2008年5月5日 星期一

跳蚤市場的大發現 - 四川麻辣花生

各位觀眾 ... 呢包花生個樣係咪好掂 ...


靜靜雞話你知,味道仲掂呀!簡直一吃難忘,再吃會瘋狂!


點解可以有咁好味o既花生架!


不過,要麻辣級的朋友,先有呢個口福啦 ~ 因為真係相當辣架!



話說星期日去左錦上路西鐵站外的跳蚤市場八卦,其實唔太多野睇,我同笨 B 爸爸呢兩個為食怪,都係集中看有咩好食 ~


第一次見有「四川麻辣花生」呢樣野賣 ~ 其實都幾貴下,不過實在太獨特又太美味,試吃之後就投晒降,貴都要買番包!



還買了和記隆的「冰脆龍鬚糖」,$13 只有五粒


味道 ok,不及當年在機場吃到的貴價貨好味,那才是真正的冰脆



然後去到另外一個無名小檔,賣糯米糍和冰脆龍鬚糖,好想食,不過五點幾了,費時食得太多零食啦


嘿!呢檔的冰脆龍鬚糖才 $10,有六粒呀!



n 年沒有見過這些三粒包裝的甘草欖了



原版蜂巢,令我想起泰國 Marriott Resort 自助早餐的巨大蜂巢 ... 噢,好想再去!!



跳蚤市場其他風貌:



地點:


西鐵錦上路站 B、C 出口


開放時間:


星期六、日及公眾假期   上午 10 時至晚上 8 時


 


香港的跳蚤市場不成氣候,我覺得是因為場地太小了,檔口不夠多,兜兩圈已逛完,我地住大西北就冇咩所謂,其他人老遠跑入來逛,好像不太值得 ... 若果可以攪大o的就更正啦


我見仲有吉位,月租只是 $2,000,大西北街坊們有興趣開檔嗎?


37 則留言:

  1. 四川麻辣花生,好似好好味lor,我鐘意食辣架!!!!!

    回覆刪除
  2. 我去過"紅磚屋"0個個 呢個係咪第二個? 搵日去行下先

    回覆刪除
  3. 我好想買幾包派街坊呀,我屋企好多人鍾意食辣架,不過得冇理由山長水又遠走入嚟為咗買花心掛,會唔會有電話可以提供.,等我打去問吓仲有冇其他地方買得到,麻煩晒你呀!

    回覆刪除
  4. 嘩, 我最鍾意食龍鬚糖呀, 好似好好味咁

    回覆刪除
  5. 太遠啊!
    丫!可以叫甜甜去賣蛋糕啊

    回覆刪除

  6. 我好鍾意食龍鬚糖
    可以食好多好多粒
    睇見你 D 美食相
    好想即刻翻香港

    回覆刪除
  7. 我好鍾意flea market, so much stuff to see and buy. That heart shape plate looks good!

    回覆刪除
  8. 原來你也是這天去, 可惜時間唔啱沒有撞見.

    回覆刪除
  9. 哎呀....
    以上所有我都唔食的
    咁呢個跳蚤巿場我唔駛去咯~

    回覆刪除
  10. 四川麻辣花生睇見都覺得辣,吃左我一定變火龍都得喇 

    回覆刪除
  11. 花生..唔错.不过糖更加吸引我.....

    回覆刪除
  12. 我星期日差5多6點去到行。個檔叮叮糖好過癮

    回覆刪除
  13. 嘩....四川麻辣花生...睇樣都已經落口水啦....><
    點攪好呀...我好想買番包TIM...旦對我黎講...太遠了...=.="

    回覆刪除
  14. 其實放假去「遠遊」一下都幾開心架﹗好過日日都喺城市吸塵啦~~~上次我同陳生都去左咁上下位置嘅紅磚屋呢~ 下次去埋呢度睇睇先~

    回覆刪除
  15. 笨B媽,我忘了妳 手機no,可以email過俾我嗎?﹗ cd9413@yahoo.com 我同一女7月尾擺酒,唔好意思請您, 因為上次都冇去到妳啲婚禮。。。 加上,孖寶媽又去唔得~ (老公怕佢見blog友~ ) 不過,想搵您哋食lunch,俾d小禮物您哋~ 妳哋係唔係重係同一building做嘢呀?﹗ 一女呢個星期五返到香港,而我就要到7月19先返~

    回覆刪除
  16. 我都有興趣去買野食

    回覆刪除
  17. 好耐無食過龍鬚糖呀!!!!!!

    回覆刪除
  18. 咦?新開架?
    係咪星期六日先開架?
    今個星期去行行先!

    回覆刪除
  19. 我果日同差不多時間都有去到果度喎,唔知我地有冇擦身而過呢。

    回覆刪除
  20. B媽, 花生既原作者係教育路 (B仔涼粉舊舖, 臭河個間) 轉灣向住大街個間賣咖哩魚蛋既舖, 佢地有麻辣花生, 南乳花生同准鹽花生, 佢地d咖哩魚蛋都好正. 不過記得唔好早去, 因為佢地下午先開. 約$20/包, 不過而家唔知有冇加價. 好正架, 我尊登叫朋友揸車車我去買, 食到停唔到口, 不過食多少少就好易喉嚨痛.

    回覆刪除
  21. 請問冰脆龍鬚糖跟龍鬚糖有乜嘢分別? 嘩! 包花生.......

    回覆刪除
  22. 淨睇個樣已覺得好好食 ~

    回覆刪除
  23. 晚晚放工都見到呢度... 原來開門後咁熱鬧...

    回覆刪除
  24. 嘩!! 好想食個oD糯米糍同埋冰脆龍鬚糖呀!
    等我下次去先! thx for sharing

    回覆刪除
  25. 我上星期四有去,但可能太夜,所以好多鋪頭都關門,買左一包佢話用黎洗菜既粉,話可以去農藥架喎,就用$10 試一試先。

    回覆刪除
  26. 我都係星期日五點幾去架,可能同你擦身而過都未定...haha...
    同埋我覺得個市場好焗就真~

    回覆刪除
  27. 天空海闊任我飛2008年5月6日 下午2:39

    "紅磚屋"???

    回覆刪除
  28. 我住响將軍澳..有時先會去屯門探媽媽..如果下次你去買開四川麻辣花生的話..可唔可以幫我買一包大??如買咗..我可以在元朗或天水圍站交收架..謝謝~

    回覆刪除
  29. 咦?我們這邊也有這種花生賣呀,不過因爲辣椒被油炸過,不是很辣,連我這種不能吃辣的人都可以吃呢!

    回覆刪除
  30. 睇到你的介紹, 前日經過錦上路站買左兩包, 真係無介紹錯, 好好味的.

    回覆刪除
  31. 以上我指o既係麻辣花生~

    回覆刪除
  32. 咦...呢隻花生我係青島都見過,不過我對麻辣一般,所以冇買到~

    回覆刪除
  33. WOWOWOWOWW thanks for you notification ar... i noticed that there are so many plates in differenct shape ar!! especially the heart shaped plate..just $25 jarrr. i love it... let me go there to have a look first hehehe.. thanks !!

    回覆刪除
  34. 麻辣花生,真的好正,我這個復活節假,也去了兩次入貨~~

    回覆刪除
  35. 今日放工響荃灣見到有得賣,細包6蚊,大包好似12蚊左右。因為怕太辣,買左包細既。D花生好大粒,不算太辣,有D似水煮魚既味,好味 。 阿妹見到有新野食,一手搶左,一路食一路話好辣,但係佢又唔俾番我,仲同兩野我清埋袋 。 冇計,下次買包大既入房靜雞雞食 。

    回覆刪除
  36. 請問你最近有再買這種麻辣花生嗎?我看這篇是08年的﹐我有興趣去買﹐謝謝答覆。

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: