妳識唔識整呢?

    回覆刪除
  21. 我估個飯一定好香呢~

    回覆刪除
  22. 睇到我 ~~~~~
    但係整咸飯用電飯煲整,唔怕會整壞個電飯煲?????

    回覆刪除
  23. CAN I TRY SOME... PLEASE

    回覆刪除
  24. 我唔係福建人, 不過我曾經試過將乾蔥頭+洋蔥切碎炒好之後撈埋落d半熟既飯度再煲~ 好好食架~~ 估唔到我諗既野同福建人差唔多~~ 定係因為我又係一件懶精呢~~

    回覆刪除
  25. 搞到我好想食, 等我叫婆婆整先.

    回覆刪除
  26. hahaha , 我有是LAZY, 都係一煲過煮..有VEGGIE, 有肉, ETC. 好方便...
    我叫佢做 "一獲熟"

    回覆刪除
  27. hi,
    我是廈門人. 但很細就來港了.很挂住鄉下的小食但不知怎样做?

    回覆刪除
  28. SORRY, 咩係四物呀

    回覆刪除
  29. 呢一個鹹飯我媽咪都有整過比我食呀!!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: