2008年6月24日 星期二

DIY 有機驅蟲噴霧

我家的那一株薄荷藿香,是看了上年 10 月 sasa 發表的一篇網誌後立刻買的


她說可以用來自製驅蟲噴霧,對蚊滋很有效


 


不過因為懶惰和事忙的關係,我種了半年才第一次利用,哈哈


 


【下圖】薄荷藿香的葉子 --- 搓一搓,會有些驅風油的味道   難怪可以驅蚊啊



【下圖】做法很簡單啊,都是用攪拌器把葉子加水打碎



wow ~ 打碎後有更強的驅風油味 ...



隔渣後將液體裝入噴水壼 (可稀釋一點),就可以拿去噴植物啦 ~



【下圖】我的試驗 --- 那天正好看到有一朵白蘭花被黃色蚜蟲圍攻 (可是其他又沒有喎,奇怪),立刻屠殺一輪 ... 後來好像發現消失了  


話時話,放在地下的盆栽,好像也沒有以前的蚜蟲和小蟻的問題了  


(P.S. 不知道和我現在全都種植香草植物、兼且換過晒o的消毒泥有冇關呢?上年初初種野時,經常受到蚜蟲和螞蟻的煩擾)


50 則留言:

  1. 1111 B媽好少呢個時間出blog喎~

    回覆刪除
  2. 今日咁早既????

    回覆刪除
  3. 真的有用??

    回覆刪除
  4. b媽

    我對你支神仙棒(攪拌器)有興趣啲
    你覺得好唔好用呀?
    我都唸緊買唔買支呢!

    回覆刪除
  5. B媽:

    我平時無整盤栽,但新年會買花花擺屋企.....

    幾乾淨都好,都會有蚊滋....討厭啊!

    我無計可施之下,噴了Biokill落D 泥道,跟主就"無樹"!

    其實我實在太勇,萬一花花瓜左,就大吉利是!

    回覆刪除
  6. 嘻嘻!係呀,因為你呢枝細細枝,靈活好多嘛!
    有時想打小小嘢,好懶專登攞部大機出黎架!

    回覆刪除
  7. 等我認下叻先
    有一大班朋友, 他們說自己很野蚊, 比晒面地來我家, 著晒長袖衫, 搽晒蚊怕水.BBQ 前在天台聊天. 已沒有蚊. 到了晚上 BBQ, 也沒有蚊. 第二次再來時, 己沒有了裝備. 玩完後說要來第三次呢.
    在夏至那天, 有兩位朋友來我家天台作客吃晚飯. 天台沒有生火的.也說沒有蚊.
    不過咁, 要保持清潔才是最重要.

    回覆刪除
  8. 自製驅虫....唔錯唔錯 而家我都唔敢開窗... O的虫變種變得好利害...

    回覆刪除
  9. B媽 : 你又自給自足啦, 勁啊 ~
    佢有驅風油味, 如果坐車 / 起身見頭暈, 你估可唔可以拎來搽

    回覆刪除
  10. 幾好wor, 夠天然, 可唔可以噴係皮膚嫁? 當蚊怕水都好wor ...
    p.s 早兩日搽左蚊膏都中左十幾粒呀 不過太熱我真係唔想著長衭law, 痴住好辛苦嫁

    回覆刪除
  11. 又上堂啦,原來用薄荷藿香都可以自製驅蟲噴霧的,可惜無買到,都係快d走去買 Biokill,成日都未買到,成日見到d蚊仔係度 fly fly fy,仲有見到有d好鬼細的虫仔係個粒肥度行來行去,毛管"動"晒,後尾見個日鬼咁好太陽,咪將移好個位等d太陽光可以宜晒個尚粒虫虫肥,好彩晒完都唔見晒d虫虫,真係嚇死我呀

    回覆刪除
  12. 咁好用, 我都要幫盆 薄荷藿香 開枝散葉先!
    你呢款攪拌器又幾好用咁喎! 唔知容唔容易清洗呢?

    回覆刪除
  13. Molly:
    咪話掘棵番茄畀你嘅, 但之前掘出來果D就好快謝左, 尋日又搵到棵細細地, 我用花盆同花泥種緊, 觀察多兩日, 無問題就可以畀你種喇!

    回覆刪除
  14. what a good idea!

    回覆刪除
  15. 小春
    你繼種菜後.....................
    我懷疑你遲早會自已整蝦膏、曬鹹魚
    甚至............曬菜乾~~~

    回覆刪除
  16. b媽,
    你這帖子很有用,謝謝!我家的植物常有虫,尤其是蚜蟲,真係殺不死!這些 薄荷藿香可在花園街買到嗎?

    回覆刪除
  17. Molly:
    呢排d細路開始放暑假比較忙, 如果你d稿唔係太急要, 都希望可以幫到手.

    回覆刪除
  18. 你真係好勁架...乜都識~

    回覆刪除
  19. 我就黎比我亞媽搞到抑鬱, 薄荷藿香成日比佢整斷d枝,有乜方法打救下?

    回覆刪除
  20. 八號風, 你大西北冇乜事吖嘛? over

    回覆刪除
  21. 請問薄荷藿香係咪唔可以水種架?我將一條擺落個樽仔度,搵d石春同水養住佢,佢好快死左啦~~

    回覆刪除
  22. 今朝好勁風呀! 你果處無咩吖嘛?

    回覆刪除
  23. BB媽媽...今日8號風你個邊點呀!有無做好準備呢!我個女對植物敏感所以屋企一D植物都無!

    回覆刪除
  24. 對綠色的東西有點抗拒.....

    回覆刪除
  25. 依隻野係邊度買呀? 花墟會唔會有?
    因為屋企附近多草叢
    成日都有好多蚊滋飛入屋
    你.... 快d教我啦~

    回覆刪除
  26. 其實有蟻就好容易有芽蟲啦 !
    蟻怕酸 , 見到有蟻出沒 , 最好補多次檸檬汁 , 好有效的 !
    Biokill又真係幾好用呀 ! 我最怕的四腳蛇 , 都是靠佢攪掂 !

    回覆刪除
  27. 一個小朋友的遭遇 , 看了會想哭 , 作為父母請引以為戒
    http://hk.myblog.yahoo.com/ky_katrina/article?mid=206

    回覆刪除
  28. 街坊啊 ~ 你感受到現是三號風球嗎??? 我只感受到現在還是八號球啊. 你嗰邊點呀. b 爸今日返工有無 呢 hea. 我也幫唔到我老公 call 的士呢.

    回覆刪除
  29. 勁啊B媽!
    我屋企個萬年青都有d黑色超細隻的蟲仔啊! 仲好多下!
    但整整下就無理佢, 因為盆萬年青依然生長得好好.........

    回覆刪除
  30. 等我報告比阿媽聽先得,因為佢成屋都係花花草草架。

    回覆刪除
  31. 嘩!認住佢先得..真係連 我"蚊滋"都殺埋啵!

    回覆刪除
  32. 原來此植物是薄荷藿香,我都種緊葉子很像它的植物,買時,花店叫佢做檸檬草.葉上有毛毛,捽吓d葉會感覺有d油性及檸檬味.不知是否就是你的薄荷藿香.
    最近還認識一隻中成藥叫藿香正氣丸,成份一欄有"廣藿香",我腸胃不息入院都唔得,後來有人介紹服用,2次即見效.好得.唔知廣藿香是否就是你(我)買的藿香?

    回覆刪除
  33. 又話冇風 ... 吹到飛起呀, 傻

    回覆刪除
  34. 天然成分,無添加,要試試啦!

    回覆刪除
  35. HAHA... + +
    等我又試吓先!

    回覆刪除
  36. 我想種一盆丫
    呢種葉係唔係有其他名 ka?
    ^^

    回覆刪除
  37. HALO...我想問下你知唔知元朗邊度會有得買啊~thx~

    回覆刪除
  38. Could you please tell us the English name of this plant? Thanks!

    回覆刪除
  39. 你好,我見你在 5 Things about me 講你而家用緊自動吸塵機械人,comment都唔錯,我想問下你在那兒賣的?幾錢?因為我家有兩隻狗狗,實在太需要買一部,但見坊間有很多來自台灣的牌子,比來自日本的平幾多,但有?心不知是不是一分錢一分貨。所以想問問你這家的是那個牌子,如果你都覺得好用,那我又走去研究一下,謝謝你。

    回覆刪除
  40. 十分謝謝你的資料!

    回覆刪除
  41. 原來嗰啲嘢叫蚜虫? 我啲植物都有呢啲嘢.......
    嗰啲薄荷藿香咁勁? 等我又買盆試吓先~

    回覆刪除
  42. 笨B媽媽
    見到你種香草種得不錯,所以我最近都買了兩棵香草回來試一下自己種,一棵是薄荷葉,一棵是九層塔,但後來卻發覺葉子出現一撻撻的啡色,今天發現葉子背面有很多一粒粒很少的小動物,是會飛出來的,不知是不是它吃了葉子的葉綠素,所以葉子才變了咖色,你知不知道怎樣可以除去這些小動物呢?先謝謝你.

    回覆刪除
  43. 水浸就會出根, 係唔係只用清水就可以啦? 要不要落些什么營養液的東西.
    我都要快些買返棵回家才行, 順便問問佢需要陽光嗎. 我家的小窗台是沒有阳光直射的.

    回覆刪除
  44. 請問 <薄荷藿香> 可以係邊到買到呀 ? 花墟係咪叫<檸檬薄荷>?
    我好想試下, 因為我棵蕃茄同珊瑚花加左有機肥之後就有好多蚊滋 ...好想試下你的驅蚊方法

    回覆刪除
  45. 謝謝你的回應啊 ~~ 想問多一個問題, 如果買不到薄荷蒮香, 有什麼方法驅蚊滋呢 ? 我用過蒜水, 不過效用不太, 很快又有蚊滋

    回覆刪除
  46. 噴了biokill , 那些蕃茄還可以吃嗎?

    回覆刪除
  47. 噴了biokill , 那蕃茄還可以食嗎?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: