2008年6月3日 星期二

一物三用之 (3) 石仔代替品

$16 一斤花甲,真係畀我用到盡


四分三用來做餸 (豉椒炒花甲),四分一用來煮湯 (和風麵豉湯)


o的殼仲唔捨得丟,主題係廢物利用,實情係非常好用


多謝新晉村姑街坊 sasa 的好點子 (原文),既環保又實用,十個讚呀!


 


【下圖】使用前,當然是先浸洗好晾乾。黏著那粒肉也要搣走或用鋼絲刷「省」走,不算很困難。


新加坡代表 mommy dearest 溫馨提示:最好先用鹽水浸它一天 ,再用清水浸多一天,以防惹蟻。記住記住要浸返淡佢啊,否則鹹味會惹來倉蠅啦。


由於我的花甲曾經用豉椒炒,又油又膩,所以我的做法是用紅威寶先沖走主要的調味品和表面油漬、再用紅威寶溝水浸一晚,第二天才刷洗,刷洗後用清水浸一天,去除多餘清潔劑才攤乾。若是天朗氣清的日子,大可以放在陽光下曝曬一下,消毒效果更佳!



【下圖】用來做咩?鋪花盆底呀!yeah ~   除左 sasa 之外,唔知其他 blog 友有冇諗過原來蜆殼可以咁用呢?


因為買回來的花盆,底部通常有些不算小的洞洞,用來疏水用的。可是,若把泥土直接倒進盆子,好容易從洞洞漏出來,沾污地台。平時我會特別去水族店或花店買小石子舖底的,但搬運費力、也花錢,所以 sasa 諗出這條超級好橋,蜆殼既可遮蓋洞洞,也不失疏水的效能,仲可以慳錢又慳力,係咪抵畀十個叻佢先!  叻叻叻叻叻叻叻叻叻叻呀!


新加坡代表 mommy dearest 溫馨提示:貝殼仲可以分解磷質,是植物的重要營養素之一啊!



【下圖】大家在家中種植,最好都是在花店買已消毒的科學泥 ~ 因為我以前也試過在菜田挖泥回來用,以為會肥沃o的,但結果是 ... 蟲蟻橫行呀    因為舊泥好多時含有蟲卵和植物種子在內 ~ 種田的人會用大火槍燒泥才用的


(若大家有足夠空間 + 體力 + 時間,也可參考 sasa 的循環舊土方法,將泥土消毒才用)



【下圖】呢兩個新盆,用來種左咩野呢?第一是香蔥 ~ 即是平時蒸魚那些



【下圖】原來香蔥的蔥頭是這樣的,不是圓碌碌那種


在街市買 $8/ 斤,多數是一紮一紮的,但我不要那麼多,便揀一間有散裝賣的,自己執。呢度唔記得係 $2 定 $3啦。



【下圖】另外一盆,放了一些刁草 (Dill)、胡荽 (Corainder) 和香蒜 (Garlic Chives)


是上年年底三分鐘熱度時在陳平記買回來的種子,而家才真正拿去種


希望成功喇,有野睇時才報導 ~  


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: