2008年6月19日 星期四

【誠意小店】元朗昌記海南雞飯

這間小店,若不是村姑小魚兒的介紹,我也未必會找得到呢!


因為它位處那個地方偏離了市中心,平日真是好少經過啊


不過,試完一次之後,我相信以後還會間中幫襯的


因為他們的食物味道真是相當不錯呢!值得推介啊!


 


【下圖】這間小店叫「昌記海南雞飯」,當然是吃海南雞喇


小魚兒提醒,因為碟頭飯的雞比較少,兩個人去吃的話,不妨叫半隻啊!(好像是 $60?)


這雞好薄皮、雞肉也很嫩滑,實在不似雪雞。可是,價錢相當便宜,我買一隻新鮮雞都要過百喇 ... 所以,笨 B 爸爸就跟老闆 (是後生仔) 搭訕,問佢這是甚麼雞 ...


老闆好老實,又毫不修飾咁答:ummmmm ... 咪普通冰鮮雞囉?新鮮雞邊做到啊?做唔到架 ...


笨 B 爸爸可能發現自己問的方法唔o岩,再問一次:我其實係想問呢隻係咩種類o既雞,因為o的皮好薄啊!雞味都 ok 喎!


老闆仔都係 R 頭 ... 都係答:咪普通冰鮮雞囉 ...


噢,我仲諗住問佢邊度有o的咁正的冰鮮雞,我可以買來煮添  



【下圖】叉燒例牌 ($35)


是不是看來和普通叉燒不太一樣?


yeah ~ 一o的肥肉都冇啊!但一o的都唔「鞋」喎,唔知佢用左邊個部位o既肉來燒架呢 ... 調味也很出色,感覺像在吃燒豬頸肉!



【下圖】油飯 ($8)


不油,但香。配合海南雞和薑茸,很快便掃清一碗!



【下圖】小店外貌


小店很小,裡面只有三張檯。不過我們去吃那天是星期日,所以沒甚麼人,坐得也舒服。


老闆見我一邊吃一邊影食物,唔知道係咪以為我係記者呢?我地俾完錢出門口,已經特登行埋一邊才「偷影」佢門口,都畀佢發現 ..... 仲一邊斬雞一邊同我做 V 字手勢添呀


得啦得啦,我最支持小店架啦,一定會寫你架,放心!


不過呢,你可唔可以買過o的大o的o既杯呀?杯飲品太太太細啦!



 


【昌記海南雞飯】


地址:元朗馬田路怡豐花園 20 號地下


電話:2477-7969


平均消費:$30-$50


 


【位置圖】


中間藍色那條是大坑渠,「B」是 B 仔涼粉舊店,「昌」是昌記啦


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: