2008年7月3日 星期四

超正抽油煙機

曾經有不少 blog 友都問過我,是用哪個牌子的抽油煙機,可否介紹一下云云

但,大家都知道我唔好用的就唔會攞出來講 ~ 咁即是 ... 我唔鍾意我部抽油煙機囉

其實牌子唔差,是 KDK,摩打出名襟用,價錢又實惠,所以我家相公指定要用佢

只可惜,一開機嘈到好似拆天咁 (講野一定聽唔到的程度)!仲令我好煩燥

所以都係唔好介紹畀大家勒

雖然佢出名襟用,但我其實咀咒緊佢快o的壞,等我可以換部新機,哇哈哈



咦咁,點解我呢篇 blog o既標題係「超正抽油煙機」呢?

冇錯,今次介紹呢部抽油煙機,確是超正,只可惜不在我家

話說好友 K 屋企住 house,個廚房大過我主人房

成張餐檯都放得落,成家人一齊o係裡面食飯o個種,仲有部電視用來送飯

咁當然,需要一部又勁抽又寧靜o既抽油煙機喇!


嗱嗱嗱,就係呢部啦

據屋主講,有唔同款的,有o的細部o的

佢地咁大個廚房咁大個廚櫃,梗係揀個大的。呢個六千幾

貴唔貴?我o既答案係 --- 物有所值!!!

外型靚仔不特止,開左係完全唔覺有噪音!好似冇開咁!



我懷疑一o的聲都冇o既抽油煙機,到底抽唔抽到野架?

試驗一:當然是在廚房裡試 ... 完全冇油煙味!

試驗二:情商左笨 B 爸爸做人肉測試 ... 抽風口勁大風!



試驗三:人肉測試機今次試驗開門 ... 啜得好實!要好大力先開到門!



結果:

真係超級無敵正!我決定 ... 繼續咀咒我部 KDK




【下圖】大特寫  --- 牌子名是 Fujioh,我實在太孤陋寡聞,才第一次聽   原來是日本牌子兼日本製造,果然冇得頂!

據好友 K 說是在紅磡都會軒商場的專門店買的,唔知其他地方有冇,大家可以 Google 下。(blog 友提供官方網址:http://www.fujihome.com/cooker2.htm)

報導完畢 ~ 多謝收看 ~

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: