2008年8月7日 星期四

八號風球下的晚餐

好似好耐都未試過掛足一日 8 號波

今次o的風都幾勁,吹到呼 ~ 呼 ~ 聲,

但由於是東南颶風,唔吹正我露台位,對我影響不大

我和笨 B 爸爸就在家中享受左慵懶o既一日啦 ~ 噢



打風之下,大家o既早午晚餐食左o的咩啊?

我地訓到下晝一點   早餐慳番-ed

晏晝就簡單地煮左個墨丸麻辣川燙粉絲 (購入自深圳超市,好味!) 但冇影相

夜晚呢,本來笨 B 爸爸話煲白粥算了,

我扁咀話「都未買番條膠邊 (高速煲),要煲好耐,唔煲!」

然後走入廚房摷下有咩物資,發覺可以煮個簡單西餐   oh no,係高貴西餐



yeah ~ 白松露鮮蝦扁麵是也!

綠色一粒粒的不是露筍,是我從雪櫃摷出來的一紮蒜心,切粒飛水用   扮下野

蝦 ~ 當然是我的存倉精選喇!呢期蝦價回落,雪櫃又重現蝦蹤了   長期有一斤半斤在手

白松露醬 ~ 之前買的,只煮過一次 (按此) 要快o的用埋佢,否則發霉就浪費晒



今次用了扁麵 Linguine,笨 B 爸爸話好 Q 好有口感 (Sir ... 對住高貴法蘭西意粉,唔該講 ... al dente )

白松露醬當然唔駛講,香濃無比!記住,用白松露醬煮野時,配料要盡量簡單,千祈唔好加埋晒o的蒜頭啊、香草啊搶晒o的味 (多謝高貴又賢慧的大少奶提點 )

扁麵是上次行大埔吉之島買的。天啊!幾時元朗先有吉之島啊!



大大碗蕃茄濃湯 ... 加了茄膏來煮的,所以好紅好濃啊







45 則留言:

  1. 淨睇相都知道係好好味~~

    回覆刪除
  2. 見到都覺得肚餓呀!

    回覆刪除
  3. 專業過好多餐廳噢!yummy~

    回覆刪除
  4. b媽

    呵呵!原來你有咁多存倉精選
    怪不得唔使我出手打救喇!

    回覆刪除
  5. 請問是否加入白松露醬兜混所有材料就可以了?

    回覆刪除
  6. 元朗有吉之島 , 是合益廣場 B座1樓 , 希望可以幫到你啦!
    http://www.jusco.com.hk/chi/index.htm

    回覆刪除
  7. 流哂口水~
    我噚日冇哂倉存啦...只有蛋,生菜,青紅蘿蔔同一嚿瘦肉, 晚餐求求其其兩餸一湯

    回覆刪除
  8. wow, what a nice romantic candle light dinner (the background music is the wind)

    回覆刪除
  9. 屯門都有吉之島呀~
    不過...你過來大埔好似近 d 喎~~~

    回覆刪除
  10. 嘩~好好味咁喎!雖然昨日是打風,不過我同老公都有去元朗廣場果邊行下呀!:p不過都無乜鋪頭開門!!哈哈~~白行一趟!
    真係未慣村屋生活,所以雪櫃都未有你們咁有條理有存貨呢!哈哈

    回覆刪除
  11. 哇,好似聞到好香咁呢

    回覆刪除
  12. 我屋企喺半山,樓下冇得買餸,所以我個雪櫃都同你一樣塞滿好多嘢,就算三日唔落街都餓我哋唔死!不過我哋d貨好平民,冇咁富貴!
    尋日d風勁到窗都吹得開,真係大到嚇死人!

    回覆刪除
  13. 你的推介正到不得了. 請問有無岩2-3歲的食譜.

    回覆刪除
  14. 今年有兩次8號,1次係6月25日(我生日= =...嗚.... ),1次係8月6日

    回覆刪除
  15. 嘩~~ 好正喎~~ 口水流滿地啦~~ 要拖下地先得~~ ^^ 尋日個風認真勁, 幾次我將個窗只開少少LA比D空氣流動下, 佢就同我吹到成隻窗開晒, 幾驚會吹到個窗跌落街呀! 所以最後, 都係要開冷氣訓覺.....

    回覆刪除
  16. 個樣好靚,相信都好好味!

    回覆刪除
  17. 大埔吉之島,返香港時,差不多每日都係果樹,因為一女娘家就係呼近~

    回覆刪除
  18. 睇完好想食/_\
    雖然岩岩先食完晚飯~,~

    回覆刪除
  19. Molly: 唔好意思呀! 明日有外遊, 未能摘龍眼, 要陳師傅等多個星期!

    回覆刪除
  20. 睇完你整呢個白松露意粉. 我又想起我開咗嗰樽還未食完呢.
    打風嗰日我都煮了兩餐, 到了晚餐班主可能頂唔順要洗第三次碗, 所以晚上便出咗去食囉.

    回覆刪除
  21. 我用全月通...個個星期都去屯門做gym + 行吉之島... 如果平時都係搭西鐵出入,買全月通都幾抵架

    回覆刪除
  22. 我覺得Linguine比Spaghetti有口感好多

    回覆刪除
  23. b媽

    你睇睇呢度︰
    http://hk.myblog.yahoo.com/achan3878/article?mid=5026
    就知道薑汁酒的用途喇!

    回覆刪除
  24. 打風食品不再是豆豉錂魚而是白松露醬意粉......你話HK幾好景呀!!

    回覆刪除
  25. 露絲公關手記2008年8月7日 下午5:31

    白松露 - 好高貴嘅配料啊

    回覆刪除
  26. 好好食咁呢...pasta我最鍾意呀~哈哈!!!!

    回覆刪除
  27. 早幾日, 我都有去行元朗大橋街市....d 花竹蝦(好似手掌咁長)都係賣68元斤, 我差d以為自己睇錯...點知去到一檔相熟既也一樣.....真係平到笑, 而你話你儲定量, 係咪就係買呢d返來洗完 (唔除殼)放係冰格待用呀 ???
    而我果日仲買左7隻仲長個我手掌, but啱啱升仙果d, 只係35元咋, 之後用來煎茄汁蝦....勁正呀!!!!

    回覆刪除
  28. 我也較喜歡al dente的pasta,那些煲到「淋bek bek」的很難吃,完全沒口感。

    回覆刪除
  29. 聽聞荃灣會重開吉之島超市....西鐵荃灣一出就係...都方便妳呀

    回覆刪除
  30. 做乜甘快要換高速煲條邊既? 妳唔係買左好耐咋播?

    回覆刪除
  31. 哈哈... 八號落三號之後我就馬上出咗街啦!! 同魚魚去咗据鐡板餐, 再去睇9:30"赤壁"

    回覆刪除
  32. 好似高級餐廳呀

    回覆刪除
  33. 好彩冰箱有半隻真空包裝的雞,打風日子先有得開飯。我都好想元朗快d有吉之島,呢個簡直係我夢想,仲要買多個雪櫃,咁就最好喇

    回覆刪除
  34. 我都有一aun白松露, 但係我仲未開來整, 因為都唔知買咩配料去整意粉好.

    回覆刪除
  35. 斯洛 與 S王子2008年8月8日 上午5:51

    家中只有黑松露醬, 都好好味... 唔知白松露個味道又係點呢?

    回覆刪除
  36. 屯門有吉之島...入黎屯門啦~~~~hahahhaha
    其實我最想屯門有 city super....

    回覆刪除
  37. Linguine 係我o既最愛!how's your "tummy" lately?

    回覆刪除
  38. 貴唔貴呀d白松露醬

    回覆刪除
  39. 觀塘走失雞尾鸚鵡資料及最新消息(希望各位幫幫手...forward俾人!!!) 本人於2008年6月12日早上十一時左右於家中(秀茂坪村秀賢樓)走失一隻雞尾鸚鵡,希望各位住在秀茂坪村,寶達村,曉麗園,翠屏村及鄰近地區的朋友留意一下。

    詳情及最新資料請CLICK入 http://hk.myblog.yahoo.com/bubub12062008

    回覆刪除
  40. 笨b媽媽mug妳隨隨便便一餐都可以整得咁高貴嘅

    回覆刪除
  41. 八號台風都咁好味, 咁平時仲得掂 ge

    回覆刪除
  42. 係市中心啊...屯門市廣場啊...吉之島係屯門市中心地標黎啊....你搭輕鐵係杯度站落...再問人就知啊....
    再唔係你帶d元朗手信入黎探我地...我同vanlily 都好樂意帶你去見識見識呢~~~hahahhahahahhaha

    回覆刪除
  43. 屯門吉之島.......你有時間嘅話,搭輕鐵614,杯渡站落,一程車就到,約半小時。想快啲,搭西鐵,屯門總站落,再行5-10分鐘就到,落左車問人就知點去,唔使再轉輕鐵架。

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: