2008年7月21日 星期一

元朗手信 - 【鹹雞】

星期六參加了一個好開心的聚會,每個人都要負責一樣食品的,可以親手煮也可以買

作為大西北代表,今次我就帶o的「土產」畀大家食下喇!

帶左o的乜?----------- 元朗馳名鹹雞飯的「鹹雞」是也!

大家睇下個盒幾骨子,我攞住一盒雞加一大袋老婆餅o係街行,簡直成個遊客咁呀 不知畀幾多街坊望住啊,恆香o的阿姐仲忍唔住問我o係邊度買架添



開左個盒,先知道裡面原來更骨子!o的雞排得好靚,仲附送好味雞膶,個底仲墊左一大堆芽菜,索晒o的雞汁,好味!

隨雞附送醬料四盒同筷子四對,方便隨時開餐!

太耐冇食鹹雞,一食就停唔到口 ~ 真係好有雞味架呢!麵檔阿姐強調係新鮮雞做架!



本來買鹹雞已買到身水身汗,但難得出城見朋友,又點可以唔買埋老婆餅呢?o係元朗總店買有個好處,就係流量極大,所以幾時都係熱辣辣出爐的最新鮮貨色!yeah ~

($24 一盒/ 6 個,元朗大棠路恆香老餅家)



後記:

因為借左部相機畀笨 B 爸爸用,所以手震震用手機影相,只影了鹹雞來報導用  ~ 有關呢次精彩聚會o既美食相片,大家請睇大少奶的詳細報導啦

鹹雞飯在很久以前介紹過,大家可參看這篇:【元朗】過橋麵檔的鹹雞飯

太耐冇去,發現原來舖仔裝修了,骨子左好多 ~ 話時話,一隻鹹雞 $159 ~ 大家入來元朗玩,又多樣手信揀啦!(20100109 更新:鹹雞加價了,現在一隻賣 $177 啦。不過都好大盒,仲有雞膶,都仲係好抵!)

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: